पूर्वाधार/विकास

प्रधानमन्त्री पुष्पकमल दाहाल प्रचण्डले एकपटक आर्थिक क्रान्ति गर्नुपर्ने अवस्था आएको बताउनुभएको छ । बुटबलमा लुम्बिनी केबलकारको उद्घाटन गर्दै प्रधानमन्त्री प्रचण्डले कोरोना महामारीको मारबाट भर्खरै उम्किएको अवस्थामा देशको अर्थतन्त्रलाई चलायमान बनाउन आर्थिक क्रान्ति नै गर्नुपर्ने अवस्था रहेको बताउनुभयो ।

देशको अर्थतन्त्र अप्ठ्यारो अवस्थामा रहेका बेला निजी क्षेत्रका तर्फबाट पर्यटकीय पूर्वाधारहरू निर्माण भएपछि मुलुकमा आर्थिक क्रियाकलाप थप चलायमान भएको र यसले सकारात्मक सन्देश गएको बताउँदै भन्नुभयो, ‘रुपन्देही र पाल्पा जिल्लालाई जोड्ने गरी निर्माण भएको केबलकारको पर्यटकीय पूर्वाधारले स्थानीयस्तरमा मात्र नभई राष्ट्रिय अर्थतन्त्रमा नै ठूलो योगदान पुग्नेछ ।’

नेपालमा आउने विदेशी पर्यटकका लागि यस्ता पर्यटकीय संरचनाले सहयोग पुग्ने र यसबाट उनीहरुको नेपाल बसाइँ …

रुसी कब्जामा रहेको दक्षिणी युक्रेनको खेरसान राज्यमा बाँध (ड्याम) भत्कियो। विशाल बाँध भत्किँदा तल्लो इलाकामा पानीको बाढी आयो। तर यो बाढीले कसलाई फाइदा गर्ला ?

रुस–युक्रेन दुवैले एक–अर्कालाई बाँध भत्काएको आरोप लगाएका छन्। गत वर्ष नर्ड स्ट्रिम पाइपलाइनमा विस्फोटको समस्या पनि अझै सुल्झिइसकेको छैन। यी दुवै विषयमा पश्चिमा देशले रुसमाथि आशंका गरेका छन्। तर दुवै आरोपलाई रुसले अस्विकार गर्दै उल्टै आफैंलाई क्षति पुर्याउने काम आफूले नगर्ने दाबी गरेकोछ।

उसोभए किन भत्काउँदै त रुसले ?

काखोभका बाँधको विषयलाई लिएर रुसले दुईवटा बिन्दुलाई आधार बनाई आफूलाई क्षति पुर्याउने दाबी गरेको हुन सक्छ। पहिलो, बाँध भत्किँदा निप्रो नदीआसपासको क्षेत्र डुबेको छ। जसले गर्दा …

भारतीय दूतावासको सहयोगमा २०६२ मा निर्माण सुरु गरिएको राजविराजस्थित महेन्द्र विन्देश्वरी बहुमुखी क्याम्पसको कन्या छात्रावास १८ वर्ष पुगिसक्दा पनि निर्माण सम्पन्न हुन सकेको छैन। २०६४ साल भित्र सम्पन्न हुनुपर्ने ५५ कोठे छात्रावास भवनको निर्माण अन्तिम चरणमा पुगेर पनि काम रोकिनु र भारतीय दूतावासले समेत ध्यान नदिनुले भवन अहिले अलपत्र अवस्थामा छ। दूतावासले १ करोड ९६ लाख रुपैयाँ बजेट तत्कालीन जिल्ला विकास समितिमा पठाएको र निर्माण समितिका संयोजक शेखर सिंहलाई तोकेको थियो। सिंह अहिले राष्ट्रिय सभा सदस्य हुनुहुन्छ।

निर्माण समितिले तोकिएको बजेटभन्दा बढी खर्च भइसकेको र भवनको झ्याल–ढोका थप्न, रंगरोगन गर्न ३४ लाख रुपैयाँ बक्यौता रहेकामा सो रकम दिए भवन तयारी …

आईएमई ग्रुपको नेतृत्वमा बुटवलमा बनेको लुम्बिनी केबलकार यही जेठ १५ गतेदेखि केबलकार व्यावसायिक रुपमा सञ्चालनमा आएको छ। यद्यपि यसको औपचारिक उद्घाटन जेठ २५ गते हुने भएको छ। प्रधानमन्त्री पुष्पकमल दाहालले केबलकारको उद्घाटन गर्नुहुनेछ।

‘जेठ १५ गते बिहान ८ बजेदेखि आम सर्वसाधारण चढ्न पाउने गरी सञ्चालनमा आएको छ,’ अध्यक्ष ढकालले भन्नुभयो ‘जेठ २५ गते औपचारिक रूपमा प्रधानमन्त्रीबाट उद्घाटन हुन्छ।’

केबलकारको २०७७ फागुन १ गते तत्कालीन प्रधानमन्त्री केपी शर्मा ओली र तत्कालीन अर्थमन्त्री विष्णुप्रसाद पौडेलले उद्घाटन गर्नुभएको थियो।

कम्पनीले बुटवलको वडा नं ३ मा बटम स्टेसन र पाल्पाको तिनाउ गाउँपालिका वडा नं ३ वसन्तपुरमा टप स्टेसन रहेको केबलकारले यी दुवै वडावासीलाई केबलकार …

बुटवलको लुम्बिनी केबलकारको टप स्टेसन रहेको पाल्पाको वसन्तपुर डाँडास्थित कामाख्या देवीको मन्दिरमा सप्ताहव्यापी पूजाआराधना सुरु भएको छ। व्यावसायिक घराना आईएमई ग्रुपको नेतृत्वमा बनेको लुम्बिनी केबलकार यही जेठ १५ गतेदेखि व्यावसायिक रूपमा सञ्चालन हुँदैछ। केबलकार सञ्चालन हुनुपूर्व मन्दिरमा कामाख्या देवीको मूर्ति प्राणप्रतिष्ठा गरी पूजाआराधना सुरु भएको हो।

भारतको गुहावटीमा रहको मन्दिरकै शैली र कलामा वसन्तपुरमा कामाख्या मन्दिर बनेको छ। कामाख्या मन्दिरको दर्शनले मनोकामना पूरा हुने र सांसारिक बन्धनबाट मुक्ति पाइने धार्मिक विश्वास रहेको धर्मगुरु किशोर गौतमले बताउनुभयो। सप्ताहव्यापी पूजाआराधनामा गुहावटी र नेपालका ११ जना पण्डितहरूले धार्मिक प्रवचन दिँदैछन्।

कामाख्या देवीको मन्दिरसहित भगवती मन्दिर, गणेश मन्दिर, कैलाश पर्वत, वर–पिपल, ढुंगेधारा, पोखरी आदि …

क्रूर शासक भनेर चिनिएका एडोल्फ हिटलरको अस्ट्रियास्थित जन्मघर मानव अधिकार तालिम केन्द्रमा परिणत हुने भएको छ। अस्ट्रियाको गृह मन्त्रालयले यस्तो घोषणा गरेको हो। ब्राउनाम एम इनको उत्तरपश्चिमी सहरमा रहेको भवनमा प्रहरी कार्यालयसहितको सुविधा हुनेछ। सन् २०१९ मै अस्ट्रियाली सरकारले यसको योजनाबारे खुलासा गरेको थियो।

मन्त्रालयका अनुसार यो निर्णय एक अन्तः विषय विशेषज्ञ आयोगको सिफारिसका आधारमा गरिएको थियो, जुन चरमपन्थी गुटलाई ऐतिहासिक सम्पत्तिबाट वञ्चित गर्नेसँग सम्बन्धित थियो।

‘हामीले हाम्रो विगतको सामना गर्दै यो ऐतिहासिक रुपमा बोझ भएको स्थानलाई जीवनको पुष्टि गर्ने दृष्टिकोण दिनुपर्छ,’ भियना विश्वविद्यालयको समकाली इतिहास संस्थानका प्राध्यापक इतिहासक ओलिभर रथकोल्बले भने।

सन् १८८९ अप्रिल २० तारिखमा उक्त भवनको एउटा …

बुटवल उपमहानगरपालिकाले १ वर्षका उपलब्धि सार्वजनिक गरेको छ। मंगलबार एक कार्यक्रमको आयोजना गरी उपमहानगरपालिकाले १ वर्षका उपलब्धि सार्वजनिक गरेको हो। बुटवल उपमहानगरपालिकामा आयोजित कार्यक्रममा नगर प्रमुख खेलराज पाण्डेयले ४९ बुँदामा भिडियो सामग्रीसहितको उपलब्धि सार्वजनिक गर्नुभयो।

उपलब्धि तथा प्रयास सार्वजनिक गर्दै नगर प्रमुख पाण्डेयले पदभार ग्रहण गरेदेखि बुटवल र बुटवलवासीको हितमा नीति निर्माण, बजेट निर्माण र कार्यान्वयन तथा संघ र प्रदेश सरकार, विभिन्न सरकारी कार्यालय, सामाजिक संघसंस्थासँग सहकार्य र समन्वय गरी काम गर्दै आएको बताउनुभयो।
जनताले दिएको मतको उच्च सम्मान गर्दै आगामी ४ वर्षमा बुटवल विकासमा फड्को मार्ने गरी काम गर्ने बताउनुभयो। जनताको सेवकका रूपमा भूमिका निर्वाह गरिरहेको भन्दै बुटवल र …

लुम्बिनी प्रदेशको व्यापारिक सहर बुटवलमा दुईवटा केबलकार सञ्चालन हुने भएका छन्। बुटवल गोलपार्कदेखि बसन्तपुरसम्म र बुटवल फूलबारीदेखि पाल्पाको नुवाकोटसम्म केबलकार सञ्चालन हुने भएका हुन्। कोरोना कहरपछि देश आर्थिक संकटमा फसेको र पूर्वावस्थामा झैँ व्यावसायिक लगानीयोग्य वातावरण नभएको भनिरहेका बेला रूपन्देहीमा भने नयाँ लगानीको वातावरण सिर्जना भएको छ।

व्यावसायिक घराना आईएमई ग्रुपको लगानीमा बुटवलको गोलपार्कदेखि पाल्पा जिल्लाको तिनाउ गाउँपालिका वडा नम्बर ३ बसन्तपुरमा र बुटवलसहित अन्य स्थानका व्यवसायीको लगानीमा फूलवारीदेखि नुवाकोटसम्म केबलकार सञ्चालन तयारी अवस्थामा रहेको बताइएको छ।

नेपालसहित भारतका विभिन्न स्थानका पर्यटक तान्ने योजनासहित यी दुई स्थानमा केबलकार सञ्चालन हुने भएको हो। यसले थला परेको अर्थतन्त्र बिस्तारै सुधार हुने अपेक्षासमेत …