वातावरण/जलवायु

रसुवास्थित भोटेकोशी नदीमा आएको विनाशकारी बाढीपछि सिर्जित राष्ट्रिय सङ्कटको सामना गर्न प्रमुख राजनीतिक दलहरूले एकजुट भएर लाग्ने प्रतिबद्धता व्यक्त गरेका छन्। सिंहदरबारमा आयोजित सर्वदलीय बैठकपछि दलहरूले १० बुँदे साझा सङ्कल्प तथा संयुक्त अपिल जारी गर्दै दलीय मतभेदभन्दा माथि उठेर नागरिकको जीवन रक्षा, राहत र पुनः निर्माणमा खटिने घोषणा गरेका हुन्।

राहतको गैर-राजनीतिकरण र एकद्वार प्रणाली

सर्वदलीय बैठकले विपद्को समयमा गरिने सहयोगलाई सस्तो लोकप्रियता वा राजनीतिक स्वार्थपूर्ति गर्ने माध्यम बनाउन नहुनेमा जोड दिएको छ। उद्धार र राहत कार्यमा विशुद्ध मानवीय स्वयंसेवकका रूपमा खटिन आफ्ना नेता, कार्यकर्ता तथा शुभचिन्तकहरूलाई दलहरूले निर्देशन दिएका छन्। यसै गरी, आर्थिक सङ्कलनलाई पारदर्शी बनाउनका लागि नेपाल सरकारको …

रसुवामा आएको विनाशकारी बाढी तथा पहिरोमा परी मृत्यु हुनेको संख्या १७७ पुगेको छ।

नेपाल प्रहरीले सार्वजनिक गरेको पछिल्लो विवरणअनुसार बाढी तथा पहिरो प्रभावित क्षेत्रबाट हालसम्म १७७ जनाको शव फेला परेको हो। प्रहरीका अनुसार रसुवामा २, नुवाकोटमा १२, धादिङमा २७, चितवनमा ६९, गोरखामा २०, तनहुँमा ९, नवलपरासी पूर्वमा ३२ र नवलपरासी पश्चिममा ६ जनाको शव फेला परेको छ।

साथै बढीमा परी घाइते भएका ३३ जनाको विभिन्न अस्पतालमा उपचार भइरहेको प्रहरीले जनाएको छ।

यसैबीच, रसुवामा आएको बाढीपछि २८ जना प्रहरी कर्मचारी अझै सम्पर्कविहीन रहेका छन्। उनीहरूको खोजी तथा उद्धारका लागि प्रयास जारी रहेको छ।

बाढी तथा पहिरो प्रभावित क्षेत्रमा खोज, उद्धार तथा …

रसुवाको भोटेकोशी नदीमा आएको विनाशकारी बाढीले बगाएर ल्याएका शवहरू नारायणी र त्रिशूली नदीका विभिन्न तटीय क्षेत्रमा फेला पर्ने क्रम जारी छ।

पश्चिम नवलपरासीको सुस्ता गाउँपालिका–४ स्थित नारायणी नदीमा बिहीबार बिहानसम्म बाढीले बगाएर ल्याएका थप पाँच वटा शव फेला परेका छन्। जिल्ला प्रहरी कार्यालय नवलपरासीका प्रहरी नायब उपरीक्षक मदन थापाका अनुसार नारायणी नदीको बी.गैप बाँध ठोकर नं. १४ मा तीन वटा, ठोकर नं. ७ मा एक वटा र नदीको बिच भागमा एक वटा गरी कुल पाँच वटा शव फेला परेका हुन्।

तनहुँमा भेटिएका ९ शव पोखरा ल्याइयो

यसै गरी, तनहुँस्थित आँबुखैरेनी–४ देखि देवघाटसम्मको त्रिशूली नदी क्षेत्रमा भेटिएका नौ वटा शवलाई परीक्षण …

रसुवास्थित भोटेकोशी नदीमा बुधबार आएको भीषण बाढीका सम्बन्धमा जल तथा मौसम विज्ञान विभाग, बाढी पूर्वानुमान महाशाखाले प्रारम्भिक प्राविधिक प्रतिवेदन सार्वजनिक गरेको छ। प्रतिवेदन अनुसार चीनको तिब्बततर्फ नदी थुनिएर बनेको ताल अझै पूर्ण रूपमा नखुलेकाले माथिल्लो भोटेकोशी-त्रिशूली नदी प्रणालीमा जुनसुकै बेला थप बाढी आउन सक्ने जोखिम कायम छ।

महाशाखाले भोटेकोशी, त्रिशूली र नारायणी नदी क्षेत्रमा निरन्तर अनुगमन भइरहेको जनाउँदै तटीय क्षेत्रका बासिन्दालाई अर्को सूचना नआएसम्म सुरक्षित स्थानमै रहन र उच्च सतर्कता अपनाउन आग्रह गरेको छ।

घटनाक्रम र बाढीको गति

प्रतिवेदनमा उल्लिखित समय क्रम अनुसार:

• बिहान ८:३७ बजे: प्रभावित क्षेत्र आसपास ४.४ रेक्टर स्केलको भूकम्प मापन गरिएको थियो।
• बिहान ८:५० बजे: भोटेकोशीको

रसुवास्थित भोटेकोशी नदीमा बुधबार बिहान आएको भीषण बाढीका कारण साँझ ७ बजेसम्म ९५ जनाको मृत्यु भएको पुष्टि भएको छ।

नेपाल प्रहरीले सार्वजनिक गरेको पछिल्लो तथ्यांकअनुसार २७ जना महिला, ३७ जना पुरुष, ६ जना बालिका, ५ बालक र पहिचान नखुलेका २० जनाको शव फेला परेको छ।

जसमध्ये रसुवामा १ जनाको पुरुषको शव फेला परेको छ।  नुवाकोटमा ५ जना महिला र ६ जना पुरुष गरी ११ जनाको शव फेला परेको छ।

धादिङमा ११ महिला, ५ पुरुष, २ (पहिचान नखुलेको) गरी १८ जनाको शव फेला परेको प्रहरीले जनाएको छ।

गोरखामा एक महिला, ४ पुरुष र एक बालक र १० जना (पहिचान नखुलेको)को शव  …

रसुवाको भोटेकोशीमा आएको बाढीबाट मृत्यु हुनेको संख्या २२ पुगेको छ। बागमती प्रदेश प्रहरी कार्यालयको पछिल्लो विवरणअनुसार रसुवा, नुवाकोट, धादिङ र चितवनमा गरी २२ जनाको मृत्यु भएको हो।

विवरणअनुसार रसुवामा एक पुरुष, नुवाकोटमा पाँच महिला र छ पुरुष गरी ११ जना, धादिङमा पाँच महिला, दुई पुरुष र दुई जनाको लिङ्ग नखुलेको गरी नौ जना तथा चितवनमा एक महिलाको मृत्यु भएको छ।

बाढी प्रभावित क्षेत्रमा ६५ जनालाई घाइते अवस्थामा उद्धार गरिएको छ। रसुवाबाट ४३, नुवाकोटबाट १९ र धादिङबाट तीन जनाको उद्धार गरिएको विवरणमा उल्लेख छ।

उद्धार गरिएकामध्ये छ जना काठमाडौं र ३६ जना धुन्चेमा रहेको तथा एक प्रहरीसहित अन्य घाइतेको नुवाकोटमा उद्धार …