ताजा खबर

इजरायल र हमास युद्धमा मंगलबार राति सबैभन्दा ठूले हमला भएको छ।

गाजा सहरको अहली अरब सिटी हस्पिटलमा रकेट हमला हुँदा ५०० जनाको मृत्यु भएको छ। हमासले यो हमला इजरायलले गरेको दाबी गरेको छ। यता इजरायलले हस्पिटलमाथिको हमलामा आफ्नो हात नरहेको बताएको छ।

गाजा अस्पतालमा भएको हमलापछि आज इजरायल पुग्नेहुने अमेरिकी राष्ट्रपति जो बाइडेनको अरबका नेतासँग हुने भनिएको भेटवार्ता रद्द भएको छ।

इजरायलले एक भिडियो जारी गर्दै प्यालेस्टाइनी लडाकुले नै अस्पतालवरिपरि हमला गरेको बताएको छ।

गाजामा यतिबेला ५ हजार महिला गर्भवती रहेका र उनीहरुलाई उपचारको आवश्यकता रहेको न्युयोर्क टाइम्सले लेखेको छ। तर त्यहाँका हस्पिटल तथा क्लिनिकमा न औषधि छ न त …

चिनियाँ नागरिकले नेपाली नागरिकता लिएको खुलासा भएको छ।

भारतीय सीमा सुरक्षा बलले एक चिनियाँ नागरिकलाई पक्राउ भएपछि यस्तो खुलासा भएको हो। नेपाली नागरिकतासहित भारत प्रवेश गरेका चिनियाँ नागरिकलाई शनिबार भारतीय एसएसबीले पानीटंकी नाकामा पक्राउ परेको गरेको हो।

उनीलाई भारतमा प्रवेश गराउने उनका दुई नेपाली सहयोगीलाई पनि एसएसबीले पक्राउ गरी आवश्यक कार्यवाही अगाडि बढाएको बताएको छ।

चिनियाँ नागरिक ली सियाकाङ नेपाल–भारतको सीमा नाका काँकडभिट्टा हुँदै नेपाली हुँ भनी भारतको पानीटंकी बजार पुगेका थिए। उनलाई सञ्जीव सुयाल र चित्रगुप्ता अधिकारीले सहयोग गरेका थिए।

सीमामा तैनाथ एसएसबी ४१औँ बटालियनको टोलीले आवश्यक कागजपत्र माग्दा चिनियाँ नागरिक सियाकाङले नेपाली नागरिकताको फोटोकपी देखाएका थिए। तर उनले …

नेपाल पत्रकार महासंघका केन्द्रीय अध्यक्ष विपुल पोख्रेलले सदस्य संख्याको अंक गणितका आधारमा तालाबन्दीमा नउत्रन पत्रकार सम्बद्ध संगठनलाई आग्रह गर्नुभएको छ।

नेपाल पत्रकार महासंघ रुपन्देहीले दसैं, दीपावली, छठ र नेपाल संवत् पर्वको अवसरमा आइतबार बुटवलमा आयोजना गरेको शुभकामना आदानप्रदान कार्यक्रमलाई सम्बोधन गर्दै शुद्धीकरणको विषयलाई लिएर तालाबन्दी गरी महासंघको गरिमा नघटाउन आग्रह गर्नुभएको हो।

‘सबैको साझा संस्था बनाउने जगका रुपमा शुद्धीकरण गरिएको हो। विजयादशमीको शुभकामना दिँदै म बुटवलबाट भन्छु, तालाबन्दी निषेधले पत्रकार महासंघको ओज घट्ने हो,’ अध्यक्ष पोख्रेलले भन्नुभयो, ‘संवाद गरौं, सहकार्य गरौं, विधान र शुद्धीकरणअनुसार नयाँ कोर्समा अगाडि बढौं।’

उहाँले पत्रकार महासंघ संवादबाटै निकास निकाल्न तयार रहेको बताउँदै सबैको साझा छाता …

शुक्रवार बिहान वीरगन्जमा एक महिलाको हत्या भएको छ । पर्सामा दुई हप्ता अगाडि भएको हत्याको घटना सेलाउन नपाउँदै अर्को हत्याको घटना भएको छ। वीरगन्ज महानगरपालिका वडा नम्बर १ छपकैयामा  महिलाको हत्या भएको हो । धारिलो हतियारले प्रहार गरी छपकैया  की पुनम देवीको हत्या भएको  प्रहरी स्रोतले जनाएको छ ।
टाउकोमा गम्भीर चोट लागेर घाइते भएकी पुनमको उपचारको लागि नेशनल मेडिकल कलेज पुर्‍याइएको थियो ।  मृतकको अत्यधिक रक्तस्रावको कारण मृत्यु भएको जनाइएको छ ।
स्रोतका अनुसार घटना स्थलमा प्रहरी जाँदा उनी अचेत अवस्थामा थिइन् । मृतक पुनम घरमा एक्लै बस्दै आएकी थिइन्। पुनम देवीको श्रीमान् भारत राजस्थानको ग्वालियरमा छन् । उनको …

नवलपरासीमा वीपी कोइरालाको शालिक अनावरण भएको छ। पूर्वराष्ट्रपति डा. रामवरण यादवले शालिक अनावरण गर्नुभएको हो।

प्रतापपुर गाउँपालिका ७ सूर्यपुरामा पालिकाले बनाएको वीपी कोइरालाकोे शालिक अनावरण कार्यक्रममा बोल्दै यादवले वीपीको मर्मअनुसार संविधानमार्फत नेपालको राजनीतिक व्यवस्था परिवर्तन भएको बताउनुभयो।

यादवले राजनीतिक परिवर्तन भएको र अब आर्थिक परिवर्तनका लागि दलहरू एकजुट भएर लाग्नुपर्ने उल्लेख गर्नुभयो। ‘वीपी कोइरालाको मर्मअनुसार संविधान आएको छ। सबै दल मिलेर कार्यान्वयनमा लाग्नुपर्छ। भारत, अमेरिकालगायतका राष्ट्रमा पनि पटक–पटक संविधान संशोधन भएको छ। संविधान संशोधन गरी समय सापेक्ष गराउन सकिन्छ।’

पछिल्लो समयमा विकासका नाममा प्रकृतिको दोहन भएको बताउँदै नेपालले चुरे पहाडको संरक्षण गर्न सक्नुपर्ने बताउनुभयो। यादवका अनुसार चुरे पहाडलाई संरक्षण गर्न …

२०७९ को मदन पुरस्कार विवेक ओझाको उपन्यास ऐंठनलाई दिइने भएको छ।

आज बसेको मदन पुरस्कार गुठीको बैठकले ऐँठनलाई मदन पुरस्कार अर्पण गर्ने निर्णय गरेको हो।

यसैगरी बैठकले जगदम्बा श्री पुरस्कार टेकवीर मुखियालाई दिने निर्णय गरेको छ।

मदन पुरस्कार र जगदम्बा श्री दुवैको पुरस्कारको राशी चार–चार लाख रुपैयाँ छ।

ऐँठनमा माओवादी सशस्त्र आन्दोलनको बेला नेपाली समाजले भोगेको विषयवस्तु छ। ऐँठन विवेकको दोस्रो कृति हो। यसअघि उनले ऐलानी उपन्यास बजारमा ल्याएका थिए। वादी समुदायको कथा रहेको सो कृतिलाई लिएर मुद्दासमेत परेको थियो।

‘मदन पुरस्कार एक वर्षभित्र नेपाली भाषामा निस्किएका उत्कृष्ट कृतिहरूमध्ये एक कृतिलाई प्रदान गरिँदै आएको छ। यो पुरस्कारका लागि अन्तिम सूचीमा …

आन्दोलनको बल र दबाबमा बनेका आयोगहरूको प्रभावकारिता कम भएको लुम्बिनी प्रदेशका सभामुख तुलाराम घर्तीले बताउनुभएको छ। अनौपचारिक क्षेत्र सेवा केन्द्र (इन्सेक) र नीति फाउन्डेसनको आयोजनामा बुटवलमा आयोगजना भएको संवैधानिक आयोग र लुम्बिनी प्रदेशका बीचमा अन्तरसम्बधः मानव अधिकार र कानुनी शासनका लागि सहकार्य छलफल कार्यक्रममा घर्तीले यस्तो कुरा बताउनुभएको हो।

सभामुख घर्तीले आयोगमा ५ करोडको बजेट आयोगका पदाधिकारी र कर्मचारीको सुविधाका लागि र ५० लाख कार्यक्रमका लागि राखेको भन्दै ६ ओटा विशेष आयोगबाहेक अन्य आयोगको काम कर्तव्य र अधिकार स्पष्ट नभएकोले आयोगहरू राख्नकै लागि राखेको, जागिर खानका लागि मात्रै भएको र अनावश्यक जनतालाई ऋणको भारी बोकाउनका लागि भएको बताउनुभयो।

उहाँले नेपालमा …