समाचार

तनहुँ । खाद्य प्रविधि तथा गुण नियन्त्रण डिभिजन कार्यालयले खाद्य स्वच्छता तथा गुणस्तर नियमनका क्रममा यहाँका ३८ उद्योगविरुद्ध मुद्दा दायर गरेको छ ।

उक्त कार्यालयले आर्थिक वर्ष २०८०/८१ मा खाद्य ऐनविरुद्ध गुणस्तरहीन खाद्य तथा पेय पदार्थ उत्पादन गर्ने ३८ उद्योगविरुद्ध मुद्दा दायर गरेको हो ।

उक्त कार्यालयका प्रमुख ज्योति आचार्यका अनुसार ७७ उद्योगको अनुगमनपछि संकलन गरिएको नमूना परीक्षणबाट ३८ उद्योगले गुणस्तरहीन वस्तु उत्पादन गरेका पाइएको हो ।

खाद्य ऐन २०२३ बमोजिम दूषित र न्यूनस्तर खाद्य पदार्थ उत्पादन, बिक्री वितरण गर्ने व्यवसायलाई पाँच वर्ष कैद वा ५० हजार जरिवाना वा दुवै सजाय हुने प्रावधान छ ।   यही साउन १९ गतेदेखि लागू …

अमेरिकी सिक्रेट सर्भिसका निर्देशक किम्बर्ली चिटलले पदबाट राजीनामा दिएकी छन् । संसदीय समितिमा सांसदहरुको  दबाबपछि उनले राजीनामा दिएकी हुन् ।

चिटलले पूर्वराष्ट्रपति एवं नोभेम्बरमा हुने राष्ट्रपति निर्वाचनका रिपब्लिकन उम्मेदवार डोनाल्ड ट्रम्पको हत्या प्रयास रोक्न आफ्नो एजेन्सी असफल भएको स्वीकार गरेकी थिइन् ।

जुलाई १३ मा पेन्सिलभेनियास्थित बटलरको एउटा चुनावी र्‍यालीमा २० वर्षीय बन्दुकधारीले ट्रम्पलाई घाइते बनाएपछि चिटललाई पदबाट राजीनामा दिन डेमोक्रेट र रिपब्लिकन पार्टीको सामना गर्नुपरिरहेको थियो ।

हाउस अफ रिप्रेजेन्टेटिभका रिपब्लिकन अध्यक्ष माइक जोनसनले पत्रकारसँग भने, ‘यो धेरै ढिलो भएको छ, उहाँले यो काम कम्तीमा एक साता अघि गर्नुपर्ने थियो, उहाँले रिपब्लिकन र डेमोक्रेट दुवैको आह्वानलाई ध्यान दिनुभएकामा मलाई …

बङ्गलादेशबाट सोमबारसम्म १३ सय नेपाली विद्यार्थी फर्किएका छन्।

परराष्ट्र मन्त्रालयले सामाजिक सञ्जाल एक्समार्फत् हालसम्म १३ सय विद्यार्थी स्वदेश फर्किएको जनाएको हो । मन्त्रालयले सबै नेपाली विद्यार्थी सुरक्षित रहेको र उनीहरुको सुरक्षाप्रति सरकार प्रतिबद्ध रहेको जनाएको हो।

बंगलादेशमा करिब ३ हजार नेपाली विद्यार्थी विभिन्न तहमा चिकित्सा, इन्जिनियरिङलगायतका विधा अध्ययन गरिरहेका छन् । बंगलादेशमा आरक्षणविरोधी आन्दोलन हिंसात्मक बन्दै गएपछि त्यहाँ रहेका विभिन्न मुलकका विद्यार्थी स्वदेश फर्किएका थिए ।