विश्व

इजरायलले आइतबार गाजा पट्टीमा सबै सामान र आपूर्तिको प्रवेश रोकेको छ र हमासले नाजुक युद्धविरामको पहिलो चरणको विस्तारका लागि नयाँ प्रस्ताव स्वीकार नगरे ‘थप परिणामहरू’ को चेतावनी दिएको छ।

हमासले इजरायललाई युद्धविराम भत्काउने प्रयास गरेको आरोप लगाउँदै सहायता रोक्ने उसको निर्णय ‘सस्तो जबरजस्ती, युद्ध अपराध र (युद्धविराम) सम्झौतामा स्पष्ट आक्रमण हो’ भनेको छ। दुवै पक्षले युद्धविराम समाप्त भएको भनेका छैनन्।

मानवीय सहायतामा वृद्धिसहितको युद्धविरामको पहिलो चरण शनिबार समाप्त भएको थियो। दुवै पक्षले अझै दोस्रो चरणको वार्ता गरेका छैनन्। दोस्रो चरणको वार्तामा हमासले इजरायली फिर्ता र दीर्घकालीन युद्धविरामको बदलामा बाँकी रहेका दर्जनौँ बन्धकहरू रिहा गर्ने थियो।

एक इजरायली अधिकारीले नियमअनुसार नाम …

अमेरिकी राष्ट्रपति ट्रम्पले युक्रेनलाई रुसी राष्ट्रपति भ्लादिमिर पुटिनको जित देखिने गरी युद्धविराम गराउन बाध्य पार्ने छन् भन्ने चिन्तामा रहेका अमेरिकी सहयोगी युरोपेली मुलुकका नेताले अमेरिकी र युक्रेनी नेताहरूबचिको चर्काचर्की सञ्चारमाध्यममा आएसँगै जेलेन्स्की र युक्रेनको समर्थनमा आफ्ना भनाइहरू सार्वजनिक गरेका छन् ।

युरोपेली आयोग र युरोपेली काउन्सिलका क्रमशः प्रमुख उर्सुला भोन डेर लेयेन र एन्टोनियो कोस्टाले जेलेन्स्की कहिल्यै एक्लो नभएको बताएका छन् ।

“बलियो बन्नुस्, साहसी बन्नुस् र निडर बन्नुस्”, भोन डेर लेयन र कोस्टाले सामाजिक सञ्जालमा संयुक्त विज्ञप्ति जारी गर्दै जेलेन्स्कीलाई भन्नुभयो, “हामी न्यायपूर्ण र स्थायी शान्तिका लागि तपाइको साथमा सहकार्य गरिरहनेछौँ ।”

यसैबीच, इयूका शीर्ष कूटनीतिज्ञ काजा कल्लासले युरोपेली …

अमेरिका भ्रमणका दौरान युक्रेनी राष्ट्रपति भोलोदिमिर जेलेन्स्की ह्वाइटहाउस मै आफ्ना समकक्षी डोनाल्ड ट्रम्पसँग बाझेर बाहिरिएका छन्।

वासिङ्टन भ्रमणमा रहेका युक्रेनी राष्ट्रपति भोलोदिमिर जेलेन्स्की शुक्रबार अमेरिकी राष्ट्रपतिलाई भेट्न ह्वाइट हाउस पुगेका थिए । अमेरिकासँग बढ्दो मतभेद अन्त्य गरी सम्बन्ध सुधार गर्ने योजनासहित जेलेन्स्कीले वासिङ्टन भ्रमण गरेका थिए ।

ह्वाइट हाउसमा राष्ट्रपति ट्रम्प र उपराष्ट्पति जेडी भान्ससँग जेलेन्स्कीको भनाभन  भएको छ ।

अमेरिकी राष्ट्रपति ट्रम्पले जेलन्स्कीमाथि अपमानजनक व्यवहार गरेको आरोप लगाए । ट्रम्पलाई युक्रेनको खनिज उद्योगमा अमेरिकी सहभागिताको सम्झौतामाथि हस्ताक्षर हुने विश्वास थियो । तर, जेलेन्स्कीले रुसी राष्ट्रपति भ्लादिमिर पुटिनप्रतिको नरम व्यवहारलाई लिएर ट्रम्पलाई खुला चुनौति दिए ।

द्वीपक्षीय छलफलको भिडिओ विभिन्न …

भारतको बढ्दो क्राफ्ट बियर दृश्यको अंशका रूपमा वर्षा भाट दुई तरिकाले दुर्लभ हुनुहुन्छ : पहिलो मदिरा बनाउने महिलाका रूपमा र दोस्रो मदिरा पिउने महिलाका रूपमा ।

भाट एउटा यस्तो देशमा पुरुष–प्रभुत्व भएको उद्योगमा आफ्नो दाबी गरिरहनुभएको छ जहाँ सामाजिक परम्पराहरूले धेरैजसो महिलालाई मदिरापान नगर्न बाध्य पार्छन् ।

अड्तीस वर्षीया भाटले धेरै वर्षसम्म पुरुष साथीहरूको व्यङ्ग्य सहनुभएको थियो । तिनीहरूले उहाँसँग विशेष स्वादको परख गर्ने मांसपेशी छ कि छैन वा कामको दबाब सम्हाल्न पर्याप्त शान्त हुनुहन्छ कि हुनुहुन्न भन्ने प्रश्न गर्दथे ।

तर उद्योगमा एक दशकपछि उहाँ बेङ्गलुरुको सबैभन्दा लोकप्रिय पबहरू मध्ये एकमा हेड ब्रुअर बन्न पुग्नुभएको छ र सहरको धनी …

अन्तर्राष्ट्रिय आणविक ऊर्जा एजेन्सी (आइएइए) को गोप्य प्रतिवेदनअनुसार हालैका महिनाहरूमा इरानले अत्यधिक समृद्ध युरेनियमको भण्डारमा उल्लेखनीय वृद्धि गरेको छ ।

प्रतिबन्ध राहतको बदलामा तेहरानको आणविक कार्यक्रमलाई रोक्ने सन् २०१५ को सम्झौता भङ्ग भएपछि इरान र संयुक्त राष्ट्र आणविक वाचडग आइएइएबीच तनावहरू पटक–पटक बढेका छन् ।

आइएइएले आफ्नो त्रैमासिक प्रतिवेदनमा यो ‘गम्भीर चिन्ताको विषय’ हो भन्दै इरानसँग ८ फेब्रुअरीसम्म ६० प्रतिशतसम्म समृद्ध २७४.८ किलोग्राम अनुमानित मात्रा रहेको र यो नोभेम्बरको अघिल्लो प्रतिवेदन पछि ९२.५ किलोग्रामले बढेको बताएको छ ।

यो तेहरानले डिसेम्बरमा ६० प्रतिशतसम्म अत्यधिक समृद्ध युरेनियमको उत्पादन बढाउने योजना घोषणा गरेपछि आएको हो । यो आणविक हतियारहरूका लागि आवश्यक ९० …

बेलायती प्रधानमन्त्री किर स्टार्मरले मङ्गलबार सन् २०२७ सम्ममा रक्षा खर्च अर्थतन्त्रको दुई दशमलव पाँच प्रतिशत पुर्‍याउने र आगामी संसद्मा यसलाई तीन प्रतिशतसम्म बढाउने लक्ष्य राखेको प्रतिबद्धता जनाउनुभएको छ ।

बिहीबार वासिङ्टनमा अमेरिकी राष्ट्रपति डोनाल्ड ट्रम्पसँगको युक्रेनबारे महत्त्वपूर्ण वार्ताअघि स्टार्मरले संसद्लाई यो वृद्धि अर्थतन्त्रको शून्य दशमलव पाँच प्रतिशतबाट शून्य दशमलव तीन प्रतिशतमा विदेशी विकास सहायता कटौती गरेर वित्त पोषण गरिने बताउनुभयो ।

ट्रम्पले नाटो सहयोगीहरूलाई आर्थिक उत्पादनको पाँच प्रतिशतसम्म रक्षा खर्च लक्ष्य दोब्बर बनाउन माग गर्नुभएको छ ।

बेलायतले सन् २०२३/२४ मा कूल गार्हस्थ्य उत्पादन (जिडिपी) को दुई दशमलव तीन प्रतिशत रक्षामा खर्च गरेको थियो ।

स्टार्मरको लेबर सरकारले पहिले नै …

संयुक्त राज्य अमेरिकाले सोमबार क्षेत्रीय अखण्डताको उल्लेख नगरी युक्रेन युद्धको ‘द्रुत अन्त्य’ गर्न आग्रह गर्ने प्रस्तावित सुरक्षा परिषद्को प्रस्तावमा आफ्ना युरोपेली सहयोगीहरू लगायत कुनै पनि संशोधनलाई भिटो गर्ने धम्की दिएको छ ।

“हामी रूसी संशोधनलाई भिटो गर्न जाँदैछौँ यदि यो सुरक्षा परिषद्‌मा हामीसम्म आयो भने, हामी युरोपेलीहरूको संशोधनलाई भिटो गर्नेछौँ यदि तिनीहरू सुरक्षा परिषद्‌मा हामीसम्म आए भने”, विदेश मन्त्रालयका एक अधिकारीले नाम नछाप्ने सर्तमा भने ।

युक्रेन र रूसलाई शान्तिका लागि आफ्नो योजना समर्थन गर्न आह्वान

यसैबीच संयुक्त राष्ट्र महासभाले तीन वर्षको सङ्घर्षको स्मरण गर्न अमेरिकी प्रस्तावमा मतदान गर्न तयारी गर्दै गर्दा वासिङ्टनले सोमबार युक्रेन र रूसलाई युक्रेनमा युद्ध अन्त्य …

युरोपेली आयोगकी अध्यक्ष उर्सुला भोन डेर लेयनले यस सप्ताहन्तमा बेलायती र फ्रान्सेली नेताहरूसँग वार्ता गरेको र सबैले रुससँगको युद्धको तेस्रो वार्षिकोत्सव अघि युक्रेनलाई ‘अविचल’ समर्थन गर्ने वाचा गरेको बताउनुभएको छ ।

“हामीले युक्रेनलाई आर्थिक र सैन्य रूपमा हाम्रो अविचल समर्थनबारे छलफल गर्‍यौँ”, फ्रान्सका राष्ट्रपति इम्मानुएल म्याक्रोन र बेलायती प्रधानमन्त्री किर स्टारमरसँगको टेलिफोन छलफलबारे भोन डेर लेयनले भन्नुभयो ।

इयु प्रमुखले एक्स प्लेटफर्ममा पोस्ट गर्दै दुई प्रमुख युरोपेली नेताहरूसँग ‘राम्रो विचार–विमर्श’ भएको बताउनुभयो ।

“हामीले अमेरिकी साझेदारहरूसँग हाम्रो सम्पर्कको बारेमा अद्यावधिकहरू साझा गर्‍यौँ र हाम्रो महाद्वीपको रक्षा र सुरक्षाका लागि योजनाहरू छलफल गर्‍यौँ”, उहाँले युक्रेन द्वन्द्व र नाटोको लागि कोषमा बढ्दो …

युक्रेनको माटोले विश्वको खनिज स्रोतको करिब पाँच प्रतिशत ओगटेको छ । विशेषज्ञहरूका अनुसार तर ती सबै अझै दोहन गरिएको छैन–सायद दोहन गर्न सम्भव पनि नहोला ।

यसलाई अमेरिकी राष्ट्रपति डोनाल्ड ट्रम्प सुरक्षित गर्न उत्सुक हुनुहुन्छ ।

वल्र्ड माइनिङ डाटाको २०२४ संस्करण अनुसार युक्रेन सबै श्रेणीहरू मिलाएर (कोइला सहित) खनिज–उत्पादक देशहरूमध्ये ४०औँ स्थानमा छ । यो सन् २०२२ मा विश्वको १०औँ सबैभन्दा ठूलो फलाम उत्पादक थियो ।

फ्रान्सको ब्युरो अफ जियोलोजिकल एन्ड माइनिङ रिसर्च (बिआरजिएम) सहितका भू–वैज्ञानिकहरूले सन् २०२३ मा प्रकाशित युक्रेनको अध्ययनमा फलाम, म्याङ्गनिज र युरेनियम सहित एक सयभन्दा बढी स्रोतहरू फेला पारेका थिए ।

महत्त्वपूर्ण खनिजहरू

देशहरूले खनिजहरूलाई आफ्नो …