स्वतन्त्र समाचार सेवा / INS 
पं.नवराज शारदा स्मृति समाजको दोस्रो वार्षिकोत्सव तथा १०३ औं जन्मजयन्ती कार्यक्रम सम्पन्न भएको छ। स्मृति समाजले विभिन्न धार्मिक, तथा सांस्कृतिक कार्यक्रम गरी मनाएको हो।
समाजका लागि यथाशक्य योगदान गर्ने लक्ष्यससहित हिन्दू धर्मका विविध संस्कार तथा कर्मकाण्डलाई परिमार्जन गर्दै लैजानु समाजको उद्देश्य रहेको बताइएको छ। यस्तै, आर्थिक अभावमा शिक्षाबाट विमुख भएका समाजका विपन्न तथा जेहेन्दार छात्रछात्रालाई विद्यालय तथा उच्च शिक्षा हासिल गर्न मद्दत पुर्याउन छात्रवृत्ति कोषको स्थापना गरी, छात्रवृत्ति प्रदान गरी शिक्षा क्षेत्रमा समते योगदान पुर्याउन संस्था स्थापना भएको बताइएको छ।
स्मृति समाजका अध्यक्ष निर्मलराज पौडेलले संस्था गठनको पृष्ठभूमिका सम्बन्धमा प्रकाश पार्दै बुवा पं. नवराज पौडेल तथा आमा शारदा देवी पौडेलले दिनुभएको संस्कार शिक्षा र अभिप्रेरणाकै कारण समाजिक कार्यमा योगदान पुर्याउने अभिलाषाले उक्त संस्था स्थापना गरेको बताउनुभयो।
कार्यक्रममार्फत यस वर्ष संस्थाले विपन्न वर्गलाई लक्षित गरी एकल विद्यालय फाउण्डेसन नेपाललाई एक वर्ष विद्यालय सञ्चालन गर्न सहयोग गरेको छ। यसै अवसरमा धार्मिक संस्कार र संस्कृतिसम्बन्धी सामूहिक छलफल तथा अन्तरक्रिया कार्यक्रम पनि भएको थियो।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- पूर्वीचितवनका सिमसारमा ५५ प्रजातिका चरा भेटिए
- आठ करोडको लगानीमा पर्वतमा चुत्रो प्रशोधन उद्योग सञ्चालन
- मस्क र पूर्व ईयू प्रविधि प्रमुख ब्रेटनबीच जर्मनीको विषयमा विवाद
- लस एन्जलस आगलागीः भयानक अवस्था, मृत्यु हुनेको सङ्ख्या ११ पुग्यो
- सूर्योदय
- जलक्रिडा गर्दै मरुल
- भुवनेश्वरी मन्दिर
- चन्द्रमा
- चोभार सुक्खा बन्दरगाह
- मुसे चिल
