स्वतन्त्र समाचार सेवा / INS काठमाडौँ । विभिन्न व्यक्तिहरूलाई क्यानडा पठाउँछु भन्दै ठगी गरेको आरोपमा जुठे राउतलाई प्रहरीले पक्राउ गरी अनुसन्धान सुरु गरेको छ ।
रोजगारीको सिलसिलामा क्यानडा पठाइदिन्छु भन्दै विभिन्न व्यक्तिहरूलाई प्रलोभनमा पारी करोडौँ रकम ठगी गरेको अभियोग पीडितहरूले वैदेशिक रोजगार विभागमा उजुरी गरेका थिए ।
सोही उजुरीको आधारमा विभागले ललितपुर जिल्ला ललितपुर महानगरपालिका वडा नं ०८ घरभई काठमाडौँ शान्तिटोल बस्ने ३७ वर्षीय जुठे राउतलाई पक्राउ गरी उपस्थित गराउन प्रहरीलाई पत्राचार गरेको थियो । सोही आधारमा पक्राउ परेका राउत अहिले प्रहरी वृत्त बानेश्वरको हिरासतमा छन् ।
पक्राउ परेका राउतलाई अदालतबाट म्यादथप गरी वैदेशिक रोजगार विभागले अनुसन्धान गरिरहेको छ ।
नक्कली भुटानी शरणार्थी प्रकरणमा मुख्य अभियुक्तको रुपमा रहेका टोपबहादुर रायमाझीसँग राउतको बाक्लो हिमचिम भएको साथै उनको संरक्षणकै कारण ठग्दै हिड्ने गरेको पीडितहरूको अरोप छ ।
पीडितहरूलाई रायमाझीसँग विभिन्न समयमा विभिन्न ठाउँमा खिचेका फोटोहरू देखाएर राउतले आफ्नो राजनीतिक पहुँच भएको हुनाले विदेश पठाउनको लागि कुनै समस्या नहुने बिताउदै विश्वास दिलाउने गरेका थिए ।
त्यस्तै पीडितमध्येका एक हुन् पोखराका बसन्त रानाभाट । उनलाई सुरुमा अमेरिका पठाइदिन्छु भन्दै राउतले रकम लिएका थिए । अमेरिकाको सपना देखाएर बसन्तसँग मात्रै १० लाख रुपैयाँसम्म ठगी गरेका जुठे राउतले अमेरिका पठाउन केही समय लाग्ने भन्दै सुरुमा क्यानडा जानुपर्ने बताएका थिए । नक्कली भुटानी शरणार्थी बनेर अमेरिका जान रानाभाट मञ्जुर नभएपछि क्यानाडा पठाउने आश्वासन दिएर जुठेले उनीसँग रकम असुलेका थिए ।
क्यानडा पठाउँछु भनेको लामो समय बितिसके पनि उनले पठाउने कुनै प्रक्रिया अपनाएका थिएनन् । विभिन्न राजनीतिक नेताहरूको शक्तिका आडमा राउतले वैदेशिक रोजगारीमा पठाउने भन्दै रकम ठगी गर्ने गरेका थिए ।
राउतको विरुद्धमा उजुरी दिन अहिले पीडितहरू वैदेशिक रोगजार विभागको कार्यालयमा आउन थालेका छन् । यसरी विदेश पठाउने नाममा ठगी गर्ने गरेको समाचार सुनेपछि पीडितहरू वैदेशिक रोजगार विभागमा उजुरी दिन आएका हुन् ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- पूर्वीचितवनका सिमसारमा ५५ प्रजातिका चरा भेटिए
- आठ करोडको लगानीमा पर्वतमा चुत्रो प्रशोधन उद्योग सञ्चालन
- मस्क र पूर्व ईयू प्रविधि प्रमुख ब्रेटनबीच जर्मनीको विषयमा विवाद
- लस एन्जलस आगलागीः भयानक अवस्था, मृत्यु हुनेको सङ्ख्या ११ पुग्यो
- सूर्योदय
- जलक्रिडा गर्दै मरुल
- भुवनेश्वरी मन्दिर
- चन्द्रमा
- चोभार सुक्खा बन्दरगाह
- मुसे चिल
