चिनियाँ नागरिकले नेपाली नागरिकता लिएको खुलासा भएको छ।
भारतीय सीमा सुरक्षा बलले एक चिनियाँ नागरिकलाई पक्राउ भएपछि यस्तो खुलासा भएको हो। नेपाली नागरिकतासहित भारत प्रवेश गरेका चिनियाँ नागरिकलाई शनिबार भारतीय एसएसबीले पानीटंकी नाकामा पक्राउ परेको गरेको हो।
उनीलाई भारतमा प्रवेश गराउने उनका दुई नेपाली सहयोगीलाई पनि एसएसबीले पक्राउ गरी आवश्यक कार्यवाही अगाडि बढाएको बताएको छ।
चिनियाँ नागरिक ली सियाकाङ नेपाल–भारतको सीमा नाका काँकडभिट्टा हुँदै नेपाली हुँ भनी भारतको पानीटंकी बजार पुगेका थिए। उनलाई सञ्जीव सुयाल र चित्रगुप्ता अधिकारीले सहयोग गरेका थिए।
सीमामा तैनाथ एसएसबी ४१औँ बटालियनको टोलीले आवश्यक कागजपत्र माग्दा चिनियाँ नागरिक सियाकाङले नेपाली नागरिकताको फोटोकपी देखाएका थिए। तर उनले कसको नागरिकताको फोटोकपी देखाएका थिए भन्ने कुरा खुलेको छैन।
एसएसबीका जवानलाई उनीमाथि शंका लागेर नियन्त्रणमा लिएर सोधपुछ गर्दा सियाकाङ चीनबाट नेपाल आएको खुलेको थियो। त्यसपछि एसएसबीले चिनियाँ नागरिकसहित तीनै जनालाई पक्राउ गरी खोरीबारी प्रहरीलाई जिम्मा लगाएको थियो।
प्रहरीले तीनै जनालाई सिलिगुडी अदालतमा पेस गरेको छ भने घटनाबारे थप अनुसन्धान गरिरहेको बताएको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- मानव बेचबिखनको शैली फेरियो : ‘कहाँ जाने बहिनी भनेर सोध्यो भने दार्जिलिङ घुम्न जान हिँडेको भन्छन् ’
- केन्याको विद्यालयमा आगलागी हुँदा १७ बालबालिकाको मृत्यु
- आशा जगाउँदैछ कृषि औजार कारखाना
- हेर्ने कथाका पात्र ‘प्रकाश तामाङ’ को घर निर्माण सुरु
- प्रतिद्वन्द्वी ट्रम्पसँग हुने बहसको तयारीमा ह्यारिस
- दलालको फन्दामा परेर बेचिएका चेलीहरु जो उद्धारपछि बन्दैछन् आत्मनिर्भर
- यातायात कार्यालय झापाद्वारा ९३ करोड राजस्व सङ्कलन
- इराकको कुर्द क्षेत्रमा ड्रोन आक्रमण, तीन जनाको मृत्यु
- मेलम्ची बाढिपीडितले पाएका छैनन् अनुदानबापतको रकम
- मासिँदै कालीगण्डकीको जलसभ्यता
![](https://ins.news/wp-content/uploads/2023/10/arrested.jpg)