कवि लक्ष्मीदेवी राजभण्डारीका तीन कवितासंग्रह एकसाथ लोकार्पण गरिएको छ। यो साता राजधानीमा भएको एक कार्यक्रममा नेपाल प्रज्ञा प्रतिष्ठानका पूर्वउपकुलपति गंगाप्रसाद उप्रेती, प्राध्यापकहरू मोहनप्रसाद लोहनी, केशव सिग्देल, पद्मप्रसाद देवकोटा, श्रीधर गौतमलगायतले राजभण्डारीका तीन अंग्रेजी कृति ‘इटर्नल भिजिलेन्स’, ‘द बर्ड अफ प्याराडाइज’ र ‘ब्रायर रोज’ संयुक्त रूपमा लोकार्पण गर्नुभयो।
लोकार्पण समारोहमा बोल्दै प्रमुख अतिथि उप्रेतीले आफूले पाण्डुलिपि पढ्ने अवसर पाएको बताउँदै कविले संवेदनालाई सशक्त ढंगले प्रस्तुत गर्ने कलाले प्रभावित भएको बताउनुभयो। सबै सिर्जनाले जीवनको महत्त्व बुझाउने उनको भनाइ थियो। नेपाली साहित्यका लागि तीनवटै संग्रह महत्त्वपूर्ण रहेको उप्रेतीले बताउनुभयो।
‘इटर्नल भिजिलेस’माथि प्राध्यापक सिग्देल, ‘द बर्ड अफ प्याराडाइज’माथि मोहनप्रसाद लोहनी र ‘ब्रायर रोज’माथि पद्म देवकोटाले समीक्षात्मक धारणा दिनुभयो।
कवि राजभण्डारीले आफूभित्रको भावना शब्द बनेर कवितामा अभिव्यक्त भएको बताउनुभयो। २०४७ देखि कृति प्रकाशन गर्न थालेको र यसमा परिवारले महत्त्वपूर्ण साथ दिएको उनले उल्लेख गरिन्। कार्यक्रममा उनले केही कविता वाचनसमेत गर्नुभयो।
करिब ६ दशकदेखि साहित्यमा सक्रिय राजभण्डारीका यसअघि ‘जीवन यात्राका छायाँहरू’, ‘दीपशिखा’, ‘अपराजिता’, ‘सर्वस्व तिमी’, ‘गुन्जिरहोस् अपार’लगायतका दर्जन बढी नेपाली कृति प्रकाशित छन्। त्यस्तै, ‘अनटिल्ड द ओसन ब्लेड’, ‘यु मे अल’, ‘लभ ड्रप्स’लगायतका अंग्रेजी कवितासंग्रहसमेत प्रकाशित छन्।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- मानव बेचबिखनको शैली फेरियो : ‘कहाँ जाने बहिनी भनेर सोध्यो भने दार्जिलिङ घुम्न जान हिँडेको भन्छन् ’
- केन्याको विद्यालयमा आगलागी हुँदा १७ बालबालिकाको मृत्यु
- आशा जगाउँदैछ कृषि औजार कारखाना
- हेर्ने कथाका पात्र ‘प्रकाश तामाङ’ को घर निर्माण सुरु
- प्रतिद्वन्द्वी ट्रम्पसँग हुने बहसको तयारीमा ह्यारिस
- दलालको फन्दामा परेर बेचिएका चेलीहरु जो उद्धारपछि बन्दैछन् आत्मनिर्भर
- यातायात कार्यालय झापाद्वारा ९३ करोड राजस्व सङ्कलन
- इराकको कुर्द क्षेत्रमा ड्रोन आक्रमण, तीन जनाको मृत्यु
- मेलम्ची बाढिपीडितले पाएका छैनन् अनुदानबापतको रकम
- मासिँदै कालीगण्डकीको जलसभ्यता
![](https://ins.news/wp-content/uploads/2024/04/Laxmi-Devi-Rajbhandari-.jpg)