स्वतन्त्र समाचार सेवा / INS अन्तर्राष्ट्रिय आणविक ऊर्जा एजेन्सी (आइएइए) को गोप्य प्रतिवेदनअनुसार हालैका महिनाहरूमा इरानले अत्यधिक समृद्ध युरेनियमको भण्डारमा उल्लेखनीय वृद्धि गरेको छ ।
प्रतिबन्ध राहतको बदलामा तेहरानको आणविक कार्यक्रमलाई रोक्ने सन् २०१५ को सम्झौता भङ्ग भएपछि इरान र संयुक्त राष्ट्र आणविक वाचडग आइएइएबीच तनावहरू पटक–पटक बढेका छन् ।
आइएइएले आफ्नो त्रैमासिक प्रतिवेदनमा यो ‘गम्भीर चिन्ताको विषय’ हो भन्दै इरानसँग ८ फेब्रुअरीसम्म ६० प्रतिशतसम्म समृद्ध २७४.८ किलोग्राम अनुमानित मात्रा रहेको र यो नोभेम्बरको अघिल्लो प्रतिवेदन पछि ९२.५ किलोग्रामले बढेको बताएको छ ।
यो तेहरानले डिसेम्बरमा ६० प्रतिशतसम्म अत्यधिक समृद्ध युरेनियमको उत्पादन बढाउने योजना घोषणा गरेपछि आएको हो । यो आणविक हतियारहरूका लागि आवश्यक ९० प्रतिशत स्तरबाट छोटो कदम हो ।
आइएइएका अनुसार तेहरान ६० प्रतिशत युरेनियम संवर्धन गर्ने एक मात्र गैर–आणविक हतियार भएको देश हो । इरानले सधैँ आणविक हतियार खोज्ने कुरा अस्वीकार गर्दै आएको छ ।
“यस्तो आणविक सामग्री उत्पादन गर्ने एक मात्र गैर–आणविक हतियार राष्ट्र इरानले उच्च समृद्ध युरेनियमको उत्पादन र सञ्चयमा उल्लेखनीय वृद्धि गर्नु गम्भीर चिन्ताको विषय हो”, प्रतिवेदनमा भनिएको छ ।
यो आइएइए बोर्ड अफ गभर्नरको बैठकको पूर्वसन्ध्यामा आएको छ ।
डोनाल्ड ट्रम्पले राष्ट्रपतिका रूपमा आफ्नो पहिलो कार्यकालमा संयुक्त राज्य अमेरिकालाई तेहरानसँगको सन् २०१५ को ऐतिहासिक सम्झौताबाट एकतर्फी रूपमा हटाउनुभएको थियो । सम्झौताले इरानको आणविक कार्यक्रममाथि सीमाहरूको बदलामा प्रतिबन्ध राहत प्रदान गरेको थियो ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- विदेश र बजारबाट गाउँ फिरेका ध्रुर्व रैथाने खेती
- इजरायलद्वारा हमासलाई नयाँ युद्धविराम प्रस्ताव स्वीकार गर्न दबाब
- दुनाटपरी गाँसेर जीविकोपार्जनको उपाय खोज्दै महिला
- युक्रेन ‘एक्लो छैन’ : युरोप
- चर्काचर्कीपछि ह्वाइट हाउसबाटै बाहिरिए जेलेन्स्की
- भारतमा एक पटकमा एक बियरमार्फत परिवर्तन ल्याउँदै महिलाहरू
- छ दशमलव एक म्याग्निच्युडको भूकम्प
- वीरगञ्ज नाका हुँदै निर्यात झण्डै दोब्बरले बृद्धि
- सन् २०२७ सम्म रक्षा क्षेत्रमा जिडिपीको २.५ प्रतिशत खर्च गर्ने बेलायती प्रधानमन्त्रीको घोषणा
- किसानको आयआर्जन बढाउन बगरखेती प्रवर्द्धन
