स्वतन्त्र समाचार सेवा / INS पाल्पाको फोक्सिङकोट र रिमिघा लेकमा बहुमूल्य जडीबुटी यार्सागुम्बा फेला परेको छ। ललितपुरको राष्ट्रिय विधि विज्ञान प्रयोगशालामा गरिएको परीक्षणले उक्त वस्तु यार्सागुम्बा भएको पुष्टि गरेको डिभिजन वन कार्यालय पाल्पाका प्रमुख नारायणदेव भट्टराईले बताए।
गत साता रिमिघा लेकमा झाडी सफाइ र सुन्तलाको बिरुवा रोप्न खाल्डो खन्दा यार्सागुम्बासदृश वस्तु भेटिएको थियो। उक्त वस्तुको पहिचानका लागि प्रयोगशालामा पठाइएको थियो। फेला परेको क्षेत्रमा गाउँपालिकाले प्रवेश निषेध गरेको छ र सूचना जारी गरी सर्वसाधारणलाई उक्त क्षेत्रमा जान रोक लगाएको छ।
प्रयोगशालाको प्रतिवेदनपछि जिल्ला सुरक्षा समितिको बैठकले यार्सा फेला परेको क्षेत्रमा केही दिन प्रवेश निषेध कायम राख्ने निर्णय गरेको गाउँपालिका अध्यक्ष विष्णुप्रसाद भण्डारीले बताए। प्रमुख जिल्ला अधिकारी तोयनारायण सुवेदीले रिमिघा लेकमा यार्सा भएको पुष्टि भएको तर यसको प्रजाति र औषधीय महत्वबारे थप अध्ययन आवश्यक रहेको बताए। १,८०० मिटर उचाइमा यार्सा फेला परेपछि स्थानीयवासी उत्साहित छन्।
यार्सागुम्बा हिमाली तथा उच्च पहाडी क्षेत्रमा पाइने विश्वकै बहुमूल्य औषधीय जडीबुटी हो। नेपाल यसको आपूर्तिमा चीनपछि दोस्रो स्थानमा छ। यसमा शक्तिवद्र्धक, क्यान्सर, रक्तअल्पता, क्षयरोग, फोक्सो, मिर्गौला, कलेजो र मुटु रोगको औषधि बनाउने गुण हुन्छ। सामान्यतया ३,५०० देखि ५,५०० मिटर उचाइमा पाइने यार्सागुम्बा च्याउ र पुतलीको लार्भाको संयुक्त रूप हो, जसलाई आयुर्वेदमा उच्च औषधीय महत्वको मानिन्छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- भारतमा कोभिड-१९ को नयाँ प्रकोप
- पोर्चुगलले जित्यो स्पेनलाई हराउँदै नेशन्स लिगको उपाधि
- ड्रागन फ्रुटबाट वार्षिक दश लाख आम्दानी
- आज ज्येष्ठ शुक्ल एकादशी: तुलसीको दल राखिँदै
- अमेरिकाले नेपालीका लागि अस्थायी संरक्षण खारेज गर्दै
- प्रतिक्रिया स्वरूप रुसको युक्रेनमाथि आक्रमण
- नयाँ स्वरूपमा फिफा क्लब विश्वकप २०२५
- ट्रम्पद्वारा १२ देशका नागरिकलाई अमेरिका यात्रामा पूर्ण प्रतिबन्ध
- इजरायल -प्यालेस्टाइन गाजा युद्धमा २०० पत्रकार तथा संचारकर्मीको मृत्यु
- बेंगलोरमा ट्रफी परेडका क्रममा भएको भगदौडमा ११ को मृत्यु र ३३ घाइते
