स्वतन्त्र समाचार सेवा / INS जनता नमूना माध्यमिक विद्यालय, शंकरपुर, विराटनगरमा अध्ययन गरेर २०३७ सालमा एसएलसी दिएका विद्यार्थीले आफूलाई विद्यालयमा पढाउने शिक्षकहरूलाई एक कार्यक्रमको आयोजना गरी विराटनगर र काठमाडौंमा एकैदिन सम्मान गरेका छन्।
आफ्नो जीवनमा उच्च आदर्श बोकेर सबैको भलो चिताउने शिक्षक तथा शिक्षिकालाई आजको समाजले त्यति धेरै प्राथमिकता नदिएको अवस्थामा यस्तो सम्मान कार्यक्रमले धेरै महत्व राख्ने आयोजकले बताएका छन। उक्त सम्मान कार्यक्रममा दिवंगत शिक्षक तथा शिक्षिकाको आत्माको चिर शान्तिको कामना गर्दै एक मिनेटको मौनधारणबाट सम्मान कार्यक्रम हुँदै सम्मानितहरूबाट अनुभव तथा मन्तव्य राख्ने कार्यक्रम सम्पन्न भएको थियो।
सो अवसरमा टेककुमारी कोइराला, विणा जोशी, उर्मिला श्रेष्ठ, यशोदा पौडेल, शान्ता अधिकारी, बिक्रमसिंह थापा, नारायणप्रसाद भगत, प्रकाशकुमार चापागाईं, श्यामनन्दन शर्मा, शिवसंकर श्रेष्ठ, लक्ष्मीकान्त नन्दी, नारायणप्रसाद आचार्य, कृष्णबहादुर बस्नेतलाई सम्मान गरिएको थियो। कार्यक्रममा पूर्व विद्यार्थी तथा समाजसेवी युवराज निरौला, पूर्व विद्यार्थी, मेयर तथा बर्तमान सांसद भिम पराजुली, पूर्व विद्यार्थी, नेपाल सरकारका पूर्व सचिव विमल कोईराला, पूर्व विद्यार्थी तथा राजनितिज्ञ प्रदिप पोखरेल तथा पूर्व विद्यार्थी तथा कानूनविद मन दाहालले आफ्नो मन्तव्य राख्नु भएको थियो।
यसैगरी, पूर्व विद्यार्थी प्रकाश पोखरेलद्वारा लिखित पुस्तकहरू “जेष्ठ नागरिकको सवाल र व्यवस्थापन” र “क्षमता विकासका अवयवहरू” समारोहमा वितरण गरिएको थियो। कार्यक्रमलाई विराटनगरमा दिनेशराज सुवेदी र काठमाडौँमा मुरारी कोइरालाले संचालन गरेका थिए। यसैगरी, लेखराज आचार्य र मधुसुदन भट्टराईले सहभागी तथा अतिथीहरूलाई स्वागत गरेका थिए।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- पूर्वीचितवनका सिमसारमा ५५ प्रजातिका चरा भेटिए
- आठ करोडको लगानीमा पर्वतमा चुत्रो प्रशोधन उद्योग सञ्चालन
- भरियाले धानेकोे खुम्बु क्षेत्रको ढुवानी
- मस्क र पूर्व ईयू प्रविधि प्रमुख ब्रेटनबीच जर्मनीको विषयमा विवाद
- लस एन्जलस आगलागीः भयानक अवस्था, मृत्यु हुनेको सङ्ख्या ११ पुग्यो
- सूर्योदय
- जलक्रिडा गर्दै मरुल
- भुवनेश्वरी मन्दिर
- चन्द्रमा
- चोभार सुक्खा बन्दरगाह
