स्वतन्त्र समाचार सेवा / INS 
श्रीलंका सूचनाको पहुँच सम्बन्धी एसियाली गठबन्धनको संस्थापक साझेदार बनेको छ। एसियन एक्सेस टु इन्फर्मेसन अलायन्स (एएआइए) का सहसंस्थापक सदस्यको गत महिना भएको पहिलो बैठकमा सो जानकारी गराइएको आज श्रीलंकाको सूचना आयोगले जनाएको छ।
फिलिपिन्सको मलिनामा सम्पन्न यो बैठक ल्याटिन अमेरिकी, उत्तर अमेरिकी, अफ्रिकी, युरोपेली र अस्ट्रेलिया–ओसियन नेटवर्कहरूको हो। यो अलायन्स सूचना आयुक्तहरुको अन्तर्राष्ट्रिय सम्मेलन (आइसिआइसी) को १४औँ संस्करणमा क्षेत्रीय बैठकको हिस्सासमेत भएको बताइएको छ।
सूचनामा विश्वव्यापी पहुँचका लागि अन्तर्राष्ट्रिय दिवस मनाउन गत वर्ष सेप्टेम्बर २८ मा एएआईको स्थापना भएको हो। यसको मुख्य लक्ष्य पारदर्शी र जबाफदेही शासन प्रवद्र्धन गर्न र सक्रिय नागरिक सहभागितलाई प्रोत्साहित गर्न एसियामा सूचना कार्यान्वयन गर्ने निकायबीचको सहयोगी प्रयासलाई सुदृढ गर्ने रहेको छ।
यो अलायन्सको सहसंस्थापक सदस्य राष्ट्रहरुमा कम्बोडिया, इजरायल, माल्दिभ्स, फिलिपिन्स, श्रीलंका र चीन (ताइवान) छन् । यसमा सूचनामा पहुँच सम्बन्धी कानुन वा नीति कार्यान्वयन गर्ने निरीक्षण कार्यालयहरु आवद्ध छन्।
‘पहिले यो अवास्तविकजस्तो देखिन्थ्यो। तर अहिले सम्भव भएको छ,’ श्रीलंकाका सूचना आयुक्त किसाली पिन्टो जयवर्धनले भन्नुभयो, ‘सूचनामा पहुँच सम्बन्धी एशियाली अलायन्स हुँदा हामीले एकअर्काबाट धेरै कुरा सिक्न र हासिल गर्न सक्छौँ।’
कम्बोडियाबाहेक सबै संस्थापक देशका प्रतिनिधिले गत महिना मनिलामा जम्मा भई गठबन्धनले आफ्नो दिशालाई अगाडि बढाउनका लागि गर्नुपर्ने कामबारे छलफल पनि गरेका थिए ।
आफूहरू सबै अगाडि बढ्न र एसियामा सूचनाको पहुँच स्थापित गर्न उत्सुक रहेको सूचनाको स्वतन्त्रता सम्बन्धी फिलिपिन्सको कार्यालयका प्रमुख क्रिजिया केसी अभेजरले भने।
एएआईका तीन सहसंस्थापक सदस्यमा फिलिपिन्स, इजरायल र माल्दिभ्स थिए । अहिले कम्बोडिया, श्रीलंका र ताइवान आइसिआइसी नेटवर्कका सदस्य थपिएका हुन् ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- कालीगण्डकीमा बन्द भयो जलयात्रा
- विश्वमा हरेक १० मिनेटमा एक महिलाको मृत्यु हुन्छ : संयुक्त राष्ट्रसङ्घ
- सगरमाथा क्षेत्र छोड्ने विदेशी पर्यटकको सङ्ख्या बढे
- ‘टार’ शब्द परेपछि…
- युद्धका कारण लेबनानबाट चार लाख सिरियाली शरणार्थी स्वदेश फर्किए
- कोप–२९ जलवायु वित्त बढाउन सहमति, कार्बन उत्सर्जन कटौतीको भाका सारियो
- भारतबाट आउने तरकारीकै कारण नेपाली किसान पीडित
- चिकित्सकले मृत घोषणा गरेका एक भारतीय चिताबाट ब्यूँझिएपछि…
- बीस वर्षदेखि सुकुम्बासीको प्रश्न : जग्गा कहिले पाइन्छ ?
- बगेर खेर गइरहेछ भोटको नुन
