स्वतन्त्र समाचार सेवा / INS आइसिसी टी-२० विश्वकप २०२४ अन्तर्गत एसिया छनोटको आफ्नो पहिलो खेलमा नेपालले सिंगापुरमाथि ८ विकेटको जित हात पारेको हो ।
टस जिती पहिले ब्याटिङको निर्णय लिएको सिंगापुरले निर्धारित २० ओभरमा नौ विकेट गुमाएर नेपाल सामु एक सय ४५ रनको लक्ष्य प्रस्तुत गरेको थियो । जवाफी ब्याटिङमा नेपालले १६.३ ओभरमा दुई विकेट गुमाएर एक सय ४७ रन बनाउँदै विजय लक्ष्य पुरा गरेको हो ।
खेलमा कुशल भुर्तेल र आसिफ शेखले ओपनिङ विकेटका लागि ८४ रनको साझेदारी गरेका थिए । कुशल भुर्तेलले टोलीका लागि ७४ रन बनाए । उनले केवल ४८ बलको सामना गरी दुई छक्का र आठ चौका हाने । उनले २६ बलमा आफ्नो अर्धशतक पुरा गरेका थिए । उनले दुई छकका र ६ चौकाको मद्दतले अर्धसतक पुरा गरेका हुन् ।
नेपालका अर्का ओपनर आसिफ शेखले २७ रन बनाए। उनले २६ बलमा २ चौका र १ छक्का प्रहार गरे। कुशल र आसिफबीच पहिलो विकेटका लागि ९.१ ओभरमा ८४ रनको साझेदारी हुँदा नेपाल सहज रुपमा अघि बढेको थियो।
दोस्रो नम्बरमा आएका कप्तान रोहित पौडेलले २४ बलमा नटआउट ३५ रन जोड्दा एक बलको सामना गरेका कुशल मल्लले छक्का प्रहार गरी सिंगापुरले दिएको लक्ष्य पुरा गरे ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- बेलढुङ्गा–पञ्चकोट साइकल लेन : बजेट अभावले काम रोकियो
- व्यावसायिक माछा पालनबाट वार्षिक ११ लाख आम्दानी
- नबिल बैंकद्वारा भूकम्पपीडितलाई ९६ वटा अस्थायी आवास हस्तान्तरण
- पाथीभरालाई विश्व सम्पदा सूचीमा समावेश गर्न पहल गरिने
- पर्यटकीय घलेगाउँ
- एनपिएल विजेता खेलाडी ट्रफीको साथमा रमाउँदै
- भगवती कोत मन्दिर
- त्रिवेणीधाम
- सापुल्ली गाउँ
- हिउँ बिनाको सिस्ने हिमाल
