स्वतन्त्र समाचार सेवा / INS त्रिशूली नदीमा बेपत्ता भएका दुईवटा यात्रुबाहक बसको खोजी र उद्धारका लागि सशस्त्र प्रहरी बलको टोली घटनास्थल पुगेको छ ।
सशस्त्रको गोताखोर टोली नदीभित्र छिरेर बसको खोजी गरिरहेको सशस्त्रका सहप्रवक्ता डीएसपी शैलेन्द्र थापाले जानकारी दिए ।
उद्धार टोली डुबेको बसको अवस्था शुक्रवार बिहान करिब ८ बजेसम्म फेला पार्न नसकेको उनले बताए ।
अविरल वर्षासँगै आएको पहिरोले शुक्रवार बिहान दामो दूरीमा चल्ने दुईवटा गाडी बगाएको छ । पर्साको वीरगञ्जबाट काठमाडौं आउँदै गरेको माइक्रो बस (विङर गाडी) र काठमाडौंबाट रौतहटको गौर जाँदै गरेको गणपति डिलक्सको बस बगेर त्रिशूली नदीमा बेपत्ता भएका हुन् ।
भरतपुर महानगरपालिका २९ स्थित सिमलतालमा शुक्रवार बिहान ३ बजे उक्त घटना भएको सशस्त्रका सहप्रवक्ता डीएसपी थापाले जानकारी दिए ।
गौरबाट जाँदै गरेको बसमा करिब ४०–४१ जना तथा वीरगञ्जबाट आउँदै गरेको माइक्रोमा २०–२१ जना यात्रु सवार थिए । बस र माइक्रो पूरै नदीमा डुबेको भन्ने प्रारम्भिक जानकारी प्राप्त भएको प्रवक्ता थापाले बताए ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- एनपिएलमा जनकपुर बोल्ट्सको उपाधि दाबेदारी
- पर्यटकीय क्षेत्र पिकेडाँडा जहाँ सञ्चारको सुविधा नहुँदा पर्यटकलाई मर्का
- अमेरिकी सपना: मानव तस्करको चङ्गुलदेखि ह्वाइट हाउससम्म
- इजरायल र लेबनानबीच युद्धविरामको सहमति
- कालीगण्डकीमा बन्द भयो जलयात्रा
- विश्वमा हरेक १० मिनेटमा एक महिलाको मृत्यु हुन्छ : संयुक्त राष्ट्रसङ्घ
- सगरमाथा क्षेत्र छोड्ने विदेशी पर्यटकको सङ्ख्या बढे
- ‘टार’ शब्द परेपछि…
- युद्धका कारण लेबनानबाट चार लाख सिरियाली शरणार्थी स्वदेश फर्किए
- कोप–२९ जलवायु वित्त बढाउन सहमति, कार्बन उत्सर्जन कटौतीको भाका सारियो
