स्वतन्त्र समाचार सेवा / INS 
भारत मुम्बईको जसलोक अस्पताल एवम् अनुसन्धान केन्द्रका अनुसन्धानकर्ताले भाग लिएको आईआईटीको यो अनुसन्धानमा कहिल्यै संक्रमित नभएका पुरुषको तुलनामा कोभिड-१९ बाट प्रभावित पुरुषमा शुक्राणुको संख्या धेरै नै कमी आएको तथा उनीहरूमा सामान्य आकारका शुक्राणु समेत कम पाइएको छ।
जुनसुकै खालको कोरोनाभाइरस संक्रमण भए पनि त्यसले पुरुषको प्रजनन क्षमतालाई प्रभावित गर्न सक्ने रहेछ। इण्डियन इन्स्टिच्युट अफ टेक्नोलोजी (आईआईटी) मुम्बईका अनुसार सामान्य खालका वा मध्यम स्तरको कोरोनाभाइरस संक्रमणले पुरुषको प्रजनन प्रणालीसम्बधी प्रोटीनको स्तर नै फेरिदिन सक्छ र त्यसबाट उसको प्रजनन क्षमता नै प्रभावित हुन सक्छ।
‘एसीएस ओमेगा‘ नामक पत्रिकामा गत सप्ताह प्रकाशित अनुसन्धानमा कोभिड-१९ भएर सन्चो भएका पुरुषको वीर्यमा प्रोटीनको स्तरको विश्लेषण गरिएको थियो। अनुसन्धानकर्ताका अनुसार, कोभिड-१९ गराउने मूख्य जिम्मेदार सार्स-सीओवी-२ भाइरसले खासमाचाहिँ श्वासप्रश्वास प्रणालीलाई प्रभावित गर्ने हो, तर यो भाइरस तथा त्यसप्रति शरीरको प्रतिक्रियाका कारण शरीरका अन्य अंगमा पनि हानी गर्छ।
यसअघि प्रजनन क्षमता तथा नपुंसकताका सम्बन्धमा भइरहेको अनुसन्धानले कोभिड-१९ भएका पुरुषहरूको यौन स्वास्थ्यमा गम्भीर प्रभाव परेको संकेत पाइएको थियो। यही प्रभावका कारण कोभिड-१९ भएका पुरुषमा इरेक्टाइल डिसफङक्शन (ईडी) पनि हुन सक्छ जसलाई सामान्य भाषामा नपुंसकता भनिन्छ।
टर्कीका अनुसन्धानकर्ताहरूले एउटा नयाँ अनुसन्धानमा एन्डोथीलियम अर्थात रक्तधमनीमा जोडिएका झिल्लीहरूमा हुने शिथिलता, कोभिडका कारण शुक्रवाहिनी नलीलगायतका ग्रन्थीमा भएको प्रत्यक्ष क्षति, महामारीका कारण मानसिक स्वास्थ्यमा परेको असरका कारणले इरेक्टाइल डिसफङक्शनका मामिला बढेको छ। यो सम्बन्धी प्रमाणहरूमा आधारित एउटा न्यारेटिभ रिभ्यु इन्टरनेशनल जर्नल अफ इम्पोटेन्समा प्रकाशित भएको थियो।
भारतका अनुसन्धानकर्ताहरूले पनि कोभिड-१९ भएका पुरुषहरूको यौन स्वास्थ्य तथा प्रजनन अङ्गमा गम्भीर प्रभाव परेको संकेत पाइएको वताएका छन्।भारत मुम्बईको जसलोक अस्पताल एवम् अनुसन्धान केन्द्रका अनुसन्धानकर्ताले भाग लिएको आईआईटीको यो अनुसन्धानमा कोभिड-१९ का कारण पुरुष प्रजनन प्रणालीमा कुनै दीर्घकालिक प्रभाव पत्ता लगाउन खोजिएको छ। अनुसन्धानकर्ताहरूले १० स्वस्थ पुरुषका वीर्यमा प्रोटीनको स्तर तथा सामान्य वा मध्यम खालका कोरोनाभाइरस संक्रमणबाट सन्चो भएका १७ पुरुषका वीर्यमा प्रोटीनको स्तरको तुलना गरिएको थियो। यी सबै पुरुषको आयु २० देखि ४५ वर्ष थियो र उनीहरू यसअघि कुने पनि प्रजनन क्षमताको अभावको समस्याबाट पीडित थिएनन्।
अनुसन्धानकर्ताले कहिल्यै संक्रमित नभएका पुरुषका तुलनामा कोभिड-१९ संक्रमित भएर ठिक भएका पुरुषमा शुक्राणुको संख्या नै एकदमै कम पाए भने अनि तीनमा सामान्य आकारका शुक्राणु नै कम भएको पाए। अनुसन्धानकर्ताले कोभिड-१९ संक्रमित भएर ठिक भएका पुरुषका वीर्यमा प्रोटीनका स्तरमा परिवर्तन आएको छ।
सांकेतिक तस्बिर
यो पनि पढनुहोस् पुरुषको यौन स्वास्थ्यमा कोभिड-१९ गम्भीर प्रभाव
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- सार्कको विकल्पमा उदाएको बिम्स्टेकको छैटौँ सम्मेलन बैङ्ककमा जारी
- नेपाली चलचित्रका लागि अविष्मरणीय वर्ष ‘२०८१’
- चितुवाको निसानामा बालबालिका, डेढ महिनामा एकको मृत्यु, दुई घाइते
- चन्दा सङ्कलन गरी पदमार्ग निर्माण
- म्यान्मा भूकम्प प्रभावितलाई सहायता निरन्तर जारी : संयुक्त राष्ट्रसङ्घ
- तीनकुने घटनामा दिवङ्गत पत्रकार रजकलाई लुम्बिनीमा श्रद्धाञ्जली
- बिपी राजमार्ग : वैकल्पिक सडक निर्माण गरिँदै
- किच्चकबधमा उत्खननका क्रममा ‘दरबारको जग’ भेटियो
- म्यान्मामा भूकम्पः मृतक सङ्ख्या दुई हजार नाघ्यो, एक हप्ताको राष्ट्रिय शोक घोषणा
- नागरिकतासहित तीनवटा विधेयक छलफलका लागि समितिमा पठाइयो
