स्वतन्त्र समाचार सेवा / INS अमेरिकी राष्ट्रपति डोनाल्ड ट्रम्प गाजा अधिग्रहरण गर्ने योजनाका लागि थुप्रै आलोचनाका भागी बनेका छन्। उनले यो योजना सबैलाई मन पर्ने भनिरहे पनि सहयोगी राष्ट्रहरूले यस विचारलाई अस्वीकार गरेका छन्। बेलायतले प्यालेस्टिनियनहरूलाई आफ्नो मातृभूमिमा बस्नुपर्ने कुरा उल्लेख गरेको छ।
इजिप्टले गाजामा प्यालेस्टाइनीहरुलाई नै पुर्नवास गरिनु पर्ने राय दिएको छ भने साउदी अरेबियाले प्यालेस्टाइनीरुलाई विस्थापित गर्ने कुनै पनि प्रयासलाई स्वीकार नगर्ने बताएको छ ।
ट्रम्पले गाजालाई दीर्घकालीन रुपमा अमेरिकी स्वामित्व दिने प्रस्ताव हर कुनैले मन पराएको भनी सार्वजनिक रुपमै बोलेका थिए । इजरायली प्रधानमन्त्री बेन्जामिन नेतन्याहूको अमेरिका भ्रमणका दौरान ह्वाइट हाउसमा भएको संयुक्त प्रेस मिटमै उनले गाजालाई अधिग्रहरण गर्ने र त्यहाँका प्यालेस्टाइनीहरुलाई बाहिर निकाल्ने योजना सुनाएका थिए ।
विदेशमन्त्री मार्को रुबियोले समेत ट्रम्पको गाजा क्लिन अफरलाई शत्रुतापूर्ण कदमका रुपमा हेर्न नहुने बताएका छन् । गाजाका नागरिकले त्यो भूमि अर्थात् जमिन आफ्नो बताइँरहँदा प्यालेस्टाइनी प्राधिकरणले प्यालेस्टाइनीहरुको पुर्नवास नहुने बताएको छ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- आज बिहानैदेखि सरकारका वेभसाइटहरु डाउन
- आगलागी हुँदा पाँच परिवारको विचल्ली
- जसले न्याय खोज्दाखोज्दै प्राण त्यागिन्
- राष्ट्रपतिले आह्वान गरे संसद् अधिवेशन
- यू-१९ विश्वकप एसिया छनोटमा नेपालको लगातार तेस्रो जित
- अस्तव्यस्त सडक, मारमा जनता : आन्दोलनमय राजधानी
- आज यी प्रदेशमा हुनेछ चट्याङ्गसहित वर्षा, स्थानीय वायुको प्रभाव कायमै
- इलामका सीमावर्ती गाउँमा विद्यार्थी छन्, विद्यालय छैनन्
- काठमाडौँ उपत्यकामा भूकम्पको धक्का महसुस
- पाँचखालका इँटाभट्टा बन्द गर्न सर्वोच्चको आदेश
