स्वतन्त्र समाचार सेवा / INS आफैँले कामबाट निकालेका कर्मचारीहरूलाई अमेरिकी सरकारले पुनः काममा फिर्ता ल्याउने कोशिस गरिरहेको छ ।
बर्खास्तका कारण देशको राष्ट्रिय सुरक्षा नै चौपट हुने हो कि भन्ने पीर बढ्दै गएपछि सरकारले आणविक सुरक्षा कर्मचारीलाई पुनः भर्ती गर्न लागेको अमेरिकी सञ्चारमाध्यमहरूले बताएका छन् ।
ऊर्जा मन्त्रालयबाट सयौँ कर्मचारीलाई कामबाट निकालिएको पत्र दिइएको थियो । राष्ट्रिय आणविक सुरक्षा प्रशासन (एएनएसए)का कामदारहरू यीनैमध्ये थिए । यो विभागले अमेरिकाको परमाणु हतियारको डिजाइन तयार पार्ने, निरीक्षण गर्ने र सञ्चिति बढाउने काम गर्दै आएको छ । अमेरिकी राष्ट्रपति डोनल्ड ट्रम्पले संघीय सरकारको खर्च कम गर्न संघीय कार्यबलबाट ठुलो संख्यामा कर्मचारी घटाइरहेका छन् ।
जनवरी २० मा कार्यभार सम्हालेको पहिलो दिनदेखि नै उनले यो अभियान तीव्र पारेका छन् । कुर्सीमा बसेको एक महिना पुगिनसक्दै सरकारले हजारौँ कर्मचारीलाई इमेल, भिडियोलगायत माध्यमबाट बर्खास्त गरेको सूचना दिइसकेको छ ।
सरकारले एनएनएसएका ३०० भन्दा बढी कर्मचारीलाई पनि हटाएको अमेरिकी सञ्चार माध्यमले बताएका छन् । बिहीबार गरिएको कर्मचारी कटौतीमा परमाणु हतियार बनाउने केन्द्रका कर्मचारी पनि भएको सीएनएनले जनाएको छ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- ड्रागन फ्रुटबाट वार्षिक दश लाख आम्दानी
- आज ज्येष्ठ शुक्ल एकादशी: तुलसीको दल राखिँदै
- अमेरिकाले नेपालीका लागि अस्थायी संरक्षण खारेज गर्दै
- प्रतिक्रिया स्वरूप रुसको युक्रेनमाथि आक्रमण
- नयाँ स्वरूपमा फिफा क्लब विश्वकप २०२५
- ट्रम्पद्वारा १२ देशका नागरिकलाई अमेरिका यात्रामा पूर्ण प्रतिबन्ध
- इजरायल -प्यालेस्टाइन गाजा युद्धमा २०० पत्रकार तथा संचारकर्मीको मृत्यु
- बेंगलोरमा ट्रफी परेडका क्रममा भएको भगदौडमा ११ को मृत्यु र ३३ घाइते
- आयात चार अर्ब ७५ करोड, निर्यात ३५ करोड : नेपाल बंगलादेश व्यापार
- सुडानमा चलिरहेको युद्धले चार लाखभन्दा बढी नागरिक विस्थापित
