स्वतन्त्र समाचार सेवा / INS युरोपेली आयोगकी अध्यक्ष उर्सुला भोन डेर लेयनले यस सप्ताहन्तमा बेलायती र फ्रान्सेली नेताहरूसँग वार्ता गरेको र सबैले रुससँगको युद्धको तेस्रो वार्षिकोत्सव अघि युक्रेनलाई ‘अविचल’ समर्थन गर्ने वाचा गरेको बताउनुभएको छ ।
“हामीले युक्रेनलाई आर्थिक र सैन्य रूपमा हाम्रो अविचल समर्थनबारे छलफल गर्यौँ”, फ्रान्सका राष्ट्रपति इम्मानुएल म्याक्रोन र बेलायती प्रधानमन्त्री किर स्टारमरसँगको टेलिफोन छलफलबारे भोन डेर लेयनले भन्नुभयो ।
इयु प्रमुखले एक्स प्लेटफर्ममा पोस्ट गर्दै दुई प्रमुख युरोपेली नेताहरूसँग ‘राम्रो विचार–विमर्श’ भएको बताउनुभयो ।
“हामीले अमेरिकी साझेदारहरूसँग हाम्रो सम्पर्कको बारेमा अद्यावधिकहरू साझा गर्यौँ र हाम्रो महाद्वीपको रक्षा र सुरक्षाका लागि योजनाहरू छलफल गर्यौँ”, उहाँले युक्रेन द्वन्द्व र नाटोको लागि कोषमा बढ्दो अमेरिका–युरोप तनावका बीच भन्नुभयो ।
म्याक्रोन र स्टार्मर दुवै यस हप्ता अमेरिकी राष्ट्रपति डोनाल्ड ट्रम्पसँग वार्ताका लागि वासिङ्टन जाँदै हुनुहुन्छ ।
डाउनिङ स्ट्रिटका अनुसार, स्टार्मर र भोन डेर लेयनले शनिबार कुरा गर्दा युक्रेनमा न्यायोचित र दीर्घकालीन शान्तिका लागि ग्यारेन्टी प्रदान गर्ने महत्त्वमा सहमति जनाउनुभयो ।
द्वन्द्व अन्त्य गर्ने आफ्नो चाहनामा ट्रम्पले मस्कोलाई अनुकूल शर्तहरू प्रस्ताव गर्नुहुनेछ र किएभलाई सुरक्षा ग्यारेन्टी प्रदान नगरी युरोपेली शक्तिहरूलाई वार्ताबाट टाढा राख्नुहुनेछ भन्ने युरोपेली मुलुकहरूलाई चिन्ता छ ।
आक्रमणको तेस्रो वार्षिकोत्सवका अवसरमा स्टार्मरले आइतबारको अखबार द सनका लागि एउटा विचार लेखमा ‘सुरक्षा ग्यारेन्टीका साथ युक्रेनको साथमा खडा हुनु बेलायत र अमेरिकी हितमा छ’ लेख्नुभएको छ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- ‘खानेपानीको सुविधा भयो, गाउँ छाडेर जान मन लाएको छैन’
- जीवनजल लिन घण्टौँ पैदलयात्रा गर्नुपर्ने अवस्था अन्त्य
- चीनको डिजिटल युआनले विश्व व्यापारमा नयाँ क्रान्ति
- आज राम नवमी, भगवान् श्रीरामको पूजा आराधना गरी मनाइँदै
- बुर्तिबाङको फस्टाउँदै गरेको पर्यटन व्यवसाय
- ‘ध्ये’ खोलामा पुल नहुँदा सास्ती
- यस्तो छ आज विदेशी मुद्राको विनिमय दर
- तीनकुने घटनाको छानबिन जारी छ : आयोग
- चैते दसैँ : देशभरका शक्तिपीठमा भक्तजनको बिहानैदेखि भीड
- डढेलोबाट घर जोगाउनै मुस्किल
