एजेन्सी 
रुसी सेनाले युक्रेनमाथि नयाँ प्रविधिको ‘जेट-पावर्ड’ (जेट इन्जिनयुक्त) ड्रोन प्रयोग गरी भीषण र निरन्तर आक्रमण जारी राखेको छ। विगत चार दिनमा मात्रै रसियाले युक्रेनमाथि करिब १,५०० विभिन्न प्रकारका ड्रोन प्रहार गरेकोमा ८०० भन्दा बढी तीव्र गतिको जेट-ड्रोन रहेका छन्।
रसियाको यस नयाँ रणनीतिका कारण युक्रेनको राजधानी किभ र आसपासका क्षेत्रमा दिउँसै घण्टौँसम्म हवाई आक्रमणको चेतावनी जारी हुने गरेको छ। सोमबार मध्याह्नसम्ममा मात्रै किभमा आठ पटक हवाई आक्रमणको चेतावनी दिने साइरन बजेको थियो।
रसियाले प्रयोगमा ल्याएका नयाँ ‘शाहेद’ तथा ‘गेरान-४’ र ‘गेरान-५’ मोडलका जेट ड्रोनहरूको गति प्रतिघण्टा २०० देखि २५० माइल (करिब ३२० देखि ४०० किमी) सम्म रहेको छ। यो पुराना ‘पिस्टन-इन्जिन’ ड्रोनको तुलनामा दोब्बर तीव्र हो। युक्रेनले प्रयोग गर्दै आएका साना र सस्ता प्रतिरोधी प्रणाली (इन्टरसेप्टर) भन्दा यी ड्रोन निकै तीव्र गतिमा उड्ने भएकाले यिनलाई खसाल्न कठिन भइरहेको छ।
बिहीबार किभबाट १५ माइल पश्चिममा रहेको मिला गाउँस्थित गोलाबारुद भण्डारमा ‘गेरान-४’ ड्रोनले आक्रमण गर्दा ३८ जनाको मृत्यु भएको छ। आक्रमणपछि घण्टौँसम्म भएका शृङ्खलाबद्ध विस्फोटका कारण गोदामहरू ध्वस्त हुनुका साथै नजिकैका घरहरूमा ठुलो क्षति पुगेको छ।
रसियाले किभ वरपरका खाद्य तथा आपूर्ति गोदामहरूलाई लक्षित गरी लगातार आक्रमण गरिरहेको छ। बोरिस्पिल क्षेत्रमा रहेको खाद्यान्न भण्डारण केन्द्रमा भएको क्षतिपछि स्थानीय बजारहरूमा खाद्यान्नको केही अभाव देखिएको छ। यद्यपि युक्रेनी राष्ट्रपतिका प्रविधि सल्लाहकार सेर्गी बेस्क्रेस्तनोभले सर्वसाधारणलाई अफवाह र त्रासबाट टाढा रहन आग्रह गरेका छन्। उनले कम्पनीहरूले आपूर्ति व्यवस्थालाई पुनः व्यवस्थित गरिरहेको र देशमा अनकालको स्थिति नआउने स्पष्ट पारेका छन्।
युक्रेनी राष्ट्रपति भोलोडिमिर जेलेन्स्कीले रसियाले युक्रेनलाई थकाउने र कमजोर बनाउने रणनीतिअनुसार जेट-ड्रोनको प्रयोग बढाएको बताएका छन्। हाल युक्रेनले यी तीव्र गतिका ड्रोनहरू खसाल्न मुख्यतः आफ्ना लडाकु विमानहरू प्रयोग गरिरहेको छ।
अगस्ट महिनामा मात्रै रसियाले २,५०० भन्दा बढी जेट ड्रोन युक्रेनतर्फ प्रहार गरिसकेको छ। युक्रेनी इन्जिनियरहरू अहिले जेट ड्रोनलाई रोक्न सक्ने थप तीव्र गतिको नयाँ ‘इन्टरसेप्टर’ ड्रोनको विकासमा जुटेका छन्। चार वटा प्रविधि कम्पनीहरूले यससम्बन्धी परीक्षण गरिरहेको र शरद ऋतुसम्ममा रक्षा क्षमतालाई ९० प्रतिशतभन्दा माथि पुर्याउने लक्ष्य राखिएको राष्ट्रपति जेलेन्स्कीले जानकारी दिएका छन्।
श्रोत: आइएनएस-स्वतन्त्र समाचार
एजेन्सी का अन्य पोस्टहरु:
- अमेरिका–हुथी द्वन्द्व र ट्याङ्कर आक्रमणपछि कच्चा तेलको मूल्य प्रति ब्यारेल १०० डलर पुग्यो
- ठुला प्रविधि कम्पनीहरूलाई नियन्त्रण गर्न अदालतलाई धौ-धौ !
- तुकाराम मुण्डे: सामाजिक सञ्जालमा भाइरल बनेका भारतको महाराष्ट्रका खाद्य सुरक्षा अधिकारी
- प्रतीकात्मकताले भरिएको शान्ति वार्ता: रुस र युक्रेनबिचका आधारभूत मतभेद अझै कायम
- रुस-युक्रेन युद्ध: शान्ति वार्ताका लागि अमेरिकी टोलीले भेट्यो पुटिनलाई
- रसिया-युक्रेन युद्ध रोक्ने अमेरिकी प्रयास: ट्रम्पका दूत कुश्नर र विटकाफ मस्को र किभ भ्रमण गर्दै
- इरान युद्धमा सहयोग नगरेको भन्दै फकल्यान्ड टापु विवादमा बेलायतलाई साथ नदिने ट्रम्पको सङ्केत
- जर्मनीको लाइपजिगमा ‘विस्फोटक ड्रोन’ आक्रमणको प्रयासपछि रुसविरुद्ध कडा कदम चाल्न युरोपेली सङ्घ र नेटो प्रतिबद्ध
- अमेरिकाद्वारा इरानमा बमबारी, जवाफमा मध्यपूर्वका अमेरिकी सैन्य अखडामा क्षेप्यास्त्र प्रहार
- इरानको लाराक टापुमा रहेका प्रक्षेप्यास्त्र प्रक्षेपण केन्द्रमा अमेरिकी आक्रमण
