एजेन्सी 
हर्मुज जलमार्गमा व्यावसायिक जहाजमाथि इरानले आक्रमणको प्रयास गरेको आरोप लगाउँदै अमेरिकी सेनाले मङ्गलबार इरानभित्रका विभिन्न लक्ष्यहरूमा पुनः हवाई आक्रमण सुरु गरेको छ। अमेरिकी सेन्ट्रल कमान्डका अनुसार मङ्गलबार मध्याह्न १२:०० बजे बाट सुरु भएको यो आक्रमण बुधबार बिहान समाप्त भएको हो।
अमेरिकी आक्रमणको जवाफमा इरानले पनि मध्यपूर्वका विभिन्न देशहरूमा रहेका अमेरिकी सैन्य आधार शिविरहरूमा ब्यालिस्टिक क्षेप्यास्त्र तथा ड्रोन प्रहार गरी कडा जवाफी कारबाही गरेको छ।
इरानी सञ्चारमाध्यम तथा इरानी रेड क्रसका अनुसार दक्षिण इरानको सिरीक क्षेत्रमा अमेरिकी क्षेप्यास्त्रको छर्रा एउटा घरमा खस्दा विवाह समारोहमा सहभागी ४ जनाको मृत्यु भएको छ भने ५० भन्दा बढी घाइते भएका छन्। मृत्यु हुनेहरूमा एक सानो बच्चासमेत रहेको इरानी राज्य सञ्चारमाध्यमले जनाएका छन्।
अमेरिकी सेनाका तर्फबाट बोलिकै क्याप्टेन टिम हकिन्सले इरानी सञ्चारमाध्यममा आएका रिपोर्टहरूबारे अमेरिका सजग रहेको बताउँदै, “अमेरिकी सेनाले इरानको रिभोलुसनरी गार्ड जस्तो सर्वसाधारणलाई कहिल्यै निशाना बनाउँदैन” भन्दै टिप्पणी गरेका छन्।
यसका साथै चाबहार, कोनारक, जिराफ्त विमानस्थल, केसाम टापु र बन्दर अब्बास क्षेत्रमा पनि अमेरिकी आक्रमणका कारण ठुला विस्फोटहरू भएका छन्।
सिरीक आक्रमणको बदला लिन इरानको इस्लामिक रिभोलुसनरी गार्ड कर्प्सले बुधबार बिहानै जोर्डनको अकाबामा रहेको अमेरिकी म्यारिन बेसलाई लक्षित गरी ब्यालिस्टिक क्षेप्यास्त्रहरूको वर्षा गराएको छ।
जोर्डनको सशस्त्र प्रहरी बलका अनुसार इरानले प्रहार गरेका १३ वटा ब्यालिस्टिक क्षेप्यास्त्रमध्ये १० वटालाई हावामै नष्ट गरिएको र बाँकी ३ वटा दुर्गम क्षेत्रमा खसेको जनाएको छ। यस आक्रमणबाट कुनै मानवीय क्षति वा चोटपटक नलगेको जोर्डनले स्पष्ट पारेको छ।
यसबाहेक कुवेत र बहराइनमा रहेका अमेरिकी सैन्य ठेगानाहरूतर्फ पनि इरानले क्षेप्यास्त्र र ड्रोन प्रहार गरेपछि त्यहाँका हवाई रक्षा प्रणाली सक्रिय बनेका छन्। गार्ड कर्प्सले अमेरिकालाई यो कदमको भारी मूल्य चुकाउनुपर्ने र यसको लागि पछुताउनुपर्ने चेतावनी दिएको छ।
अमेरिकी राष्ट्रपति डोनाल्ड ट्रम्पले इरानलाई चेतावनी दिँदै यदि इरानले जवाफी कारबाही गरेमा उसमाथि “अझ कडा र उच्च स्तरको” आक्रमण गरिने बताएका छन्।
यो पछिल्लो भिडन्त सन् २०२६ फेब्रुअरी २८ मा अमेरिका र इजरायलले इरानमाथि गरेको व्यापक आक्रमण र त्यसपछि इरानले हर्मुज जलमार्ग बन्द गराएपछि सुरु भएको युद्धको निरन्तरता हो। जुन महिनामा दुई देशबिच भएको युद्ध विराम सम्झौताको समयावधि सकिएसँगै दुवै पक्षले पुनः एक अर्काका जहाज तथा सैन्य ठेगानामा प्रहार गर्न थालेका हुन्।
मङ्गलबार इरानी राष्ट्रपति मसुद पेजेस्कियानले अमेरिका पूर्व सम्झौतामा फर्किए इरान पनि पालना गर्न तयार रहेको बताए पनि, अमेरिकी आक्रमण र इरानी जवाफले मध्यपूर्वमा पुनः पूर्ण स्तरको युद्धको जोखिम बढाएको छ।
श्रोत: आइएनएस-स्वतन्त्र समाचार
एजेन्सी का अन्य पोस्टहरु:
- अमेरिका–हुथी द्वन्द्व र ट्याङ्कर आक्रमणपछि कच्चा तेलको मूल्य प्रति ब्यारेल १०० डलर पुग्यो
- ठुला प्रविधि कम्पनीहरूलाई नियन्त्रण गर्न अदालतलाई धौ-धौ !
- तुकाराम मुण्डे: सामाजिक सञ्जालमा भाइरल बनेका भारतको महाराष्ट्रका खाद्य सुरक्षा अधिकारी
- प्रतीकात्मकताले भरिएको शान्ति वार्ता: रुस र युक्रेनबिचका आधारभूत मतभेद अझै कायम
- रुस-युक्रेन युद्ध: शान्ति वार्ताका लागि अमेरिकी टोलीले भेट्यो पुटिनलाई
- रसिया-युक्रेन युद्ध रोक्ने अमेरिकी प्रयास: ट्रम्पका दूत कुश्नर र विटकाफ मस्को र किभ भ्रमण गर्दै
- इरान युद्धमा सहयोग नगरेको भन्दै फकल्यान्ड टापु विवादमा बेलायतलाई साथ नदिने ट्रम्पको सङ्केत
- जर्मनीको लाइपजिगमा ‘विस्फोटक ड्रोन’ आक्रमणको प्रयासपछि रुसविरुद्ध कडा कदम चाल्न युरोपेली सङ्घ र नेटो प्रतिबद्ध
- रसियाद्वारा तीव्र गतिको जेट-ड्रोन प्रहार: किभमा घण्टौँसम्म हवाई आक्रमणको चेतावनी, ३८ को मृत्यु
- इरानको लाराक टापुमा रहेका प्रक्षेप्यास्त्र प्रक्षेपण केन्द्रमा अमेरिकी आक्रमण
