एजेन्सी 
अस्ट्रेलिया सरकारले देशमा अनियन्त्रित रूपमा बढिरहेको बसाइसराइ (इमिग्रेशन) नियन्त्रण गर्न अन्तर्राष्ट्रिय विद्यार्थी, ‘भिसा हपर’ र ब्याकप्याकर्सलाई लक्षित गर्दै नयाँ र कडा अध्यागमन नियमहरूको घोषणा गरेको छ।
गृह मन्त्री टोनी बर्कले बिहीबार अध्यागमन नीतिको नयाँ ढाँचा सार्वजनिक गर्दै अध्यागमन देशको शक्ति भए पनि यसमा ‘उच्च तहको नियन्त्रण’ हुनु आवश्यक रहेको बताएका छन्। सरकारले सन् २०२८ सम्ममा खुद वैदेशिक बसाइसराइलाई घटाएर वार्षिक २ लाख २५ हजारमा सीमित गर्ने लक्ष्य राखेको छ।
अन्तर्राष्ट्रिय विद्यार्थी र ‘भिसा हपिङ‘ मा कडाइ
नयाँ नियमअनुसार अब अन्तर्राष्ट्रिय विद्यार्थीहरूले आफ्ना परिवारका सदस्य (डिपेन्डेन्ट) लाई आफूसँगै लैजान पाउने छैनन्। यद्यपि यो नियम पहिले नै अस्ट्रेलिया पुगिसकेका विद्यार्थी, प्रशान्त महासागरीय क्षेत्र र दक्षिणपूर्वी एसियाली मुलुकका आवेदक तथा विद्यावारिधि अध्ययन गर्ने विद्यार्थीका हकमा भने लागू हुने छैन।
त्यस्तै एक पाठ्यक्रम सकिएपछि भिसा अवधि लम्ब्याउन न्यून स्तरका सस्ता वा गुणस्तरहीन कलेजमा भर्ना हुने ‘भिसा हपिङ’ प्रवृत्तिको अन्त्य गर्न सरकारले कडाइ गरेको छ। अब विद्यार्थीले आफ्नो अध्ययनको तह बढाउन (जस्तै: ब्याचलर्सपछि मास्टर्स गर्न) मात्र भिसा नवीकरणको स्वीकृति पाउनेछन्।
वर्किङ होलिडे भिसा (ब्याकप्याकर्स) मा कोटा कटौती
कृषि क्षेत्रमा मुख्य श्रमिकका रूपमा प्रयोग हुने १८ देखि ३० वर्ष उमेर समूहका ब्याकप्याकर्सका लागि ‘वर्किङ होलिडे भिसा’ मा ‘गोलाप्रथा’ लागू गरी कोटा तोकिएको छ। दोस्रो वर्षको भिसा थपका लागि प्रतिस्पर्धा गर्नेहरूको सङ्ख्या ४५ हजार र तेस्रो वर्षका लागि ५ हजारमा सीमित गरिएको छ। यद्यपि, बेलायतसँग भएको स्वतन्त्र व्यापार सम्झौताका कारण बेलायती नागरिकलाई भने यो कोटा प्रणालीले असर पार्ने छैन।
बढ्दो राजनीतिक दबाब र महँगी
अस्ट्रेलिया ब्युरो अफ स्ट्याटिस्टिक्सका अनुसार देशको जनसङ्ख्या सन् २०२६ को मार्चसम्ममा १.४ प्रतिशतले बढेर २ करोड ७९ लाख पुगेको छ, जसमा खुद वैदेशिक बसाइसराइ २ लाख ९२ हजार १०० रहेको छ। महँगी, घरको अभाव र सार्वजनिक सेवामा परेको चापका कारण अध्यागमन मुद्दा त्यहाँको राजनीतिमा मुख्य बहसतर्फ मोडिएको छ।
सेटल्मेन्ट सर्भिसेज इन्टरनेसनलकी भायोलेट रुमलिओटिसले भने सरकारको यो निर्णय दीर्घकालीन हितभन्दा क्षणिक राजनीतिक फाइदाबाट प्रेरित रहेको र यसले अस्ट्रेलियाको अन्तर्राष्ट्रिय प्रतिभा आकर्षित गर्ने क्षमतामा असर पार्ने टिप्पणी गरेकी छन्।
श्रोत: आइएनएस-स्वतन्त्र समाचार
एजेन्सी का अन्य पोस्टहरु:
- अमेरिकी मध्यावधि चुनाव र नीतिगत अन्योलका बिच बजारमा तीव्र उतारचढाव
- अमेरिकाको मध्यावधि चुनावपछि प्रविधि शेयरमा ठुलो पहिरो: एआई क्षेत्रमा मन्दी आउने त्रास
- अमेरिकी मध्यावधि निर्वाचन: ट्रम्पलाई ठुलो धक्का, कङ्ग्रेसका दुवै सदनमा डेमोक्र्याटको कब्जा
- युरोपमा हवाई सुरक्षामा तरङ्ग: सात वटा यात्रुवाहक विमानमा बमको झूटो धम्की, बेलायतबाट उडेका जहाज पनि प्रभावित
- युक्रेनको मानवीय सहायता केन्द्रमा रुसी बमबारी: २६ जनाको मृत्यु, कीभद्वारा घोर भर्त्सना
- फ्रान्समा प्रदर्शनकारीद्वारा प्रहरीमाथि पेट्रोल बम प्रहार: अनुसन्धान सुरु
- ‘हामी नर्कबाट फर्कियौँ’: रुसी कब्जामा रहेको सहरबाट ज्यान जोगाएर फर्किएका युक्रेनी नागरिकको पीडा
- अमेरिकाद्वारा युक्रेनलाई ५०० प्याट्रियट क्षेप्यास्त्र बिक्री गर्न स्वीकृति
- नेतान्याहुमाथि चुनावी जनादेश अवमूल्यन गरेको आरोप, विपक्षी र अरब नेताहरू आक्रोशित
- स्पेनमा भयानक उच्च-गति रेल दुर्घटना: कम्तीमा ६८ जनाको मृत्यु, दर्जनौँ घाइते
