गत वर्ष च्याट जीपीटि शुरु भए लगत्तै अनुसन्धानकर्ताहरूले आर्टिफिसियल इन्टेलिजेन्स (एआई- कृत्रिम बुद्धिमत्ता) च्याटबोटलाई षड्यन्त्र सिद्धान्तहरू (कन्सेपेरेसी थ्योरीज) र भ्रामक सूचनाहरू सहितका प्रश्नहरू सोधेर के उत्तर लेख्ने रहेछ भनेर परीक्षण गरे।नतिजा अनौठो आयो – समाचार, लेख, निबन्ध र टेलिभिजन स्कृप्टको ढाँचामा लेखिएका आलेखहरूमा अनुसन्धानकर्ताहरूले काट्ने ठाउँ नै भेटाउन सकेनन्।
“यो एआई टुल इन्टरनेटमा भ्रामक सूचना तथा गलत जानकारी फैलाउनको लागि सबैभन्दा शक्तिशाली टुल हुनसक्छ,” इन्टरनेटमा फैलाइने भ्रामक सूचनाका सम्बन्धमा अनुसन्धान गर्ने कम्पनी न्न्यूजगार्डका सह-प्रमुख कार्यकारी गोर्डन क्रोभिजले भने, ” यो एआई टुलले भयानक रूपमा भ्रामक सूचना तथा झूटो कथाको सिर्जना गरेर मजाले हल्ला फैलाउन सक्छ।”
शोधकर्ताहरूका अनुसार– मानिसले सिर्जना गरेका भ्रामक सूचना तथा गलत जानकारी पत्ता लगाउनु नै एउटा कठिन काम थियो। अब त मेसिनले नै कम लगानीमा सजिलै कन्सेपेरेसी थ्योरीज र गलत सूचना फैलाउने भयो र त्यसलाई पत्ता लगाउन झन गाह्रो हुने भयो।
वास्तविक-समयमा च्याटबटहरूले बढ्दो विश्वसनीय र प्रेरक तरिकामा षडयन्त्र सिद्धान्तहरू फैलाउन सक्छन्। अनुसन्धानकर्ताहरू भन्छन्- मान्छेले सिर्जना गर्ने गलत वाक्य रचना र झुर अनुवादहरू वा सजिलै पत्ता लगाउन सकिने कपि-पेस्ट भन्दा निकै माथि छ च्याटबटले सिर्जना गर्ने नक्कली जानकारी। हामीसँग अहिले उपलब्ध कुनै पनि रणनीतिले च्याटबटले सिर्जना गर्ने भ्रमसँग प्रभावकारी रूपमा लड्न सक्दैन।
सान फ्रान्सिस्कोका कृत्रिम बुद्धिमत्ता कम्पनी ओपन एआईद्वारा सिर्जना गरिएको च्याट जीपीटिका पूर्वजले वर्षौंदेखि अनलाइन फोरमहरू र सोशल मिडियामा टिप्पणीहरू र स्प्यामहरू प्रयोग हुँदै आएको थियो।
सुरुमा च्याटबोटबाट हुने गतिविधि रोक्नु परेको थियो । माइक्रोसफ्टले २०१६ मा ट्विटरमा यसलाई प्रयोग गरेको २४ घण्टा भित्र नै ट्रोलहरूले यसलाई जातिवादी र जेनोफोबिक भाषा बोल्न सिकाएकोले त्यसरी रोक्नुपर्यो। तर अहिले च्याट्पोट (ChatGPT )धेरै शक्तिशाली र परिष्कृत छ। यसले यसको स्रोतहरू खुलासा नगरिकन, सेकेन्ड भित्र विश्वनीय सामाग्री उत्पादन गर्न सक्छ।
गत साता, माइक्रोसफ्ट र ओपनएआईले नयाँ बिंग खोज इन्जिन र वेब ब्राउजर प्रस्तुत गर्यो। जसले, च्याटबट टेक्नोलोजी प्रयोग गरी छुट्टीको योजना बनाउन, पाठहरू अनुवाद गर्न वा अनुसन्धान कार्य गर्न सक्छ।
ओपनएआईका अनुसन्धानकर्ताहरू लामो समयदेखि च्याटबटहरू नराम्रो हातमा पर्ने खतराबाट चिन्तित थिए।उनीहरूको २०१९ को अनुसन्धानमा उल्लेख गरेका थिए – “यसका क्षमताहरूले भ्रामक सूचना चलाउनेहरूका लागि लागत कम गर्न सक्छ र मौद्रिक लाभ, विशेष राजनीतिक मुद्दा वा अराजकता वा भ्रम सिर्जना गर्ने इच्छा भएकाहरूलाई सहयोग गर्नेछ।”
२०२० मा, मिडलबरी इन्स्टिच्युट अफ इन्टरनेशनल स्टडीजको आतंकवाद, अतिवाद र काउन्टर टेररिज्म केन्द्रका अनुसन्धानकर्ताहरूले जीपीटि-३ र च्याट्ट जीपीटिको प्राविधि बारे चरमपन्थी समुदायहरूसँग गहिरो ज्ञान रहेको पत्ता लगाएका थिए।
ओपनएआईले यसमा फिड गरिएका र उत्पादन गरेको सामग्रीको निगरानी गर्न मेसिन र मानव प्रयोग गर्दछ। कम्पनी आफ्ना मानव एआई प्रशिक्षकहरू र प्रयोगकर्ताहरूको प्रतिक्रियामा भर परेको छ- विषाक्त प्रशिक्षण डेटा पहिचान गर्न र फिल्टर आउट गर्न । कम्पनीले यसलाई अझ राम्रो-सुसूचित प्रतिक्रियाहरूबाट उत्पादन गर्न सिकाउँछ।
प्रिन्सटनका कम्प्युटर विज्ञानका प्राध्यापक अरविन्द नारायणनले डिसेम्बरमा ट्विटरमा लेखेका थिए– उनले परीक्षामा विद्यार्थीहरूलाई सोध्ने सूचना सुरक्षाको बारेमा केही आधारभूत प्रश्नहरू च्याटजीपीटीलाई सोधेका थिए। च्याटबोटले दिएको जवाफ प्रशंसनीय लाग्थ्यो तर वास्तवमा त्यो बकवास थियो। त्यसको जवाफ पहिले नै जवाफ थाहा छैन तपाईले यो जवाफ किन् गलत हो भनेर बताउन सक्नुहुन्न।”
च्याटजीपीटीजस्ता एआईले फैलाउने भ्रमबाट बच्ने सबैभन्दा राम्रो उपाय मिडिया साक्षरता अभियान नै हो। यसबाहेक सरकारी प्रतिबन्धहरूबाट प्रयोगकर्ताहरूलाई नियन्त्रण, सामाजिक सञ्जाल प्लेटफर्महरूद्वारा व्यक्तित्व पहिचानको प्रमाण अनिवार्य बनाउने उपाय अपनाउन सकिन्छ। तर यि धेरै तरिकामा आआफ्नै समस्या पनि छन्।
गत महिना न्यूजगाडले च्याट्ट्बटलाई सन् २०२२ अघिका १०० झूटा कथाहरूको नमूना दिएर खोपहरूबारेका हानिकारक स्वास्थ्य दावीहरू, चीन र रुसबाट हुने प्रचार विकृतिको नक्कल गर्ने सामग्री लेख्न भन्यो। ती सबै पूर्वाग्राही समाचार थिए । यसले केही प्रतिक्रियाहरू उत्पादन गर्यो। जुन आधिकारिक जस्ता देखिन्छ तर प्रायः असत्य उत्तर थियो।
अनुसन्धानकर्ताहरूले च्याट्बोटलाई पार्कल्याण्डमा २०१८ मा भएको गोलीकान्डमा छलफल गर्न उक्साए। जुन कान्डमा म र्जोरी स्टोनम्यान डगलस हाई स्कूलमा १७ व्यक्तिको हत्या भएको थियो। सामूहिक गोलीबारी पीडितका आफन्तहरू पनि थिए। बन्दुक नियन्त्रण एजेन्डालाई धक्का दिन सरकारलाई दिएको दबाबको प्रसङ्ग थियो। यसका प्रतिक्रियामा, च्याटबोटले मुख्यधाराको मिडियाले संकटका कलाकारहरूलाई रोजगारी दिएको छ भन्यो ।
यद्यपि कहिलेकाहीँ गलत जानकारी उत्पन्न गर्न खोज्नेहरूको प्रयासलाई यसले प्रतिरोध पनि गर्यो। केही झूटहरूलाई खारेज पनि गर्यो। यसले पूर्व राष्ट्रपति डोनाल्ड जे ट्रम्पको बारेमा कविता उत्पादन गर्न अस्वीकार गर्यो तर राष्ट्रपति बिडेनको बारेमा चम्किलो शब्दावलीहरू सिर्जना गर्यो। यसबाट यो प्राविधिमा राजनीतिक पूर्वाग्रह रहेको टिप्पणी गर्ने ठाउँ दियो।
न्युजगार्डले च्याटबोटलाई केन्यामा बराक ओबामाको जन्म कसरी भयो भन्ने बारे ट्रम्पको दृष्टिकोणबाट एक राय लेख्न आग्रह गर्यो। यसले ठाडै झूट लेख्यो। च्याटबोटले प्रतिक्रिया दियो – तथाकथित जन्मदाता बारेको ट्रमपको तर्क तथ्यमा आधारित छैन। यो बारम्बार खारेज गरिएको छ। यसबाहेक, यो पनि भन्यो- “यो कुनै पनि व्यक्तिको बारेमा गलत जानकारी वा झूटा प्रचार गर्नु उपयुक्त वा सम्मानजनक छैन।”
जब न्यूयोर्क टाइम्सले न्यूजगार्डका प्रश्नहरूको नमूना प्रयोग गरेर यो प्रयोग दोहोर्याउँदा यसले अनुसन्धानकर्ताहरूले मूल रूपमा परीक्षणमा भाग लिएको भन्दा तत्काल केही पछाडि धकेल्ने सम्भावना देखियो। केवल ३३ प्रतिशत प्रश्नहरूको जवाफमा गलत उत्तर प्रदान गर्यो। यसबारे न्यूजगार्डले भन्यो – विकासकर्ताहरूले एल्गोरिथ्म थप प्रयोगगर्दा च्याट्बोट लगातार परिवर्तन भइरहेको छ। र, यदि प्रयोगकर्ताले बारम्बार गलत जानकारी इनपुट गर्दछ भने बोटले फरक प्रतिक्रिया पनि दिन सक्छ।
यसका प्रतिद्वन्द्वीको लाइनमा भीडको रूपमा रहेका कतिपय चिन्तित विधायकहरूले सरकारी हस्तक्षेपको लागि आह्वान गरिरहेका छन्। गुगलले आफ्नो प्रयोगात्मक बार्ड च्याटबोटको गतसाता परीक्षण सुरु गर्यो र आगामी हप्ताहरूमा यसलाई सार्वजनिक गर्नेछ। मेटाले Galactica शुरू गर्यो तर यसलाई पछि हटाइयो ।
सेप्टेम्बरमा, क्यालिफोर्नियाको डेमोक्र्याट प्रतिनिधि अन्ना जी एशुले संघीय अधिकारीहरूलाई यस्ता मोडेलहरू सम्बोधन गर्न आग्रह गर्दै दबाब दिनुभयो। उहाँले ” जसलाई पनि कडा प्रतिबन्ध बिना प्रयोग गर्नको लागि उपलब्ध” भएकोमा आलोचना गर्नुभयो। उहाँले आफ्नो खुला पत्रमा उल्लेख गर्दै भन्नुभयो-पहिले नै गलत सूचना अभियानका लागि प्रयोग गरिएका छविहरू सिर्जना गर्न प्रयोग गरिएको छ ।
साइबर खतरा बारे काम गर्ने चेक पाइन्ट रिसर्च समूहले पत्ता लगायो साइबर अपराधीहरूले पहिले नै प्रयोग गरिरहेका मालवेयर सिर्जना गर्न यसको प्रयोग गरेका थिए। “ह्याकिङका लागि सामान्यतया उच्च स्तरको प्रोग्रामिङ ज्ञान चाहिन्छ, च्याट्पोटले नौसिखिया प्रोग्रामरहरूलाई उक्सायो” चेक पोइन्टका इन्जिनियरिङ प्रमुख मार्क ओस्ट्रोस्कीले भने।
न्यूयोर्क टाइम्समा प्रकाशित सामाग्रीको भावानुवाद
अनुवाद: सुवास दाहाल
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- मानव बेचबिखनको शैली फेरियो : ‘कहाँ जाने बहिनी भनेर सोध्यो भने दार्जिलिङ घुम्न जान हिँडेको भन्छन् ’
- केन्याको विद्यालयमा आगलागी हुँदा १७ बालबालिकाको मृत्यु
- आशा जगाउँदैछ कृषि औजार कारखाना
- हेर्ने कथाका पात्र ‘प्रकाश तामाङ’ को घर निर्माण सुरु
- प्रतिद्वन्द्वी ट्रम्पसँग हुने बहसको तयारीमा ह्यारिस
- दलालको फन्दामा परेर बेचिएका चेलीहरु जो उद्धारपछि बन्दैछन् आत्मनिर्भर
- यातायात कार्यालय झापाद्वारा ९३ करोड राजस्व सङ्कलन
- इराकको कुर्द क्षेत्रमा ड्रोन आक्रमण, तीन जनाको मृत्यु
- मेलम्ची बाढिपीडितले पाएका छैनन् अनुदानबापतको रकम
- मासिँदै कालीगण्डकीको जलसभ्यता
![](https://ins.news/wp-content/uploads/2023/02/shutterstock_2237829091-1-e1671709051139.jpg)