नेपाल पत्रकार महासङ्घ रासस प्रतिष्ठान शाखाले यस वर्षको रासस पत्रकारिता पुरस्कार अङ्ग्रेजी सम्पादन शाखाका वरिष्ठ सम्पादक कृष्णप्रसाद सापकोटा र रासस धनगढी कार्यालय प्रमुख सिद्धराज भट्टलाई प्रदान गर्ने भएको छ ।
डेढ दशकभन्दा बढी समयदेखि अङ्ग्रेजी सम्पादनमा रही राससको उन्नयनमा उल्लेखनीय योगदान गरेवापत वरिष्ठ सम्पादक सापकोटालाई तथा मोफसलमा रही करिब तीन दशकदेखि समाचारका माध्यमद्वारा राससको उन्नयनमा समर्पित भएवापत प्रमुख भट्टलाई शाखाले उक्त पुरस्कार संयुक्तरूपमा प्रदान गर्ने निर्णय भएको हो । उक्त पुरस्कारको राशि जनही रु १० हजार र सम्मानपत्र रहेको छ ।
शाखाले अघिल्लो वर्ष अर्थात विसं २०७८ मा उक्त पुरस्कार अन्तर्राष्ट्रिय शाखाका प्रमुख एवं प्रमुख कार्यकारी सम्पादक शरच्चन्द्र भण्डारी र रासस हेटौँडा कार्यालयका प्रमुख एवं वरिष्ठ समाचारदाता सुरेशकुमार झालाई प्रदान गर्ने घोषणा गरेको थियो ।
कोभिड–१९ का कारण त्यस वर्ष राष्ट्रिय समाचार समिति (रासस) को वार्षिकोत्सव कार्यक्रम नभएकाले उक्त पुरस्कार यही फागुन ७ गते आयोजना हुने राससको वार्षिकोत्सव समारोहमा प्रदान गरिनेछ ।
शाखाले यस वर्षको उमाकान्त–गीतादेवी–चन्द्रमणि स्मृति पुरस्कार धनुषाका स्थानीय समाचारदाता अजयकुमार साहलाई प्रदान गर्ने निर्णय गरेको छ । रु पाँच हजार राशिको उक्त पुरस्कार अघिल्लो वर्ष मनाङका स्थानीय समाचारदाता नवीन लामिछानेलाई दिने निर्णय भएको थियो ।
राससको वार्षिकोत्सवका अवसरमा प्रत्येक वर्ष गरिँदैआएको पूर्वकर्मचारी सम्मान यस वर्ष राससका पूर्वकार्यकारी सम्पादक कृष्णप्रसाद सिग्द्याल र पूर्वसम्पादक कृष्णकुमार बुढाथोकीलाई प्रदान गरिने भएको छ । शाखाका अध्यक्ष पवित्रा गुरागाईंको अध्यक्षतामा बसेको पुरस्कार छनौट समितिले उक्त निर्णय गरेको हो ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- इजरायली हिरासतमा हमासका नेता मुस्तफा मोहम्मद अबू आराको मृत्यु
- काँकडभिट्टा नाकाबाटै एक वर्षमा चार अर्बको तरकारी आयात
- काम सुरु भएको १८ वर्षमा महाकाली आयोजनाको काम २२ प्रतिशत !
- चीनमा नेपाली युवतीको तस्करी, विवाह र बिलासी जीवनको आसमा नर्कको बास
- गुणस्तरहीन खाद्य बिक्री गर्ने ३८ उद्योगविरुद्ध मुद्दा
- आर्थिक वर्ष २०८०/८१ को अन्त्यसम्म सरकारी ऋण २४ खर्ब ३३ अर्ब
- यस्तो छ आजको मौसम
- ट्रम्प गोलीकाण्ड: अमेरिकी सिक्रेट सर्भिसका निर्देशकद्वारा राजीनामा
- एसीसी महिला एसिया कप: समूह चरणबाटै बाहिरियो नेपाल
- बंगलादेशबाट फर्किए १३ सय नेपाली विद्यार्थी
![](https://ins.news/wp-content/uploads/2023/02/कृष्ण-सापकोटा.png)