खेलकुद/मनोरञ्जन

नेपाल प्रिमियर लिग (एनपीएल) मा आज एक खेल मात्रै हुँदैछ। साँझ ५ बजे त्रिवि मैदानमा हुने खेलमा काठमान्डु गोर्खाजले अंक तालिकाको शीर्ष स्थानमा रहेको लुम्बिनी लायन्सको सामना गर्दैछ।

लुम्बिनी ७ अंकका साथ शीर्ष स्थानमा छ भने काठमान्डु ४ अंकका साथ चौथो स्थानमा रहेको छ।

लुम्बिनी अपराजित छ। ४ खेलमा ३ मा विजयी भएको छ भने एक खेल रद्द हुँदा अंक बाँडेको छ। काठमान्डुले ३ खेलमा २ खेल जितेको छ भने एक खेलमा पराजित भएको छ।

जारी नेपाल प्रिमियर लिग (एनपीएल) को तेस्रो संस्करण अन्तर्गत बिहीबार सम्पन्न खेलहरूमा लुम्बिनी लायन्स र काठमाडौँ गोर्खाजले सानदार विजय हासिल गरेका छन्। त्रिवि क्रिकेट मैदान, कीर्तिपुरमा भएको पहिलो खेलमा लुम्बिनीले जनकपुर बोल्ट्सलाई पराजित गर्‍यो भने दोस्रो खेलमा काठमाडौँ गोर्खाजले विराटनगर किङ्ग्सविरुद्ध फराकिलो जित निकाल्यो।

लुम्बिनी लायन्सको लगातार उत्कृष्ट प्रदर्शन

दिनको पहिलो खेलमा लुम्बिनी लायन्सले जनकपुर बोल्ट्सलाई १६ रनले पराजित गर्‍यो। टस हारेर पहिले ब्याटिङ गरेको लुम्बिनीले निर्धारित २० ओभरमा ८ विकेट गुमाएर १४९ रनको प्रतिस्पर्धी योगफल तयार पारेको थियो।

लुम्बिनीका लागि कप्तान रोहित कुमार पौडेलले सर्वाधिक ३४ रन बनाए। उनले ३० बल खेल्दै ३ चौका र १ छक्का प्रहार गरे। …

 नेपाल प्रिमियर लिग (एनपीएल) अन्तर्गत आज दुई खेल हुँदैछन्। कीर्तिपुरस्थित त्रिवि अन्तर्राष्ट्रिय क्रिकेट मैदानमा पहिलो खेल विराटनगर किंग्स र जनकपुर बोल्ट्स तथा दोस्रो खेल लुम्बिनी लायन्स र पोखरा एभेन्जर्सबीच हुनेछ।

आज दिउँसो साढे १२ बजे हुने पहिलो खेलमा विराटनगर र जनकपुर आमने-सामने हुनेछन्। अहिलेसम्म तीन खेल खेलेको विराटनगरले एकमा जित र दुई खेलमा हार बेहोरेको छ।

चितवन र कर्णालीसँग हार बेहोरेको विराटनगरले सुदूरपश्चिमसँग भने जित निकालेको थियो। जनकपुरले तीन खेलमा दुईमा जित र एकमा हार बेहोरेको छ। जनकपुर पहिलो खेलमा कर्णाली याक्ससँग पराजित भएको थियो भने काठमाडौं र पोखराविरुद्ध जित निकालेको थियो।

यसैगरी आज दिउँसो साढे ४ बजे हुने दोस्रो …

नेपाल प्रिमियर लिग (एनपीएल) मा जनकपुर बोल्ट्सले आफ्नो विजयी यात्रालाई निरन्तरता दिँदै लगातार दोस्रो जित हात पारेको छ। कीर्तिपुरस्थित त्रिवि अन्तर्राष्ट्रिय क्रिकेट मैदानमा आइतबार भएको निकै रोमाञ्चक र प्रतिस्पर्धात्मक खेलमा जनकपुर बोल्ट्सले पोखरा एभेन्जर्सलाई ९ रनले पराजित गरेको छ।

टस हारेर पहिले ब्याटिङको निम्तो पाएको जनकपुर बोल्ट्सले निर्धारित २० ओभरमा ७ विकेट गुमाएर १४७ रनको योगफल तयार पारेको थियो। जनकपुरका लागि ओपनर त्रितराज दासले उत्कृष्ट ब्याटिङ गर्दै सर्वाधिक ६१ रनको योगदान दिए। ५५ बलको सामना गरेका उनले ७ चौका र २ छक्का प्रहार गरेका थिए।

त्यस्तै, मोइन अलीले १६ बलमा ३ चौका र १ छक्कासहित २१ रन बनाए भने इनिङ्सको …

नेपाल प्रिमियर लिग (एनपीएल) अन्तर्गत आज सोमबार दुई खेलहरू हुँदैछन्।

कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने पहिलो खेलमा काठमाडौं गोर्खाज र कर्णाली याक्स तथा दोस्रो खेलमा सुदूरपश्चिम रोयल्स र चितवन राइनोजबीच प्रतिस्पर्धा हुनेछ। पहिलो खेल दिउँसो साढे १२ र दोस्रो खेल साँझ ५ बजे हुनेछ।

प्रतियोगितामा काठमाडौं आफ्नो पहिलो जितको खोजीमा रहने छ। पहिलो खेलमा काठमाडौं जनकपुर बोल्ट्ससँग पराजित भएको थियो। अर्कोतर्फ, कर्णाली याक्स तेस्रो जितको खोजीमा हुनेछ। यसअघिका दुवै खेल कर्णालीले जितेको थियो। कर्णालीले जनकपुर बोल्ट्स र विराटनगर किंग्सलाई हराएको थियो।

नेपाल प्रिमियर लिग अन्तर्गत हिजो शनिबार किर्तिपुरस्थित त्रिभुवन विश्वविद्यालयको अन्तर्राष्ट्रिय क्रिकेट मैदानमा तय भएका खेलहरू वर्षा र भिजेको आउटफिल्डका कारण प्रभावित बनेका छन्। पहिलो खेल निरन्तरको वर्षाका कारण रद्द भयो भने दोस्रो खेल ओभर घटाएर ५ ओभरमा सीमित गरिएको थियो।

पहिलो खेल रद्द

शनिबार दिउँसो १२:३० बजे लुम्बिनी लायन्स र चितवन राइनाेसबिच तय भएको पहिलो खेल रद्द गरिएको हो। विगत तीन दिनदेखि परेको निरन्तरको वर्षाका कारण त्रिवि क्रिकेट मैदानको आउट फिल्ड पूर्ण रूपमा पानीले जलमग्न बनेको थियो। खेल मैदान खेलका लागि अनुपयुक्त र खेलाडीको सुरक्षाका हिसाबले जोखिमपूर्ण रहेकाले टस समेत हुन नसकी खेल रद्द गर्ने निर्णय गरिएको आयोजकले जनाएको छ। …