स्वतन्त्र समाचार सेवा / INS केही महिनाअघि चिनियाँ विदेशीमन्त्री ली कियाङ गायब हुनुभएको खबर आयो। नभन्दै चीन सरकारले उहाँको स्थानमा वाङ यीलाई विदेशमन्त्री नियुक्त गरेपछि यो पुष्टि पनि भयो।
अहिले फेरि त्यस्तै समाचार आइरहेका छन्। विदेशमन्त्री पनि रक्षामन्त्री ली साङ्फू सार्वजनिक रुपमा केही हप्तादेखि नदेखिएको विभिन्न सञ्चारमाध्यमले लेखेका छन्।
जापानका लागि अमेरिकी राजदूत रेहम इमानुएलले चीनमा बढ्दो राजनीतिक उलटपुलटलाई लिएर सामाजिक सञ्चार एक्समा पोस्ट गर्नुभएको छ। उहाँले लेख्नुभएको छ, ‘पछिल्लो दुई हप्तायता चिनियाँ रक्षामन्त्री देखिनुभएको छैन। यसअघि चिनियाँ सेनाका रकेट फोर्सका जनरल गायब हुनुभएको थियो।’
समाचारअनुसार रक्षामन्त्री साङ्फू २९ अगस्ट २०२३ पछि कुनै पनि सार्वजनिकस्थलमा देखिनुभएको छैन। उहाँमाथि २०१७ मा भएको भ्रष्टाचारसम्बन्धी छानबिन चलिरहेको थियो। अन्तिमपटक उहाँले चीन–अफ्रिका शान्ति तथा सुरक्षा मञ्चलाई सम्बोधन गर्नुभएको थियो। यसअघि साङ्फू सुरक्षा मञ्च (सेक्योरिटी फोरम) मा सहभागी हुन रुस जानुभएको थियो। त्यतिबेला सांफूले चीनलाई घेरा हाल्न ताइवानलाई प्रयोग गरेको भन्दै अमेरिकाको आलोचना गर्नुभएको थियो। ताइवानलाई प्रयोग गरी अमेरिका आगोसँग खेलिरहेको उहाँको टिप्पणी थियो।
सेनामा एकता राख्न राष्ट्रपति सीको निर्देशन
रक्षामन्त्री गायब भएकै बेला चिनियाँ राष्ट्रपति सी जिनपिङले देशको सेनामा एकता र स्थिरता कायम राख्न निर्देशन दिनुभएको छ। त्यस्तै, युद्धका लागि पनि सेनालाई तयारी अवस्थामा बस्न सीको निर्देशन छ।
रक्षामन्त्री साङ्फू सैन्य परिवारको व्यक्ति हुनुहुन्छ। सन् १९३० र १९४० का बेला जापानविरुद्ध लडाइँ लडेका साङ्फूका पिता ली साओजू रेड आर्मी अधिकृत हुनुहुन्थ्यो। उहाँलाई गृहयुद्ध र त्यसपछि भएको कोरियाली युद्धमा लजिस्टिक रेलवे पुनर्निर्माणमा महत्वपूर्ण भूमिका निभाउने व्यक्तिका रुपमा चिनिन्छ। पछि १९५०–७० को दशकमा तिब्बत र युन्नान सीमावर्ती क्षेत्रमा पिपल्स लिबरेसन आर्मीको रणनीतिक रेलवे बलको इन्जार्च बनाइएको थियो।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- विश्वमा हरेक १० मिनेटमा एक महिलाको मृत्यु हुन्छ : संयुक्त राष्ट्रसङ्घ
- सगरमाथा क्षेत्र छोड्ने विदेशी पर्यटकको सङ्ख्या बढे
- ‘टार’ शब्द परेपछि…
- युद्धका कारण लेबनानबाट चार लाख सिरियाली शरणार्थी स्वदेश फर्किए
- कोप–२९ जलवायु वित्त बढाउन सहमति, कार्बन उत्सर्जन कटौतीको भाका सारियो
- भारतबाट आउने तरकारीकै कारण नेपाली किसान पीडित
- चिकित्सकले मृत घोषणा गरेका एक भारतीय चिताबाट ब्यूँझिएपछि…
- बीस वर्षदेखि सुकुम्बासीको प्रश्न : जग्गा कहिले पाइन्छ ?
- बगेर खेर गइरहेछ भोटको नुन
- गाउँकै अगुवा किसान, गाउँले एफएम दाइ
