स्वतन्त्र समाचार सेवा / INS एक ऐतिहासिक घटनाक्रममा, अमेरिकी प्रतिनिधि सभाले मङ्गलवार केभिन म्याकार्थीलाई सभाको सभामुखको पदबाट हटाएको छ। यसका लागि भएको मतदानमा म्याकार्थीको विपक्षमा २१६ र पक्षमा २१० मत परेपछि उहाँ सभामुखबाट पदमुक्त हुनुभयो ।
पूर्व राष्ट्रपति डोनाल्ड ट्रम्पका ६ जना कट्टर समर्थक सांसदहरूले म्याकार्थीको पक्षमा भोट नदिएपछि उहाँ अल्पमतमा पर्नुभएको हो। अमेरिकामा सदनका सभामुखको पद खोसिएको यो पहिलो घटना हो।
यस घटनाक्रमले रिपब्लिकनमा दुई चिरा भएको प्रस्ट देखिन्छ। त्यसभित्र अझै केभिन म्याकार्थीसँग ठुलो सङ्ख्यामा सांसद छन् भने ट्रम्पसँग थोरै छन्। यस अवस्थामा दुवैले सदनमा बहुमत जुटाउन सक्दैनन्।
रिपब्लिकन प्रतिनिधि म्याट गेट्जद्वारा आफ्नै दलका म्याकार्थीलाई सभामुखबाट प्रतिस्थापन गर्न “हटाउने प्रस्ताव” पेस गर्नुभएको हो। यो प्रस्ताव सदनको साधारण बहुमतले पारित भयो र म्याकार्थीलाई उहाँको पदबाट हटाइयो।
अहिले संसदमा नयाँ सभामुख छैनन् । सदन अहिले अस्पष्ट अवस्थामा छ, र सभाको नयाँ सभामुख कसले लिने भन्ने स्पष्ट छैन। यति बेला अन्तरिम सभामुखमा उत्तर क्यारोलाइना प्रतिनिधि प्याट्रिक म्याकहेनरीलाई चुनिनुभएको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- गौशाला धर्मशालामा मारवाडी सेवा समितिको मोहियानी हक लाग्दैन : अदालत
- पाकिस्तानमा विषाक्त धुवाँका कारण एकै दिनमा १५ हजारभन्दा बढी सङ्क्रमित
- राष्ट्रपति पौडेल र अजरबैजानका राष्ट्रपतिबीच भेटवार्ता
- कोप–२९ मा नेपालको जलवायुजन्य हानिनोक्सानीबारे चर्चा
- महिलाका लागि आम्दानीको आधार बन्दै घोँगी व्यापार
- पर्यटकीय गन्तव्य बन्दै सरुवाडाँडाको झोलुङ्गे पुल
- कोप२९ मा नेताहरूको मतभेदबीच उत्सर्जनलाई लिएर कडा चेतावनी
- वार्ताका लागि राष्ट्रसङ्घका आणविक प्रमुख इरान प्रस्थान
- दाङबाङ गाउँ
- सडक पुनर्निर्माण नहुँदा च्याङथापूवासी प्रभावित
