स्वतन्त्र समाचार सेवा / INS इजरायल–हमास युद्ध सुरुको भएको मंगलबार ११ दिन भइसकेको छ। हमास सैन्य प्रवक्ता अबु ओबेदाले आफ्नो नियन्त्रणमा करिब २५० जना रहेको बताउनुभएको छ। यीमध्ये पनि विदेशी नागरिक आफ्ना पाहुना भएको र स्थितिमा सुधार आए उनीहरुलाई छाड्ने उहाँको भनाइ छ।
ओबेदाले गाजामाथि इजरायलको थल कारबाहीले नडर्ने पनि बताउनुभएको छ।
यता इजरायलको सुरक्षा फोर्सले भने लेबनानमा हिजबुल्लाहको अड्डामा आक्रमण गरेको बताएको छ। सोमबार मात्रै इजरायली संसद्मा विशेष सेसन पनि भएको थियो। उक्त सेसनमा प्रधानमन्त्री बेन्जामिन नेतन्याहूले हमाससँगसँगै हिजबुल्ला र इरानलाई पनि चेतावनी दिनुभएको छ।
नेतन्याहूले हमासँगको युद्ध अँध्यारो र उज्यालोबीच (झम्के साँझ) को युद्धझैं भएको बताउनुभएको छ। ‘हामी दुस्मनलाई यति मात्रै भन्छौँ, इजरायलमाथि कब्जा गर्ने गल्ती नगर। नत्र यसको परिणाम निकै खराब हुनेछ,’ उहाँको भनाइ थियो।
इजरायल–हमास युद्धबीच रुसी राष्ट्रपति भ्लादिमिर पुटिनले इजरायली प्रधानमन्त्री नेतन्याहूसँग भेटवार्ता गर्नुभएको छ। भेटवार्तामा युद्ध अगाडि बढ्न नदिन रुसले आवश्यक कदम उठाउने छलफल भएको अन्तर्राष्ट्रिय सञ्चारमाध्यमले बताएका छन्।
बाइडेनको यात्राले ठूलो हमलामा ढिलाइ
इजरायली सेना थल कारबाहीको तयारीमा छ। उसले सरकारको हरिया झन्डा पर्खिएको छ। यता मंगलबार बिहान अमेरिकी विदेशमन्त्री एन्टोनी ब्लिंकनले १८ अक्टोबरमा राष्ट्रपति जो बाइडेन इजरायल जाने घोषणा गर्नुभएको छ।
न्युयोर्क टाइम्सका अनुसार बाइडेनको यात्राका कारण इजरायलले थल हमला गर्न ढिलाइ हुन सक्छ। ७ अक्टोबरपछि इजरायलले गाजामाथि निरन्तर बमबारुद बर्साएर जवाफी कारबाही गरिरहेको छ। साथै, यो कारबाहीलाई थप अगाडि बढाउँदै गाजा क्षेत्रमा प्रवेश गर्ने निर्णय पनि इजरायलले गरेको छ। यसको उद्देश्य हमासका कमान्डरलाई सिध्याउनु रहेको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- ‘टार’ शब्द परेपछि…
- युद्धका कारण लेबनानबाट चार लाख सिरियाली शरणार्थी स्वदेश फर्किए
- कोप–२९ जलवायु वित्त बढाउन सहमति, कार्बन उत्सर्जन कटौतीको भाका सारियो
- भारतबाट आउने तरकारीकै कारण नेपाली किसान पीडित
- चिकित्सकले मृत घोषणा गरेका एक भारतीय चिताबाट ब्यूँझिएपछि…
- बीस वर्षदेखि सुकुम्बासीको प्रश्न : जग्गा कहिले पाइन्छ ?
- बगेर खेर गइरहेछ भोटको नुन
- गाउँकै अगुवा किसान, गाउँले एफएम दाइ
- नेतन्याहू, ग्यालेन्ट र देइफविरुद्धको आइसिसीको पक्राउ पुर्जी ‘बाध्यकारी’: इयू
- बुढाहाङ सेवामा वढाङमी नाचको रन्को
