चीनको गान्सु प्रान्तमा मङ्गलबार बिहानै गएको भूकम्पमा परी मृत्यु हुनेको संख्या ११६ पुगेको छ । नेपाली समय अनुसार आज बिहान २ बजे उत्तरपश्चिम चीनको गान्सु प्रान्तको जिशिशान काउन्टीमा ६.२ म्याग्निच्युडको शक्तिशाली भूकम्प गएको हो ।
अमेरिकी भौगर्भिक सर्वेक्षणका अनुसार भूकम्पको केन्द्रविन्दु लिनक्सिया चेङगुआन्जेन, गान्सुबाट ३७ किलोमिटर र लान्झाउ, गान्सुबाट करिब १०० किलोमिटर टाढा रहेको थियो । भूकम्पको गहिराइ १० किलोमिटर रहेको बताइएको छ ।
भूकम्पबाट गान्सुमा १०५ र छिमेकी छिङहाइ प्रान्तमा ११ जनाको ज्यान गएको अन्तराष्ट्रिय सञ्चार माध्यमले जनाएको छ । भूकम्पले घर, सडक र अन्य पूर्वाधारमा क्षति पुर्याएको छ । जिल्लाका कैयौं गाउँमा विद्युत् अवरुद्ध र खानेपानी अवरुद्ध भएको छ ।
भूकम्प प्रभावित क्षेत्रमा एक हजार ४४० अग्निनियन्त्रक, सशस्त्र प्रहरी र सयौं चिकित्सकहरूको कार्य टोली र हजारौं उद्धारकर्ताहरू पठाएको छ उक्त्त सञ्चारमाध्यमले जनाएको छ ।
काउन्टीको दैनिक न्यूनतम तापक्रम माइनस १० डिग्री सेल्सियस पुग्ने क्षेत्रमा हजारौं कपासको पाल र विपद्अ न्य राहत सामग्री पठाइएको स्थानीय मौसमविद्ले जानकारी दिएको उल्लेख गरिएको छ । भूकम्पपछि स्थानीय विद्युत प्रणालीका सामाग्री बिग्रिएपछि ३४ हजार ७० उपभोक्ता प्रभावित भएका छन् । चार घण्टाको मर्मत सम्भारपछि मंगलबार बिहान १२ हजार ९ सय ९१ प्रयोगकर्तालाई विद्युत् पुर्याइएको पनि सञ्चारमाध्यमले जनाएको छ ।
भूकम्प प्रभावित क्षेत्रमा उद्धारका सवारी साधनहरूको नि:शुल्क र द्रुत मार्ग सुनिश्चित गर्न आपतकालीन उद्धार च्यानलहरू खोलिएको छ। राष्ट्रिय राजमार्गमा समस्या देखिएको र अहिले उद्धार तथा साना सवारी साधनहरु सामान्य रुपमा गुडिरहेको त्याँहाको यातायात मन्त्रालयले जनाएको छ । तर, ठूला सवारी साधनलाई भने निषेध गरिएको समाचारमा उल्लेख छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- बाढीपहिरो क्षतिः काभ्रेका छजना अझै बेपत्ता, ७८ को मृत्यु
- नेपालको मिडिया परिदृश्य ‘कठिन समय’ को सामना गर्दै
- नाइजेरियामा इन्धन ट्याङ्कर विस्फोटमा १४० भन्दा बढीको मृत्यु
- माटोका भाँडा बेचेर मासिक ८० हजारसम्म कमाउँछन् पण्डित
- सहकारीमार्फत दूधको बजारीकरण भएपछि किसान उत्साहित
- कोशी प्रदेशमा ३४ करोड मूल्य बराबरको अन्नबालीमा क्षति
- जो सिलौटो बेचेर मासिक ४० हजार कमाउँछन्…
- गलकोट दरबार
- उत्तरगया धाम
- युद्ध सुरु भएयता गाजामा सहायताको ‘सबैभन्दा खराब प्रतिबन्ध’ को राष्ट्रसङ्घद्वारा निन्दा