स्वतन्त्र समाचार सेवा / INS कोलकाता नाइट राइडर्स भारतमा जारी १७ औं संस्करणको इन्डियन प्रिमियर लिग (आईपीएल) क्रिकेटको प्ले अफमा पुग्ने पहिलो टोली बनेको छ ।
यो सिजन उत्कृष्ट लयमा रहेको कोलकाताले शनिबार राति वर्षाले प्रभावित खेलमा मुम्बई इन्डियन्सलाई १८ रनले पराजित गर्दै प्लेअफमा पुगेको हो । इडेन गार्डेनमा भएको खेलमा कोलकाताले मुम्बई इन्डियन्सविरुद्ध जीत निकाल्दै प्ले अफको स्थान सुरक्षित गरेको हो ।
कोलकाताले १२ खेल खेल्दा ९ खेलमा जितका साथ १८ अंक बनाएको छ । दोस्रो स्थानमा रहेको राजस्थान रोयल्सको ११ खेलबाट १६ अंक रहेको छ । पराजित भएको मुम्बई भने पहिला नै प्लेअफ होडबाट बाहिर थियो । शनिबार कोलकातामा वर्षाका कारण यो खेल १६–१६ ओभरको खेलाइएको थियो ।
वर्षाका कारण ढिलो सुरुवात भएर १६ ओभरमा घटाइएको खेलमा टस हारेर पहिले ब्याटिङ गरेको कोलकाताले निर्धारित १६ ओभरमा ७ विकेटको क्षतिमा १५७ रन बनाएको थियो । पहिला ब्याटिङ गर्दा कोलकाताको सुरुआत राम्रो भएन ।
ओपनर फिल साल्ट पहिलो ओभरको अन्तिम बलमा व्यक्तिगत ६ रन बनाएर आउट भएका थिए । त्यसपछि दोस्रो ओभरको पहिलो बलमै सुनिल नारायण जसप्रित बुमराहको बलमा बोल्ड भए । दुवै ओपनर आउट भएपछि बेंकटेश अय्यर र कप्तान श्रेयस अय्यरले पारि सम्हाल्न खोजेका थिए तर, पाँचौँ ओभरको पहिलो बलमै श्रेयस अयर रन बनाएर आउट हुँदा कोलकाताले ४० रनको स्कोरमा तेस्रो विकेट गुमाएको थियो ।
त्यसपछि बेंकटेश र नितिश राणाले पारि अघि बढाए । ७७ रनको स्कोरमा बेंकटेश २१ बलमा ४२ रनको पारि खेल्दै विदा भए । नितिशले आन्द्रे रसेलसँग मिलेर टिमको स्कोर ११५ प्लस बनाए । ११६ रनको स्कोरमा नितिश रानाले २३ बलमा ३३ रनको पारि खेलेर विदा भएका थिए । आन्द्रे रसेल छैटौं विकेटको रुपमा टिमको स्कोर १२५ हुँदा आउट भएका थिए । रसेलले १४ बलमा २४ रन जोडे ।
रिंकु सिंहले १२ बलमा २० रन जोडेर आउट हुँदा कोलकाताको स्कोर ७–१४८ थियो । रमनदीप सिंहले ८ बलमा १७ रन बनाएर नटआउट पारि खेल्दा मिचेल स्टार्कले २ बलमा २ रन बनाए ।
यस्तै नितिश राणाले ३३ रन बनाउँदा आन्द्रे रसेलले २४ तथा रिन्कु सिंहले २० रन जोडे । मुम्बईका लागि जसप्रित बुमराह र पियुष चावलाले सर्वाधिक २–२ विकेट लिए ।
जवाफमा मुम्बईले १६ ओभरमा ८ विकेटको क्षतिमा १३९ रन मात्र बनाउन सक्यो । मुम्बईका ओपनर इशन किशनले २२ बलमा सर्वाधिक ४० रन बनाए भने तिलक वर्माले ३२ रन जोडे । यस्तै पूर्वकप्तान रोहित शर्माले १९ तथा नमन धीरले १७ रन बनाए ।
आईपीएलमा आज २ खेल हुँदैछन् । दिउँसो ३ः४५ बजे शुरू हुने खेलमा चेन्नाई सुपर किंग्स र राजस्थान रोयल भिड्नेछन् । यस्तै बेलुका ७ः४५ बजे रोयल च्यालेन्जर्स बेंगलोर र दिल्ली क्यापिटल्स आमनेसामने हुनेछन् ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- बाढीपहिरोबाट सार्वजनिक यातायातमा ७३ करोडको क्षति
- ‘रातोमाटोले घर पोतेपछि बल्ल दसैँ आए जस्तो लाग्छ’
- दसैँमा गाउँ नै रमाइलो….
- उत्तर कोरियाले बन्द गर्यो दक्षिण कोरियासँग जोडिएका सडक र रेलमार्ग
- मुस्ताङ यात्रा सकेपछि पुग्नैपर्ने ठाउँ तातोपानी
- डेङ्गुले लियो सात जनाको ज्यान
- आफ्नो पूर्वाधारमा आक्रमण नगर्न इजरायललाई इरानको चेतावनी
- जोरपाटीमा पुण्य गौतममाथि रड प्रहार, आइसीयुमा उपचार हुदैँ (भिडियोसहित)
- महान्यायाधिवक्ता कार्यालयले क्रिकेटर लामिछानेविरुद्धको मुद्दामा पुनरावेदन नगर्ने
- आउँदो तीन महिनाको हावापानी आकलन : पाँच प्रदेशमा सरदरभन्दा बढी वर्षा हुने
