रोयल च्यालेनजर्स बेंगलूरु (आरसीबी) इंडियन प्रिमियर लिग (आईपीएल)बाट बाहिरिएको छ । पहिलो इलिमिनेटर खेलमा गएराति राजस्थान रोयल्ससँग पराजित हुँदै आरसीबी आईपीएलको उपाधि रेसबाट बाहिरिएको हो । आरसीबी राजस्थानसँग ४ विकेटले पराजित भएको हो ।
लिग चरणमा दोस्रो हुँदै प्लेअफमा पुगेको हैदराबाद कोलकातासँग पराजित भएको थियो । विजयी भएको कोलकाता भने फाइनल पुगिसकेको छ ।इलिमिनेटर खेलमा बेंगलुरले दिएको १७३ रनको लक्ष्य राजस्थानले ६ विकेटको क्षतिमा १९ ओभरमै भेटाएको हो ।
योसँगै आरसीबी प्लेअफमा सबैभन्दा धेरै खेल हार्ने टोली बनेको छ । टोलीले कुल १६ प्लेअफ खेल खेलेको छ जसमा १० खेलमा हार बेहोरेको छ । यसमा ३ वटा फाइनल पनि समावेश छन् ।
राजस्थानका लागि ययश्वी जैसवालले ४५ सर्वाधिक ४५ रन बनाए। उनले ३० बलमा ८ चौका प्रहार गरे। त्यस्तै रियान परागले २६ बलमा २ चौका र २ छक्का प्रहार गरी ३६ रन जोडे। रोभमन पवेलले ८ बलमा २ चौका र १ छक्का प्रहार गरी १६ रन जोडेर नट आउट रहे।
त्यसअघि शिम्रोन हेटमायरले १४ बलमा ३ चौका र १ छक्का प्रहार गर्दै २६ रन बनाएका थिए। ओपनर टम कोलर क्याडमोरले २०, कप्तान सञ्जु सामसनले १७ र ध्रुव जुरेलले ८ रनको योगदान गरे।
बेंगलुरका मोहम्मद सिराजले २, लोकि फर्गुसन, कर्न शर्मा र क्यामरन ग्रीनले समान एक/एक विकेट दिलाए ।
पहिले ब्याटिङ गरेको बेंगलुरले ८ विकेट गुमाएर १७२ रन बनाएको थियो । रजत पतिदरले ३४, विराट कोहलीले ३३, महिपाल लोम्रोरले ३२ र क्यामरन ग्रीनले २७ रन जोडेका थिए ।
राजस्थानका आवेश खानले ३, रवीचन्द्रण आश्विनले २, ट्रेन्ट बोल्ट, सन्दीप शर्मा र युजभेन्द्र चहलले एक/एक विकेट लिए ।
राजस्थान रोयल्स र हैदराबादको दोस्रो क्वालिफायर खेल शुक्रबार हुनेछ । यो खेल जित्ने टोलीले आइतबार कोलकातासँग फाइनल खेल्नेछ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- मानव बेचबिखनको शैली फेरियो : ‘कहाँ जाने बहिनी भनेर सोध्यो भने दार्जिलिङ घुम्न जान हिँडेको भन्छन् ’
- केन्याको विद्यालयमा आगलागी हुँदा १७ बालबालिकाको मृत्यु
- आशा जगाउँदैछ कृषि औजार कारखाना
- हेर्ने कथाका पात्र ‘प्रकाश तामाङ’ को घर निर्माण सुरु
- प्रतिद्वन्द्वी ट्रम्पसँग हुने बहसको तयारीमा ह्यारिस
- दलालको फन्दामा परेर बेचिएका चेलीहरु जो उद्धारपछि बन्दैछन् आत्मनिर्भर
- यातायात कार्यालय झापाद्वारा ९३ करोड राजस्व सङ्कलन
- इराकको कुर्द क्षेत्रमा ड्रोन आक्रमण, तीन जनाको मृत्यु
- मेलम्ची बाढिपीडितले पाएका छैनन् अनुदानबापतको रकम
- मासिँदै कालीगण्डकीको जलसभ्यता
![](https://ins.news/wp-content/uploads/2024/05/RR-vs-RCB.jpg)