स्वतन्त्र समाचार सेवा / INS अमेरिकाको न्यू अर्लिन्समा नयाँ वर्षको बिहानै भएको पिकअप ट्रक आक्रमणमा परी मृत्यु हुनेको संख्या १५ पुगेको छ । घाइते हुनेको संख्या अझै पनि ३५ बढी रहेको अधिकारीहरुको हवाला दिँदै बेलायती समाचार संस्था बीबीसीले जनाएको छ ।
मानव भीडमा जानाजान पिकअप चलाएर नरसंहार मच्चाउने संदिग्धको भने पहिचान खुलेको छ । नरसंहार मच्चाउने टेक्सासका ४२ वर्षीय अमेरिकी नागरिक शमसूद–दीन जब्बार रहेको समाचारमा उल्लेख छ ।
अमेरिकी संघीय जाँच व्यूरो एफबीआईले आक्रमणमा प्रयोग गरिएको गाडीमा इस्लामिक स्टेट समूहको झण्डा भेटिएको र घटनाको जाँच आतंकवादी क्रियाकलापको रुपमा गरिरहेको जनाएको छ ।
जाँच व्यूरोलेले आक्रमणकारीको सम्बन्ध अतिवादी समूहसँग रहे नरहेकोबारे थप अनुसन्धानको कार्य अघि बढाइएको समेत जानकारी दिएको छ । प्रहरी अधिकारीहरुका अनुसार नरसंहार मच्चाएका जब्बारले अधिकारीहरुमाथि गोली समेत चलाएका थिए भने ट्रक भएको क्षेत्रमा विष्फोटक उपकरण समेत भेटिएको थियो ।
घटना भएको फ्रेन्च क्वार्टर क्षेत्र दक्षिणी राज्य लुइसियानामा शहरका आगन्तुकका लागि निकै लोकप्रिय मानिन्छ ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- देशभर एकै साथ जलपंछी गणना गरिँदै
- बाढी पहिरोको क्षतिपछि १२ अर्ब ८६ करोड ६६ लाख बराबरको बीमा दावी
- सङ्घसंस्थालाई आफ्नो विवरण अध्यावधिक गर्न बेलायती दूतावासको आग्रह
- ‘हस मनी’ मुद्दामा ट्रम्पविरुद्ध सजाय सुनाइने
- लिगाको शीर्षस्थानमा रियाल मड्रिड
- सगरमाथा क्षेत्र जहाँ पुग्छन् हप्तामा दुई सय जनाभन्दा बढी पर्यटक
- बुढ्यौलीमा फर्कियो आँखाको ज्योति
- नौ वर्षपछि दोदा नदीको पुल निर्माणले गति लिँदै
- विश्व २०२४ – चर्चित व्यक्तित्वहरुको अन्त्य
- चितवनबाट देखिएको गणेश हिमाल
