नेपालको संघीय संसद प्रतिनिधि सभाका नवनिर्वाचित २७५ सदस्यमध्ये हालसम्म २५० सदस्यले आफ्नो सम्पत्ति विवरण संसद सचिवालयमा बुझाएका छन्। संसदका २५ जना सदस्यहरूले अझैपनि सम्पत्ति विवरण बुझाएका छैनन्। यसरी बुझाइएको सम्पत्ति विवरणलाई सचिवालयले भने गोप्य राखेको छ।
संसद सचिवालयका सूचना अधिकारी दशरथ धमलाका अनुसार सो विवरण कानुनले सार्वजनिक गर्न मिल्दैन। संसदको खुलापन सम्बन्धी अन्तराष्ट्रिय सिद्धान्त र अन्तर व्यवस्थापिका परिषद् (आइपियू) का अनुसार संसदका सदस्यहरूले आफ्नो सम्पत्ति र दायित्व सम्बन्धी सो घोषणालाई सदाचारको उच्चतम मान्यता मानेको छ।
संसदीय सदाचारको यो विषयलाई नेपालको संसदले भने आत्मसात गर्न सकेको छैन। संसद सचिवालयका सूचना अधिकारीले सम्पत्ति विवरण खुलासा गर्नै नमिल्ने जवाफ दिनुभयो। नेपालको संसदमा सदस्यहरूको …
