२०८० श्रावण २६, शुक्रबार ०७:२०

बैतडीको पञ्चेश्वर गाउँपालिकाका–४ फ्याउलीकी १६ वर्षीया अनिता चन्दको सर्पको टोकाइबाट मृत्यु भयो। स्थानीयका अनुसार महिनावारी भएको ४ दिन भएको थियो। किशोरीकी आमा मकै जोगाउन खेतमा बनाइएको अस्थायी टहरामा हुनुहुन्थ्यो।

मंगलबार मध्यराति गाईभैँसीसँगैको गोठमा सुतिरहेकी अनिताको हातमा सर्पले टोकेपछि छट्पटिँदै आफन्तलाई जानकारी गराएको र बिहान वैद्य खोज्न जाँदाजाँदै उहाँको घरमै मृत्यु भएको आफन्त एवं वडा नं ४ मा कार्यरत इएमआइएस अपरेटर प्रेमबहादुर चन्दले बताउनुभयो। ‘महिनावारी भएको बेला देवताको डरले यहाँका किशोरी तथा महिलाहरु गोठमा सुत्छन्,’ चन्दले भन्नुभयो, ‘कोही घरको कुनै एक छेउमा छुट्टै सुत्ने गरेका छन्।’

महिनावारी हुँदा गरिने यस्तै विभेद र पुरातन सोचका कारण अनिताको मृत्यु भएको हो। अनिता नजिकैको …

पाकिस्तानमा एक पत्रकारको हत्या भएको छ। अगस्ट ७ तारिखमा गुलाम असगर खाँदलाई प्रेस क्लबबाट घर जाँदै गर्दा अज्ञात व्यक्तिले गोली हानी हत्या गरेका हुन्।

घटनाबारे तत्काल छानबिन गर्न अन्तर्राष्ट्रिय पत्रकार महासंघ (आइजेएफ) र पाकिस्तान फेडरल युनियन अफ जर्नालिस्टले पत्रकार असगर हत्याको तत्काल छानबिन हुनुपर्ने माग गरेका छन्।

सिन्धी दैनिक सोभसँग आबद्ध असगरमाथि उत्तरी सिन्ध सहर खैरपुरनजिकै आक्रमण गरी हत्या गरिएको बताइएको छ। अहमदुपर इलाकास्थित एउटा गेस्ट हाउसमा बसिरहेका बेला मोटरसाइकलमा आएको अज्ञात व्यक्ति उहाँमाथि गोली प्रहार गरेका थिए।

आक्रमणमा परेका असगरलाई नौवटा गोली लागेको थियो। उहाँलाई तत्काल पिरजो गोठ तालुक अस्पताल लग्दालग्दै मृत्यु भएको थियो।
मृत्युअघि खाँदले अवैध गतिविधिबारे समाचार …

पत्रकार एवं सम्पदा संरक्षण अभियन्ता आरके अदिप्त गिरीविरुद्ध पक्राउ पुर्जी जारी भएको छ।

गिरीले सामाजिक सञ्जालमा पत्रकारविरुद्ध तथानाम लेखेको भन्दै साइबर अपराध मुद्दामा पर्वतका पत्रकार गणेश पौडेल, छवि तिवारी, सन्देश थापालगायतले प्रहरीमा किटानी जाहेरी दिनुभएको थियो। सोही किटानीको आधारमा गिरीविरुद्ध पक्राउ पुर्जी जारी भएको हो।

पत्रकार गिरीले व्यक्तिगत जीवनमाथि नै असर पर्ने गरी आक्षेप लगाएको भन्दै उहाँहरूले किटानी जाहेरी दिएको जिल्ला प्रहरी कार्यालय पर्वतका डिएसपी मधुसुदन न्यौपानेले जानकारी दिनुभयो।

कालीगण्डकीको अस्तिस्तव नै संकटमा पर्ने गरी अवैध रूपमा भइरहेको दोहन कार्य रोक्न गिरीले पछिल्लो समय कालीगण्डकी बचाऔं अभियान चलाउँदै आउनुभएको छ। अभियानअन्तर्गत कालीगण्डकीमाथि लेखिएका रचना सामाजिक सञ्जालमार्फत नै प्रकाशित गर्दै आउनुभएको …

मनसुनी वायुको प्रभावका साथै बङ्गलादेशको उत्तरी भूभाग तथा आसपास रहेको न्यूनचापीय प्रणालीको प्रभाव रहेको छ। जल तथा मौसम विज्ञान विभाग मौसम पूर्वानुमान महाशाखाका अनुसार मनसुनको न्यूनचापीय रेखा सरदर स्थानभन्दा उत्तरतिर (नेपाल नजिक) अवस्थित रहेकाले बदली र वर्षाको सम्भावना छ।

हाल देशभर सामान्यदेखि पूर्ण बदली रही कोशी, लुम्बिनी र सुदूरपश्चिम प्रदेशका थोरै र बाँकी प्रदेशका एक–दुई स्थानमा हल्कादेखि मध्यम वर्षा भइरहेको छ। काठमाडौँ उपत्यकाको आकाश बिहानैदेखि सामान्य बदली छ। दिउँसोतिर हल्का वर्षाको सम्भावना छ।

महाशाखाले जारी गरेको मौसम पूर्वानुमान बुलेटिनमा आज दिउँसो देशभर सामान्यदेखि पूर्ण बदली रहनेछ। कोशी, बागमती र गण्डकी प्रदेशका केही र बाँकी प्रदेशको थोरै स्थानमा हल्कादेखि मध्यम वर्षाको …