स्वतन्त्र समाचार सेवा / INS इजरायल र हिजबुल्लाहबीचकाे चौतर्फी युद्ध र व्यापक क्षेत्रीय द्वन्द्वको डरका कारण बेलायत सरकारले लेबनानमा रहेका आफ्ना नागरिकलाई तत्काल देश छोड्न आग्रह गरेको छ ।
बेलायतकाे विदेश मन्त्रालयले एक विज्ञप्ति जारी गर्दै बेलायती नागरिकले लेबनान छोडे यसबाट सिर्जना हुने व्यावसायिक विकल्प उपलब्ध रहेको जनाएको छ ।
‘तनाव उच्च छ र स्थिति चाँडै बिग्रन सक्छ,’ विदेशमन्त्री डेभिड ल्यामीले भने, ‘हामी लेबनानमा हाम्रो कन्सुलर उपस्थितिलाई बलियो बनाउन अहोरात्र काम गरिरहेका छौं, त्यहाँ रहेका बेलायती नागरिकहरूलाई मेरो सन्देश स्पष्ट छ– अब लेबनान छोड्नुहोस् ।’
विदेश मन्त्रालयले उक्त क्षेत्रमा ‘सीमा बल, कन्सुलर अधिकारी र सैन्य कर्मीहरू’ तैनाथ गरेर बेलायतीका लागि आफ्नो सहयोगलाई ‘मजबुत’ बनाइरहेको बताएको छ ।
‘अधिकारीहरूले दूतावासका कर्मचारीहरूलाई ‘अतिरिक्त सहयोग’ प्रदान गर्नेछन् भने सैन्य कर्मचारीले दूतावासहरूलाई ‘बेलायती नागरिकलाई मद्दत गर्न परिचालन सहयोग’ प्रदान गर्नेछन्,’ मन्त्रालयद्वारा जारी विज्ञप्तिमा भनिएको छ, ‘मानवीय आवश्यकताका साथ सहयोगीहरूलाई सहयोग गर्न पूर्वी भूमध्यसागरमा पहिल्यैदेखि नै आरएफए कार्डिगन बे र एचएमएस डङ्कनसँग अवतरण भइसकेका छन् भने वायु सेनाले हेलिकप्टरहरू पनि तयारी अवस्थामा राखेको छ ।’
मन्त्रालयले निर्देशनमा भनेको छ, ‘लेबनानबाट बाहिरिने सडकसहित मार्गहरू प्रभावित, सीमित, वा बन्द हुने सम्भावनासँगै बेलायती टोलीहरूले आफ्ना नागरिकहरूलाई लेबनान छोड्न आग्रह जारी राख्नेछन् र उनीहरूलाई व्यावसायिक विकल्पहरू उपलब्ध हुनेछन् ।’
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- जुम्ला–रारा म्याराथन भोलि, ५९१ धावक सहभागी हुँदै
- मेयरलाई विद्यार्थीको प्रश्न– हामी कहिलेसम्म अर्को पालिकाको विद्यालयमा पढ्न जाने ?
- प्रसारण लाइन निर्माणमा प्राविधिक त्रुटि ?
- नेपाल सरकारद्वारा भारत–पाकिस्तानबीच बढ्दो तनावप्रति चिन्ता व्यक्त
- विद्युत् सेवा बन्द हुँदा ४८० घरधुरी अन्धकारमा बस्न बाध्य
- महेन्द्रनगर बजार : सौन्दर्यीकरणका कामसँगै थपियो उत्साह
- भारत र पाकिस्तानबीचको तनावप्रति नेपाल सचेत रहनुपर्नेमा जोड
- कञ्चनपुर-कमला सडक विस्तार: लहानमा ‘ओभरपास’ निर्माण थालियो
- भारतद्वारा पाकिस्तानमाथि सैन्य कारबाही सुरु, तनाव चुलियो
- राष्ट्रिय सूचना आयोगको १८औँ स्थापना दिवसमा प्रधान सम्पादक दाहाल सम्मानित
