प्रणय साह/वीरगञ्ज 
फूल, माला, गम्छा, अबिर र खादाआदिले सम्मान गर्ने हाम्रो चलन नै हो। सम्मानका नाममा नेताका चाकरीका लागि १५/२० किलोका माला लगाइदिने पनि बेलाबेलामा देखिएकै हो। तर अब बारा र पर्सातिर चाहिँ चाँदीको ताज वा मुकुट लगाउने चलन बढ्न थालेको छ।
बारा र पर्सामा नवनिर्वाचित जनप्रतिनिधिहरू अहिले घर दैलो तथा विजय जुलुसमा व्यस्त रहेका छन् । तीमध्ये केही नवनिर्वाचित जनप्रतिनिधिलाई समर्थकले चाँदीको मुकुट लगाएर स्वागत तथा बधाई दिने क्रम बढेको छ । पर्सामा भने यो चलन २०७४ को निर्वाचनमा सुरु भएको थियो । पहिलो पटक २०७४ को निर्वाचनमा पर्सा क्षेत्र नं १ बाट प्रतिनिधिसभा सदस्यमा निर्वाचित प्रदीप यादवलाई विजय जुलुसका क्रममा वीरगन्ज महानगरपालिका– १५ मा उहाँका समर्थकले चाँदीको मुकुट लगाई दिएर बधाई दिँदै सम्मान गरेका थिए । त्यस पछि पर्सामै स्थानीय निर्वाचन २०७९ बाट निर्वाचित वीरगञ्ज महानगरपालिकाका मेयर राजेशमान सिंहलाई चाँदीको ताज ( मुकुट ) लगाइ जनता समाजवादी पार्टीका केन्द्रिय सदस्य एवं प्रतिनिधिसभा सदस्य प्रदीप यादवले चाँदीको ताज लगाइ दिनुभएको थियो।
त्यसकै देखासिखीमा अहिले नवनिर्वाचित जनप्रतिनिधिहरूलाई स्थानीय समर्थकले चाँदीको ताज लगाइदिएका छन् । पर्साको क्षेत्र नं ४ मा नवनिर्वाचित जनप्रतिनिधि रमेश रिजाललाई आइतबार एक समर्थकले चाँदीको मुकुट लगाएर बधाई दिनुका साथै सम्मान गरेका छन्।
निर्वाचित भएपछि मतदातालाई विजय जुलुस का साथै मतदातालाई धन्यवाद ज्ञापन गर्न धोबिनी गाउँपालिका– ३ हरिहरपुरमा पुग्नुभएका रिजाललाई धोबिनी गाउँपालिकाकी उपाध्यक्ष मन्जु देवीले चाँदीको मुकुट लगाई बधाई दिनुका साथै सम्मान गर्नुभयो ।
यस्तै बाराको क्षेत्र नं ४ बाट प्रतिनिधि सभा सदस्यबाट नवनिर्वाचित जनप्रतिनिधि कृष्ण कुमार श्रेष्ठ र बारा ४ को (२) बाट प्रदेश सभा सदस्य नवनिर्वाचित जनप्रतिनिधि जितेन्द्र सोनललाई सोमबार एक समर्थकले चाँदीको मुकुट लगाएर बधाई दिनुका साथै सम्मान गरेका छन् ।
सोमबार बिहान मतदातालाई धन्यवाद ज्ञापन गर्न बाराको इटियाहीमा पुगेका नवनिर्वाचित श्रेष्ठ र सोनललाई समर्थक र कार्यकर्ताले चाँदीको मुकुट र ५१ किलोको माला लगाएर बधाइ दिदैँ सम्मान गरेको लोसपाका युवा नेता रमेश सर्राफले बताउनुभयो।
श्रेष्ठ , बारा ४ को प्रतिनिधिसभा सदस्यमा नेकपा एकीकृत समाजवादीबाट र सोनल , बारा ४(ख) को प्रदेशसभा सदस्यमा लोसपाबाट निर्वाचित हुनुभएको हो।
श्रोत: आइएनएस-स्वतन्त्र समाचार
प्रणय साह/वीरगञ्ज का अन्य पोस्टहरु:
- खुला सिमानाले बढ्यो गर्भपतनसम्बन्धी अवैध औषधिको बिक्रीवितरण
- बन्द “भरपेट भोजनालय”मा भोकाहरूको निरन्तर आगमनले फेरि खोल्न बाध्य भए सञ्चालक
- रक्तसञ्चार केन्द्र बनाउने कार्यमा अवरोध नगर्न वीरगन्ज महानगरपालिकालाई अदालतको आदेश
- ३.८ किलोमिटर सडकको ठेकेदार फरार, मुआब्जा विवाद, मारमा कलैयाबासी
- वीरगञ्ज महानगरमा फोहोरको विद्रोह
- कहाँ हरायो माइराम पोखरी? खोज्दैछ वीरगञ्ज महानगरपालिका
- बिना दाइजो बिहे गर्ने मधेशका तीन जोडी
- किन सुनसान भए घोन्सार?
- पुस्तान्तरण भइरहेको शिवभक्तहरूको ‘काफिला’
- मूल्य निर्धारण नहुँदा उखु किसान पीडित
