स्वतन्त्र समाचार सेवा / INS 
भारतलाई सेमिकन्डक्टर हब बनाउने प्रधानमन्त्री नरेन्द्र मोदीको सपना मूर्त रुप दिन अमेरिकी चिप निर्माता कम्पनी माइक्रोन भारत आउने भएको छ।
माइक्रोनले भारतको गुजरातमा आफ्नो प्लान्ट लगाउने बताएको छ। यसअन्तर्गत कम्पनीले २ अर्ब ७० करोड डलर लगानी गर्नेछ। मोदीको अमेरिका भ्रमणमा यो सूचना आएको हो। मन्त्रीमण्डलले माइक्रोनलाई सेमिकन्डक्टर टेस्टिङ एन्ड प्याकेजिङ युनिटका लागि लगानी गर्न अनुमति दिएको छ।
यो सम्झौताअन्तर्गत अमेरिकी सेमिकन्डक्टर कम्पनीले १ अर्ब ३४ करोड डलरबराबरको प्रोडक्सन लिंक्ड इन्सेन्टिभ (पिएलआई) पाउनेछ। मोदीले अमेरिका भ्रमणका बेला माइक्रोनका प्रमुख कार्यकारी अधिकृत सञ्जय मेहरोत्रासँग भेट गर्दै सेमिकन्डक्टर मेनुफ्याक्चरिङलाई बढावा दिन कम्पनीलाई भारत आउन आग्रह गरेका थिए। यसको परिणामस्वरु माइक्रोन गुजरातमा आउन लागेको हो।
कम्पनीले सूचना जारी गर्दै माइक्रोन गुजरातमा सेमिकन्डक्टर टेस्ट र एसेम्बली प्लान्ट लगाउने जानकारी दिएको छ। दुई चरणमा निर्माण गरिने यो संयन्त्रमा कम्पनीले आफ्नो तर्फबाट ८२ करोड ५० लाख डलर लगानी गर्नेछ। बाँकी रकम भारतीयको केन्द्रीय तथा राज्य सरकारमार्फत जुटाउनेछ।
कम्पनीका सिइओ सञ्जय मेहरोत्राका अनुसार स्थानीय सेमिकन्डक्टर इकोसिस्टम विकास गर्न भारतले उठाएको कदमले आफूहरू उत्साहित भएको बताएका छन्। साथै लगानीलाई सम्भव बनाउने भारत सरकार र सबै अधिकारी धन्यवादको पात्र रहेको समेत बताएका छन्।
माइक्रोनले एक सूचना जारी गर्दै गुजरात प्लान्टको निर्माण यसै वर्षदेखि सुरु हुने बताएको छ। पहिलो चरणमा पाँच लाख वर्गफिट क्लिनरुम स्पेस हुनेछ, जुन २०२४ को अन्त्यसम्म सञ्चालनमा आउनेछ। साथै कम्पनीले दुवै चरणको काममार्फत पाँच हजारभन्दा बढी रोजगारी सिर्जना हुने र १५ हजार जनाले आगामी केही वर्षसम्म परोक्ष रुपमा रोजगारी मिल्ने बताएको छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- बीस वर्षदेखि सुकुम्बासीको प्रश्न : जग्गा कहिले पाइन्छ ?
- बगेर खेर गइरहेछ भोटको नुन
- गाउँकै अगुवा किसान, गाउँले एफएम दाइ
- नेतन्याहू, ग्यालेन्ट र देइफविरुद्धको आइसिसीको पक्राउ पुर्जी ‘बाध्यकारी’: इयू
- बुढाहाङ सेवामा वढाङमी नाचको रन्को
- कर्णालीमा आमसञ्चार विधेयकबारे छलफल
- सम्मान र पुरस्कारले उत्साहित पूजा
- लेबनानको सार्वभौमिकता उल्लङ्घन गर्ने इजरायलसँगको युद्धविराम स्वीकार्य छैनः हिजबुल्लाह प्रमुख
- इन्जिनियरिङ अध्ययन गरेर ब्लक उद्योगमा स्थापित
- जर्मनीले ‘एआई’ बाट नियन्त्रण गर्न मिल्ने चार हजार ड्रोन युक्रेन पठाउने
