स्वतन्त्र समाचार सेवा / INS 
भारतीय प्रधानमन्त्री नरेन्द्र मोदीको आज ७३औं जन्मदिन हो। सन् १९५०, सेप्टेम्बर १७ मा गुजरातको भडनगरमा उहाँको जन्म भएको थियो।
२०१४ देखि उहाँ लगातार भारतीय प्रधानमन्त्रीका रुपमा सत्तामा हुनुहुन्छ। उहाँको नेतृत्वमा भारत विश्वकै तीव्र गतिमा बढ्ने अर्थतन्त्र बनेको छ। तर, के तपाईंलाई उहाँको सम्पत्ति र सेलरीबारे थाहा छ ? छैन भने यहाँ दिइएको छ।
प्रधानमन्त्री मोदीको मासिक तलब कति ?
प्रायःजसो मानिस प्रधानमन्त्रीसँग के के छ भन्ने जान्न चाहन्छन्। जस्तो कि, कहाँ–कहाँ घर छन्, कति सम्पत्ति छ, कहाँ लगानी गर्छन्, आदि–इत्यादि।
गत वर्ष प्रधानमन्त्री कार्यालयले यसबारे विस्तृत विवरण सार्वजनिक गरेको थियो। त्यसमा भारतीय प्रधानमन्त्रीको तलब वार्षिक ३२ लाख रुपैयाँ हाराहारी हुन्छ। यसरी हेर्दा मोदीको मासिक तलब करिब ३ लाख जति हुन्छ। प्रधानमन्त्रीले पाउने यो तलबमा बेसिक पेबाहेक दैनिक भत्ता, सांसद भत्तासहित अन्य विभिन्न भत्ता पनि पर्छन्।
मोदीको सम्पत्ति
गत वर्ष प्रधानमन्त्री कार्यायले सार्वजनिक गरेको विवरणअनुसार प्रधानमन्त्री मोदीको मार्च २०२२ सम्म कुल चल–अचल सम्पत्ति साढे ३ करोड रुपैयाँ छ। प्रधानमन्त्रीको बेवसाइटमा राखिएको विवरणअनुसार साढे ३ करोड रुपैयाँमध्ये अधिंकाश रकम बैँक खातामा जम्मा छ।
छैन अचल सम्पत्ति
विवरणअनुसार प्रधानमन्त्री मोदीसँग कुनै पनि अचल सम्पत्ति छैन। उहाँसँग गुजरात, गान्धीनगरमा एक टुक्रा जमिन थियो। त्यो दान गरिसक्नुभएको छ। अक्टोबर, २०२२ मा मोदी गुजरातको मुख्यमन्त्री हुँदा आवासीय जमिन खरिद गर्नुभएको थियो। उक्त जमिनमा उहाँ तेस्रो हकवालाका रुपमा हुनुहुन्थ्यो।
आफ्नै सवारीसाधन पनि छैन
एक रिपोर्टअनुसार प्रधानमन्त्री मोदीको कुनै पनि बन्ड, सेयर या म्युचुअल फन्डमा पनि लगानी छैन। साथै निजी सवारीसाधन पनि छैन। मार्च, २०२२ को सम्पत्ति–तथ्यांकअनुसार मोदीसँग झन्डै तीन लाखबराबरका चार सुनका औंठी थिए।
यसैगरी बचतको कुरा गर्दा पोस्ट अफिस (हुलाक कार्यालय) मा ९ लाख ५१ हजार भारुको राष्ट्रिय बचत प्रमाणपत्र र १ लाख ८९ हजार भारुको जीवन बिमा पोलिसी छ।
यस्ता सादगी प्रधानमन्त्रीलाई जन्मदिनको शुभकामना।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- दही र महीको माग बढ्दै
- चितवनको कान्दामा दुई घण्टा बोकेर हाते ट्रयाक्टर पुर्याउँदा…
- रुरु क्षेत्रमा ‘शालिग्राम महोत्सव’
- सेती नदी जलविद्युत् आयोजना निर्माण सम्पन्न
- ध्यानका लागि प्रभुचेलामा बन्यो पूर्वाधार
- जुम्ला–रारा म्याराथन भोलि, ५९१ धावक सहभागी हुँदै
- मेयरलाई विद्यार्थीको प्रश्न– हामी कहिलेसम्म अर्को पालिकाको विद्यालयमा पढ्न जाने ?
- प्रसारण लाइन निर्माणमा प्राविधिक त्रुटि ?
- नेपाल सरकारद्वारा भारत–पाकिस्तानबीच बढ्दो तनावप्रति चिन्ता व्यक्त
- विद्युत् सेवा बन्द हुँदा ४८० घरधुरी अन्धकारमा बस्न बाध्य
