स्वतन्त्र समाचार सेवा / INS अक्टोबर १६ मा तेल अभिभमा इजरायली संसदको शीत सत्रको पहिलो दिन थियो। संसद् सुरु भएको केही मिनेट मात्रै हुन थालेको थियो अचानक साइरन बज्न थाल्यो। साइरन बज्दा एक महिला सांसद बोल्दै हुनुहुन्थ्यो। हतारहतार भाषण बन्द गर्दै सबै सांसद र प्रधानमन्त्री बेन्जामिन नेतान्याहू बंकरभित्र जानुभयो। केही समयपछि कामकारबाही फेरि सुरु भयो।
अहिले इजरायलको अवस्था यस्तै छ। यो अवस्थामा ८० वर्षीय अमेरिकी राष्ट्रपति जो बाइडेन बुधबार (आज) इजरायल जाँदै हुुनुहुन्छ। हमासले इजरायलमाथि निरन्तर सशस्त्र हमला गरिरहेका बेला उहाँको भ्रमण हुँदै छ। यसरी हेर्दा इजरायलमा राष्ट्रपति बाइडेनका लागि राजनीतिक मात्रै नभएर सुरक्षा पनि ठूलो चुनौती हुने देखिन्छ। राष्ट्रपति बाइडेनले बंकरमा शरण लिनुपर्ने पनि हुन सक्छ।
घण्टौंको बहसपछि तेल अभिभ जाने निर्णय
राष्ट्रपति बाइडेनले इजरायल जानुअघि आफ्ना उच्च अधिकारी एवं सल्लाहकारसँग कुराकानी गर्नुभएको थियो। इजरायल यात्रालाई लिएर घण्टौँ बहस पनि भयो। बहसमा इजरायली प्रधानमन्त्री नेतान्याहूको निमन्त्रणा स्वीकार गर्नुपर्ने निष्कर्ष निस्कियो। त्यसपछि नै बाइडेन तेल अभिभ जान तयार हुनुभएको हो।
सोमबार राति प्रेस मिटिङमा अमेरिकी नेसन सेक्युरिटी काउन्सिल (राष्ट्रिय सुरक्षा परिषद्) का प्रवक्ता जोन किर्बीले राष्ट्रपति बाइडेन तेल अभिभ मात्रै नभएर जोर्डन पनि जाने र त्यहाँ जोर्डनसहित इजिप्ट र प्यालेस्टाइनी नेतासँग छलफल गर्ने बताउनुभएको थियो।
इजरायलमा अमेरिकाको ‘सेक्रेट सर्भिस’
अहिलेसम्म बाइडेन १० पटक इजरायल गइसक्नुभएको छ। उहाँ पहिलोपटक सन् १९७३ मा अरब–इजरायल युद्ध हुनुअघि तेल अभिभ पुग्नुभएको थियो। त्यतिबेला उहाँ सांसद हुनुहुन्थ्यो। त्यस्तै, उहाँको पछिल्लो इजरायल भ्रमण गत वर्ष जुलाईमा भएको थियो। त्यतिबेला नेतान्याहू प्रधानमन्त्री हुनुहुन्थेन।
बाइडेनको सुरक्षा जिम्मा सेक्रेट सर्भिसमाथि
राष्ट्रपति बाइडेनको सुरक्षा जिम्मा सेक्रेट सर्भिससँग हुन्छ। यो एजेन्सी १८६५ मा बनेको थियो। यद्यपि राष्ट्रपतिको सुरक्षाको जिम्मा भने १९०१ मा दिइएको थियो। यसका लागि ७ हजार एजेन्ट र अधिकारी सेक्रेट सर्भिसमा काम गर्छन्, जसमा महिला पनि छन्।
इजरायलमा बाइडेनको राजनीतिक चुनौती
इजरायली सेनाले हमासविरुद्ध थल (जमिनबाट गरिने) कारबाहीको तयारी पूरा गरेको छ। अब सरकारले हरियो झन्डा दिन मात्रै बाँकी छ। यस्तो स्थितिमा इजरायल अमेरिकाले हमासविरुद्धको कारबाहीमा राजनीतिक र आर्थिक रुपले सहयोग गरोस् भन्ने चाहन्छ।
अहिले इजरायलले अमेरिकासँग १० अर्ब डलरको सैन्य सहयोग मागेको छ। यसका लागि नेतान्याहूले बाइडेनलाई मनाउन कोसिस गर्नुहुुनेछ। त्यस्तै, गाजामा थल कारबाहीको समर्थन पनि जुटाउन कोसिस गर्नेछ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- ‘टार’ शब्द परेपछि…
- युद्धका कारण लेबनानबाट चार लाख सिरियाली शरणार्थी स्वदेश फर्किए
- कोप–२९ जलवायु वित्त बढाउन सहमति, कार्बन उत्सर्जन कटौतीको भाका सारियो
- भारतबाट आउने तरकारीकै कारण नेपाली किसान पीडित
- चिकित्सकले मृत घोषणा गरेका एक भारतीय चिताबाट ब्यूँझिएपछि…
- बीस वर्षदेखि सुकुम्बासीको प्रश्न : जग्गा कहिले पाइन्छ ?
- बगेर खेर गइरहेछ भोटको नुन
- गाउँकै अगुवा किसान, गाउँले एफएम दाइ
- नेतन्याहू, ग्यालेन्ट र देइफविरुद्धको आइसिसीको पक्राउ पुर्जी ‘बाध्यकारी’: इयू
- बुढाहाङ सेवामा वढाङमी नाचको रन्को
