इजरायली हमलामा दक्षिणी लेबनानमा तीन जनाको मृत्यु

इजरायली ड्रोनले टायर सिटीको छेउमा रहेको नाकोरास्थित अन्तरराष्ट्रिय समुद्री मार्गमा चलिरहेको एउटा नागरिक कारमा मिसाइल प्रहार गरेको थियो। सिभिल डिफेन्सको आधिकारिक स्रोतले सिन्ह्वालाई बताएअनुसार सिभिल डिफेन्स र लेबनानी रेडक्रसका गाडी आगो निभाउन र घाइतेलाई अस्पतालमा पु¥याउन घटनास्थलमा पुगेका थिए ।

इजरायलले सीमा क्षेत्रको पश्चिमी र मध्य क्षेत्रका तीन वटा शहर र गाउँमा पाँच वटा आक्रमण गरेको छ भने पूर्वी र पश्चिमी क्षेत्रका आठ वटा शहर र गाउँहरूमा ३० वटा गोला प्रहार गरिएको छ ।

लेबनान–इजरायल सीमा क्षेत्रमा सन् २०२३ अक्टोबर ८ देखि तनाव बढेको छ । यसैबीच लेबनानी सशस्त्र समूह हिजबुल्लाहले हमासको आक्रमणको समर्थनमा इजरायलतर्फ दर्जनौं रकेट प्रहार गरेपछि इजरायलले पनि दक्षिणपूर्वी क्षेत्रमा जवाफी कारबाहीका रूपमा व्यापक तोप प्रहार गरेको छ ।

हिजबुल्लाह र इजरायलबीचको भीडन्तले लेबनानी पक्षका दुई सय २६ जना हिजबुल्लाह सदस्य र ६१ जना नागरिकसहित तीस सय ३२ जनाको मृत्यु भएको लेबनानी सुरक्षा स्रोतले जनाएको छ ।