स्वतन्त्र समाचार सेवा / INS शनिवार अमेरिकाको पेन्सिलभेनियामा एक र्यालीमा बोल्दै गर्दा डोनाल्ड ट्रम्पमाथि गोली हानी हत्याको प्रयास गरिएको छ । पूर्व राष्ट्रपति ट्रम्पको कानमा बन्दुकको गोलीले चोट लागेको छ । ट्रम्पलाई उनका गोप्य सेवा आधिकारीहरूले तुरुन्तै बाहिर निकालेर सुरक्षित स्थान तर्फ लागेका थिए । ट्रम्पका चुनावी अभियानका संयोजकका अनुसार उनी ठिक रहेको बताइएको छ ।
घटनामा सन्दिग्ध बन्दुकधारी र कम्तीमा एक सहभागीको मृत्यु भएको छ । गोप्य सेवा सुरक्षाकर्मीका अनुसार दुई दर्शक गम्भीर घाइते भएका छन् ।
गोली प्रहारको करिब साढे दुई घण्टापछि आफ्नो सामाजिक सञ्जालमा पोस्ट गर्दै ट्रम्पले भने – “गोलीले मेरो दाहिने कानको माथिल्लो भाग छेडिएको छ” ।
अगाडी ट्रम्पले पोस्टमा लेखेका छन् – “मलाई तुरुन्तै थाहा भयो कि यस सभामा केही गडबड भएको छ । मैले गोलीको मसिनो आवाज सुने । त्यसलगत्तै गोलीले कानको छाला च्यातिएको महसुस गरेँ र कानबाट धेरै रगत बग्यो” ।
कानुन अधिकारीहरूका अनुसार गोप्य सेवा कर्मीले एक बन्दुकधारी मारेको भनेका छन् । यो आक्रमण सन् १९८१ मा रोनाल्ड रेगनलाई गोली हानेको घटनापछि राष्ट्रपति वा राष्ट्रपति पदका उम्मेदवारको हत्या गर्ने पहिलो प्रयास थियो ।
गहिरो ध्रुवीकृत राजनीतिक वातावरणको बिचमा यो घटना भएको छ । अमेरिकी राष्ट्रपति चुनावमा अब चार महिना मात्रै बाँकी छ । ट्रम्पलाई आफ्नो पार्टीको महाधिवेशनमा आधिकारिक रूपमा रिपब्लिकन उम्मेदवारको घोषणा गर्न केही दिन बाँकी मात्रै छ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- दही र महीको माग बढ्दै
- चितवनको कान्दामा दुई घण्टा बोकेर हाते ट्रयाक्टर पुर्याउँदा…
- रुरु क्षेत्रमा ‘शालिग्राम महोत्सव’
- सेती नदी जलविद्युत् आयोजना निर्माण सम्पन्न
- ध्यानका लागि प्रभुचेलामा बन्यो पूर्वाधार
- जुम्ला–रारा म्याराथन भोलि, ५९१ धावक सहभागी हुँदै
- मेयरलाई विद्यार्थीको प्रश्न– हामी कहिलेसम्म अर्को पालिकाको विद्यालयमा पढ्न जाने ?
- प्रसारण लाइन निर्माणमा प्राविधिक त्रुटि ?
- नेपाल सरकारद्वारा भारत–पाकिस्तानबीच बढ्दो तनावप्रति चिन्ता व्यक्त
- विद्युत् सेवा बन्द हुँदा ४८० घरधुरी अन्धकारमा बस्न बाध्य
