स्वतन्त्र समाचार सेवा / INS काठमाडौँ उपत्यकाको पुरानो सहर भक्तपुरमा श्रम अदालतको कार्यालय स्थानान्तरण भएको एक वर्ष नपुग्दै सरकारले पहिलो बाल अदालत पनि भक्तपुरमा नै स्थापना गर्ने निर्णय गरेको छ।
आगामी वैशाख २ गते २०८२ बाट सुरु हुने सो अदालतलाई प्रादेशिक बाल अस्पतालका रूपमा सञ्चालन गरिनेछ।
पहिलो चरणमा काठमाडौँ, ललितपुर, भक्तपुर र काभ्रेपलान्चोक जिल्लाका बाल इजलासबाट हेरिने मुद्दाहरू सो अदालतमा सुनुवाइ गरिनेछ।
नेपाल सरकारले राजपत्रमा सूचना जारी गरी सो अदालत गठन गरी हाल चार जिल्लामा रहेका बाल मुद्दाहरू पनि भक्तपुर बाल अदालतमा नै सार्ने निर्णय भइसकेको जानकारी दिएको छ।
काठमाडौँमा रहेको श्रम अदालत पनि गत वर्ष भक्तपुर सारिएको थियो। सरकारले आगामी चैत २ गतेदेखि सुरु हुने गरी गठन गरेको पहिलो उपभोक्ता अदालत पनि भक्तपुरमा नै स्थापना गर्न त्यहाँका जनप्रतिनिधिहरूले अनुरोध गरेका छन्। सो अदालतमा पनि उपत्यकाका तिनै वटै जिल्लाका मुद्दाहरू हेरिनेछन् ।
श्रोत: आइएनएस-स्वतन्त्र समाचार
स्वतन्त्र समाचार सेवा / INS का अन्य पोस्टहरु:
- देशका अधिकांश भागमा मौसम सफा रहने
- केबलकारको विषयमा झडप हुँदा प्रहरीसहित १३ जना घाइते
- मेक्सिकोले कार्टेलविरुद्धको लडाईंमा अमेरिकी ‘आक्रमण’ स्वीकार नगर्ने
- २०२४ मा रुसमा एक हजार ७५ जनालाई आतङ्कवादी अभियोगमा सजाय : पुटिन
- ऐतिहासिक स्थल अजयमेरुकोटको उत्खनन गरिँदै
- आँखा देख्न पाउने खुसीले दङ्ग काछबासी
- म्यान्सिटीलाई हराउदै रियाल मड्रिड च्याम्पियन्स लिगकोअन्तिम १६ मा
- प्रजातन्त्र दिवस र आइएनएसको तीन वर्ष
- फुलेको सिमल
- थानीमाई मन्दिर र बन्दीपुर बजार
