कानून/न्याय

ललिता निवास जग्गा प्रकरणमा  प्रहरीको केन्द्रीय अनुसन्धान ब्युरो (सीआईबी)ले आइतबार सूचना तथा प्रविधि मन्त्रालयका सचिव कृष्णबहादुर राउतलाई पक्राउ गरेसँगै कर्मचारीहरूमा असन्तुष्टि सिर्जना भएको छ । तल्लो तहमा रहेर टिप्पणी उठाउने तथा राय दिने कर्मचारीहरूमा काम गर्ने क्रममा निराशा  छाएको तथा निर्णय गर्ने तहमा रहेका कर्मचारीले स्वविवेकमा निर्णय गर्न डराएको भनेर टिप्पणी हुन थालेको छ ।

आइतबार पक्राउ परेका सचिव राउतले  तत्कालीन भौतिक योजना तथा निर्माण मन्त्रालयको शाखा अधिकृत हुँदा  १७ असार २०६७ मा बालुवाटारस्थित प्रधानमन्त्री निवास विस्तार र मोहीलाई जग्गा बाँड्नेसम्बन्धी प्रस्ताव ‘मन्त्रिपरिषद्‌मा लैजान उपयुक्त हुने’ भनी राय लेखेका थिए । किर्ते कागजातका कारण ललिता निवासको सरकारी जग्गा व्यक्तिको नाममा …

एम्नेस्टी इन्टरनेसनलले अजित ढकाल मिजारको मुद्दामा जवाफदेहिता र न्याय सुनिश्चित गर्न आग्रह गरेको छ।

‘उपल्लो जात’की युवतीसँग अन्तरजातीय सम्बन्ध राखेका १८ वर्षीय दलित मिजार २०७३ साल असार ३० गते रहस्यमय ढंगमा मृत फेला परेका थिए।

मिजारको मृत्युको घटनामा अधिकारीहरूले विस्तृत, निष्पक्ष, न्यायोचित र सामयिक अनुसन्धान गर्न असफल भएको भन्दै एम्नेस्टीले यसबारे जानकारी लिएको बताएको छ।

नेपालको संविधान २०७२ ले जातीय भेदभावलगायत सबै प्रकारका भेदभाव उन्मूलन गर्ने र कानुनको अगाडि सबैको समान संरक्षण गर्ने प्रतिबद्धतालाई समेटेको तथा समानता र गैरभेदभावको सिद्धान्त कुनै पनि फौजदारी न्याय प्रणालीमा अपरिवर्तनीय कानुनी सिद्धान्त रहेको स्मरण गराएको छ।

‘नेपालको फौजदारी न्याय प्रणालीले अजितको मृत्युको पछाडि रहेको …

एक ठूलो अपरेशनमा, जर्मन अधिकारीहरूले  जर्मनीमा इस्लामवादी आतङ्कवादी सेल स्थापना गरेको आशङ्कामा सात व्यक्तिलाई पक्राउ गरेको अभियोजकहरूले बताएका छन्। पक्राउ परेकाहरूलाई कुख्यात आतङ्कवादी संगठन इस्लामिक स्टेट (आईएसआईएस) लाई सहयोग गरेको आरोप पनि लगाइएको जर्मनीको डिपिए सञ्चार माध्यमले जनाएको छ।

पक्राउ परेकाहरू ताजिकिस्तान, किर्गिजस्तान र तुर्कमेनिस्तानका नागरिक भएको अभियोजकहरूले खुलासा गरेका छन्। उनीहरूलाई पश्चिमी जर्मनीको नर्थ राइन वेस्टफालिया राज्यबाट पक्राउ गरिएको हो । अधिकारीहरूका अनुसार ती व्यक्तिहरू सन् २०२२ मा रुस – युक्रेन युद्ध सुरु भएको लगत्तै युक्रेनबाट जर्मनीमा प्रवेश गरेका थिए।

सम्बन्धित घटनाक्रममा, डच अधिकारीहरूले एउटै समूहसँग सम्बन्ध रहेको विश्वास गरिएको एक पुरुष र तिनकी पत्नीलाई पनि पक्राउ गरेका …

नेपाली जनताले एक दशकदेखि माग गर्दै आइरहेको ‘राइट टु रिजेक्ट’ अधिकार अब भने पूरा हुने भएको छ । निर्वाचन आयोगले निर्वाचन व्यवस्थापनसम्बन्धी विधेयकका विषयमा छलफल गर्दै ‘राइट टु रिजेक्ट’ अर्थात् नो भोटको व्यवस्था लागू गर्नुपर्ने निर्णय गरेको छ । साथै आयोगले अदालतको आदेश कार्यान्वयन गर्ने गरी कानुन बनाउने तयारी पनि थालेको छ ।

आयोगको सोमबार बसेको बैठकले निर्वाचनसम्बन्धी कानुनलाई संशोधन र एकीकरण गर्न बनेको विधेयकको मस्यौदा पास गर्दै नो भोटको व्यवस्था लागू गर्नुपर्ने निर्णय गरेको हो । विधेयकको मस्यौदामा ‘राइट टु रिजेक्ट’ व्यवस्था गरिएको र उक्त व्यवस्थाका लागि दलहरू पनि सहमत भएको प्रमुख निर्वाचन आयुक्त दिनेश थपलियाले जानकारी दिनुभयो ।…

ललिता निवास प्रकरणमा केन्द्रीय अनुसन्धान ब्युरो (सिआइबी) ले थप चार जनालाई पक्राउ गरेको छ। पक्राउ पर्नेमा मालपोत कार्यालय, डिल्लीबजारका तत्कालीन प्रमुख कलाधर देउजा, कर्मचारी सुरेन्द्रमान कपाली, धर्मप्रसाद गौतम र हुपेन्द्रमणि केसी छन्। थप अनुसन्धानका लागि उनीहरूलाई पक्राउ गरेको सिआइबीले जनाएको छ।

सिआइबीले मंगबार बिहान मात्रै भाटभटेनी सुपरमार्केटका सञ्चालक मीनबहादुर गुरुङलाई पक्राउ गरिसकेको छ।

देउजा, कपाली, गौतम र केसी २०४९ सालदेखि २०६६ सम्म मालपोत कार्यालय र भूमि सुधार तथा व्यवस्था विभागमा कार्यरत थिए। उनीहरूले मिलेमतोमा सरकारी कागजात किर्ते गरी सरकारी जग्गा हडप्ने योजना बनाएको सिआइबीको अनुसन्धानमा खुलेको छ।

यसअघि सिआइबीले ललिता निवास जग्गा प्रकरणमा चारवटा अनुसन्धान प्रतिवेदन तयार पारी २०७८ मंसिरमा …

सर्वोच्च अदालतले नागरिकतासम्बन्धी मुद्दामा अल्पकालीन अन्तरिम आदेश निरन्तरता नहुने आदेश दिएपछि अहिले बारा, पर्सासहित तराईका जिल्लाहरूमा नागरिकता लिनेको भीड बढेको छ।

नयाँ नागरिकतासम्बन्धी ऐन लागू भ एपछि आइतबारदेखि जिल्ला प्रशासन कार्यालयले नागरिकता वितरण कार्य सुरु गरेका छन्। बाराको कलैयामा रहेको जिल्ला प्रशासन कार्यालयमा पनि नागरिकता लिनेको भीड लागेको छ।

जन्मसिद्धका आधारमा नागरिकता लिनेको भीड बढेसँगै जिल्ला प्रशासन कार्यालय बाराले जन्मसिद्धका सन्तानलाई अनलाइन टोकन प्रणालीबाट सेवा दिन सुरु गरेको छ। आइतबार ५० जनाले टोकन दर्ता गराए पनि ५ जना मात्र नागरिकता लिन आएको जिल्ला प्रसशान कार्यालय बाराले जनाएको छ। सोमबार भने बाराबाट ३१ जना जन्मसिद्धका छोराछोरीले नागरिकता लिएका छन्।

नागरिकता ऐन …

प्रधानमन्त्री पुष्पकमल दाहाल भारतीय समकक्षी नरेन्द्र मोदीमा निमन्त्रणमा चार दिने भारत भ्रमण गरी नेपाल फर्किसक्नुभएको छ। प्रचण्ड–मोदी भेटवार्तामा विधित सहमित–सम्झौता त भए नै, दुवै पक्षले द्विपक्षीय सम्बन्धलाई ‘हिमालय’ को उचाइँमा पुर्याउन प्रयास जारी राख्ने संकल्प गर्नुभयो।

दाहाल–मोदी वार्ताका क्रममा नेपाल–भारत दुवै पक्ष स्थापित कूटनीतिक संयन्त्रमार्फत सीमा समस्या समाधान गर्न सहमत भए। तर वार्तामा नेपाली गोर्खाद्वारा ‘अग्निवीर’ योजनाअन्तर्गत भारतीय सेनामा भर्ती हुन अस्वीकार र सीमा विवादजस्ता मुद्दामाथि दुवै पक्षले ध्यान दिन भने सकेनन्।

उत्तराखण्डको पिथौरागढ जिल्लाको धार्चुला क्षेत्रमा भारतीय मजदुरले काली नदीमाथि ९८५ मिटर लामो तटबन्धन निर्माण गरिरहेका बेला नेपालीले भारतीय पक्षतिर ढुंगा हानेको भनेर भारतीय सञ्चारमाध्यममा समाचार आए। उक्त नदीले …

आजकल नेपालमा विश्वासको खडेरी देखिन्छ। नक्कली भुटानी शरणार्थीको काण्डमा कुनै किसिमको नरमी अपनाइने छैन भनेर सरकार भनि राख्छ। तर राजनैतिक दवाब परेको समाचार दिन दिनै आइराख्छ। नेपालको आईजीपी र माहान्यायाधिवक्ताको चार घण्टा सम्म भेटघाट भयो भनेर थाहा पाइन्छ। नेपालको प्रधानमन्त्री, विरोधी दलका नेता र नेपाली क्राँग्रेसका नेता भेट गरे भनेर भनिन्छ। अब यो काण्डमा अरु तानिनु हुन्न भनेर काण्डको जाँचबुझ नै चाँडै टुङ्गयाउने कुरा निस्कन्छ। कति मानिसको नाउँ आएको तर प्रमाण फेला नपरेकोले नसमातिएको भन्ने खबर प्रहरीबाट नै जानकारी आउँ छ। ठुला ओहदामा बसेका मानिसहरू समातिए पनि हथकडी नलगाइएको कुरा सर्वव्यापी रूपमा भनिन्छ।

हुन पनि यो काण्ड त्यति कै भासभुस …