कतै आवश्यकता भन्दा बढी त कतै अभाव रहेको कर्मचारीको दरबन्दी पुनरावलोकन गर्नेतर्फ सरकारी कार्यालयहरूले उदासीनता देखाएका छन्। सरकारी कार्यालयहरूको सुस्त कार्यशैली कै कारण सरकारले चालू आर्थिक वर्षको बजेटमा कर्मचारी प्रशासनलाई छरितो बनाउन गरेको घोषणा समेत अपूरै रहने देखिएको छ। सार्वजनिक प्रशासनमा विद्यमान संरचना र कर्मचारीको दरबन्दीको पुनरावलोकन गरी छरितो बनाउन सङ्घीय मामिला तथा सामान्य प्रशासन मन्त्रालय प्रयासरत रहेको दाबी गर्छ तर प्रगति भने अपेक्षित छैन।
मन्त्रालयले सरकारी निकायहरूमा कर्मचारीको दरबन्दी पुनरावलोकन गर्न गत मङ्सिर भित्र सङ्गठन तथा व्यवस्थापन सर्वेक्षण (ओएनएम) सर्भे गरिसक्न सबै मन्त्रालय, आयोग, सचिवालय र निकायलाई परिपत्र गरेको थियो। तर हालसम्म दुई बटा सरकारी कार्यालयले मात्र ओएनएम सर्भे …
