२०८१ जेष्ठ ७, सोमबार ०६:१३

पोखरा महानगरपालिका–१६ अर्मलाका महिलाहरू सामूहिक कृषितर्फ आकर्षित भएका छन्। प्रगति कृषि समूह गठन गरी जग्गा भाडामा लिएर महिलाहरू सामूहिक कृषिखेतीमा लागेका हुन। समूहकी अध्यक्ष चिनमाया सुवेदी श्रेष्ठले दुई रोपनी जग्गामा मौसमअनुसार आलु, मुला, केराउ, काँक्रोलगायतका नगदेबाली गर्दै आएका र वर्षाको समयमा सोही जग्गामा परीक्षणकारूपमा विभिन्न छ जातका धान रोप्ने तयारी भइरहेको बताउनुभयो।  “स्यालघारी फाँटको जग्गामा यतिखेर लटरम्म काँक्रा फलेका छन्। फागुन महिनामा लगाएका भक्तपुरे जातको काँक्राका एक सय ३२ वटा बिरुवाले उत्पादन दिन सुरू गरेका छन्। वैशाखको अन्तिम सातादेखि उत्पादन सुरू भएको काँक्रा बिक्रीबाट रु १५ हजारभन्दा बढी आम्दानी गर्न सफल भएका छौँ”, अध्यक्ष सुवेदीले भन्नुभयो। हाल प्रतिकेजी ८० मा …

खडेरीका कारण चितवन राष्ट्रिय निकुञ्जमा पानीका स्रोत सुक्दै थालेपछि वन्यजन्तु समस्यामा परेका छन्। निकुञ्जका सूचना अधिकारी गणेशप्रसाद तिवारीले निकुञ्ज र मध्यवर्ती क्षेत्रमा रहेका साना ठूला एक सय ३४ वटा तालतलैयामा पानीको सतह घट्दै गएपछि वन्यजन्तुलाई समस्या भएको बताउनुभयो। उहाँले प्राकृतिक र निकुञ्जले बनाएका कृत्रिम तालसहित सिमसार क्षेत्र, नदी, खोलामा गत वर्षको तुलनामा पानीको सतह घटेको पनि उहाँले बताउनुभयो।

निकुञ्जका प्रमुख संरक्षण अधिकृत दिलबहादुर पुर्जा पुनले लामो समयसम्म पानी नपरेकाले पानीको सतह घटेको बताउनुभयो। चर्को घामले वास्पिकरण भएर जाने तर पानी नपर्ने हुँदा तालतलैयाको पानीको सतह घटेको उहाँले बताउनुभयो। उहाँले भन्नुभयो “विगतका वर्षमा भन्दा यसवर्ष पानीको सतह घटेको अनुमान गरिएको छ। …

ललितपुर महानगरपालिका–२१ खोकनामा ‘खा’, ‘गा’, ‘फङा’ र ‘कमल’ गरी चारवटा पोखरी छन्। उचित संरक्षणको अभावमा ती दिनप्रतिदिन विरुप बन्दै गएका छन्।

स्थानीय ७७ वर्षीय कृष्ण डुङ्गोलले संरक्षणको अभावमा ती पोखरीको प्राकृतिक स्वरूप बग्रिन थालेको बताउनुभयो। उहाँले भन्नुभयो,“यी पोखरी बाबुबाजेको पालामा निर्माण भएका थिए तर संरक्षण हुननसक्दा पहिलोको स्वरुपमा छैनन्। कोही सुख्खा छन् भने केहीमा हिलोमात्रै छ। तरबारसमेत गर्न सकिएको छैन।”

स्थानीय जगत डुङ्गोल पनि यहाँका पोखरी संरक्षणका लागि स्थानीय तहले उचित योजना बनाउनुपर्ने बताउनुहुन्छ। बसपार्क छेउमा रहेको ‘खा’ पोखरी मिचेर फराकिलो बनाउने मनसायसहित छलफल चलिरहेकाले त्यसतर्फ सबै सचेत रहनुपर्ने उहाँको भनाइ छ। “बसपार्क फराकिलो बनाउने वा नबनाउने भन्ने विषयमा छलफल …

“पहिला असीमित मित्रताको मात्र कुरा थियो। अहिले यो सम्बन्ध आउने पुस्ताको लागि हो भन्ने कुरा भइसक्यो” चीनका राष्ट्रपति सी जिनपिङटबाट भर्खरै रुसी समकक्ष भ्लादिमीर पुटिनको चिन भ्रमणका समयमा दुई राष्ट्रको भविष्य बारे पुटिन समक्ष यस्तै सङ्केत  गरेका छन्।

युक्रेन मामिलामा रुसको पक्षमा लहर बढिरहेको बेला पुटिनको यो बेजिङ भ्रमण पश्चिमी देशहरूले धेरै निकटबाट नियालिरहेका छन्। यता अमेरिकाले पनि रुसलाई समर्थन गरेकोमा चीनलाई कडा शब्दमा आलोचन गरिरहेको छ ।

अमेरिकालाई मेरो प्रश्न छ :  रुसलाई आफ्नो सबैभन्दा ठुलो शत्रु र चीनलाई आफ्नो सबैभन्दा ठुलो रणनीतिक प्रतिस्पर्धी बनाउनुहुन्छ जुन कार्य शत्रु घोषणा गर्नबाट एक कदम मात्रै टाढा छ। तपाईँ भन्नुहुन्छ कि यो …

चितवन राष्ट्रिय निकुञ्ज हुँदै बग्ने राप्ती नदी किनारबाट घडियाल गोहीका दुई सय ४७ अण्डा सङ्कलन गरिएका छन्। गोही प्रजनन केन्द्रमा कोरल्नका लागि जोखिममा परेका गुँडहरूबाट अण्डा सङ्कलन गरिएको निकुञ्जका सूचना अधिकारी गणेशप्रसाद तिवारीले जानकारी दिनुभयो।

राप्तीमा भेटिएका १९ मध्ये हात्तीलगायत वन्यजन्तु र मानवबाट जोखिम हुनसक्ने उच्च जोखिममा रहेका आठवटा गुँडबाट अण्डा सङ्कलन गरिएको र सुरक्षित रहेका गुँडहरूलाई प्राकृतिकरूपमा चल्ला कोरल्न छाडिएको उहाँले बताउनुभयो।

तिवारीका अनुसार सङ्कलन गरिएका अण्डालाई निकुञ्जको मुख्यालय कसरामा बच्चा कोरल्नका लागि राखिएका छन् भने २० वटालाई इन्कुभेटरमा ३२ डिग्री तापक्रममा राखिएका छन्। एउटै तापक्रममा राख्दा भाले निस्कन सक्ने भएकाले ती अण्डालाई इन्कुभेटरमा र अन्यलाई प्राकृतिकजस्तै गरी बालुवामा …

प्रधानन्यायाधीश विश्वम्भरप्रसाद श्रेष्ठले न्यायपालिकाले आफ्नो संवैधानिक दायित्व र जिम्मेवारी इमान्दारीपूर्वक वहन गर्दै आएको बताउनुभएको छ।पूर्वन्यायाधीश फोरम नेपालको आठौँ वार्षिक साधारणसभाका अवसरमा जेठ ५ गते काठमाडौँमा आयोजित कानुनी शासनको वर्तमान अवस्था विषयक कार्यक्रममा उहाँले कानुनको शासन मुलतः अनुभूति गर्ने विषय भएको विचार प्रकट गर्नुभयो।

प्रधानन्यायाधीश श्रेष्ठले भन्नुभयो, “सबैमा कानुनी शासनको परिपालन गर्ने संस्कारको विकास हुनुपर्छ। अदालतले एउटै विषयमा पटक–पटक आदेश गर्नुपर्ने अवस्था सुखद् होइन।”

कानुनबमोजिम गर्नुपर्ने दायित्व पूरा नगर्ने सार्वजनिक व्यक्तिको खोजी गर्नुपर्ने दृष्टिकोण र विचार अभिव्यक्त हुने गरेको बताउँदै उहाँले कानुनको शासन प्रवर्द्धनका लागि न्यायाधीश र न्यायपालिका सधैँ गम्भीर र संवेदनशील रहिआएको उल्लेख गर्नुभयो।

प्रधानन्यायाधीश श्रेष्ठले भन्नुभयो, “अहिले सर्वोच्च अदालत …