सुरेन्द्र भण्डारी/झापा 
नवजात शिशु र परिवारलाई राहतस्वरूप ३५ लाख रुपैयाँ दिने सहमतिपछि बिर्तामोडस्थित मनमोहन सामुदायिक अस्पतालमा देखिएको विवाद समाधान भएको छ।
बिर्तामोड १ निवासी २७ वर्षीया सृजना संग्रौला खनालको प्रसूति गराउने क्रममा चिकित्सकले लापरबही गरेको भन्दै उहाँका आफन्तले दुई दिनदेखि अस्पतालमा आन्दोलन चर्काएका थिए। तर, अस्पताल प्रशासन र पीडित परिवारबीच भएको वार्ताका क्रममा सृजनाको उपचारमा लागेको सबै खर्च मनमोहन अस्पतालले व्यहोर्न, उनको परिवारलाई राहतस्वरूप २० लाख रुपैयाँ दिने र नवजात शिशु (छोरी) को स्वास्थ्य, शिक्षाका लागि १५ लाख रुपैयाँ बैंकमा जम्मा गर्नेलगायतका सहमतिपछि अस्पतालमा देखिएको विवाद समाधान भएको बिर्तामोड नगरपालिकाका उपप्रमुख नगेन्द्र संग्रौलाले जानकारी दिनुभयो।
साउन २७ गते अस्पताल भर्ना भएकी सृजनाको प्रसूति गराउने क्रममा डाक्टरले लापरबाही गरेको भन्दै उहाँका आफन्तले अस्पतालमा सोमबारदेखि उपचारमा संलग्न चिकित्सकलाई कारबाही गरिनुपर्ने मागसहित आन्दोलन गरेका थिए। चिकित्सकको लापरबाहीले सृजनालाई मृत्युशय्यामा पुर्याएको उहाँका आफन्तको दाबी छ।
बिर्तामोड नगरपालिका १ घर भएकी २७ वर्षीया सृजनाको अस्पतालमा कार्यरत डा.एकराज गौतमले प्रसूति गराएका थिए। डा. गौतमले २७ गते राति नै सिर्जनको शल्यक्रिया गर्दै शिशु (छोरी) सकुशल निकाल्नुभएको थियो। तर, राति सवा नौ बजे सृजनालाई यहाँ उपचार सम्भव नभएको भन्दै बिर्तामोडस्थित बिर्तासिटी अस्पतालमा रेफर गरिएको थियो।
मनमोहन अस्पतालमा स्टाफ नर्सका रूपमा कार्यरत संग्रौला प्रसूतिका लागि २७ गते साँझ साढे ६ बजे अस्पताल भर्ना हुनुभएको थियो। तर, उहाँको शल्यक्रियापछि उच्च रक्तचाप देखिएसँगै स्वास्थ्य अवस्था गम्भीर भएकाले बिर्तासिटी रेफर गरिएको अस्पताल प्रशासनले जनाएको छ।
उच्च रक्तचापका कारण ‘ब्रेन हेमरेज’ भएसँगै उहाँको अहिले बिर्तामोडस्थित बिर्तासिटी अस्पतालको ‘भेन्टिलेटर’मा राखेर उपचार भइरहेको बताइएको छ।
सृजनाको शल्यक्रियापश्चात् होस आएको तर करिब एक घण्टापछि उनको स्वास्थ्यमा समस्या देखिँदै गएको बताइएको छ। सृजनाको स्वास्थ्यमा जटिल समस्या आउँदासमेत उनका आफन्तलाई जानकारी नगराएको र अन्तिम अवस्थामा आएपछि मात्रै डा.गौतमले रेफर गरेको भन्दै डा. गौतमलाई तत्काल कारबाही गरी उनको लाइसेन्ससमेत खारेज गरिनुपर्ने माग राख्दै आफन्तले सोमबारदेखि आन्दोलन चर्काएका थिए। पीडित पक्षसँग पटक–पटक वार्ता भए पनि निष्र्कषमा नपुग्दा मंगलबार मध्यान्हसम्म मनमोहन अस्पताल अशान्त बनेको थियो।
अस्पताल परिसर अशान्त बनेसँगै सोमवार साँझदेखि मनमोहन अस्पताल परिसरमा बाक्लो संख्यामा सुरक्षाकर्मी परिचालन गरिएको र अस्पताल सुरक्षित गरिएको इलाका प्रहरी कार्यालय अनारमनीका प्रहरी नायब उपरीक्षक सुरज कार्कीले जानकारी दिनुभयो।
श्रोत: आइएनएस-स्वतन्त्र समाचार
सुरेन्द्र भण्डारी/झापा का अन्य पोस्टहरु:
- झापामा डिआइजीका घुमुवाको दबदबा, डिएसपी कटुवालको संयोजकत्वमा बन्यो छानबिन समिति
- काठ तस्करीलाई सशस्त्र प्रहरीले नै संरक्षण गरेपछि…..
- वार्षिक १० अर्बको अलैंची निर्यात हुने क्षेत्र नै सरकारको उपेक्षामा, तीनै तहमा छैन नीति
- शैक्षिक गुणस्तर सुधारको प्रयास बुद्धशान्तिमा, ‘हाम्री आमा, राम्री आमा’ कार्यक्रम लागू
- स्वास्थ्यकर्मीको लापरवाहीले सृजनाको ज्यान गयो, ३५ लाख क्षतिपूर्ति
- गाँजा खोज्दै घर-घरमा प्रहरी, दुई हजार रोपनी नष्ट
- एक वर्षमा विपदमा परी ५७ जनाले गुमाए ज्यान, साढे ६ अर्बभन्दा बढीको क्षति
- अविवाहित प्रमाणित गर्न रु १०००।- मात्र
- कोशी प्रदेशमा पुनः उद्धव थापा नै मुख्यमन्त्री
- कोशी: पूर्व कांग्रेसीको हातमा सत्ताको चाबी
