सुरेन्द्र भण्डारी/झापा 
सुरेन्द्र भण्डारी/झापा
बिर्तामोडस्थित मनमोहन सामुदायिक अस्पतालमा स्वास्थ्यकर्मीको लापरवाहीले बिरामीको अवस्था चिन्ताजनक भएपछि थप उपचारका लागि बिर्तासिटी अस्पताल भर्ना गरिएकी सृजना संग्रौलाको मृत्यु भएको छ । उनको बुधवार अपरान्ह ३:४० मा मृत्यु भएको बिर्तासिटी अस्पतालका प्रशासन प्रमुख विनोद बस्नेतले जानकारी दिनुभयो ।
बिर्तामोड १ स्थित २७ वर्षीया संग्रौलालाई प्रसूति गराउन गत साउन २७ गते मनमोहन सामुदायिक अस्पतालमा भर्ना गरिएको थियो । अस्पतालमा भर्ना भए लगत्तै सृजनाको शल्यक्रियापछि शिशु (छोरी) निकालिएको थियो । तर, शल्यक्रियाको एक घण्टापछि उच्च रक्तचापका कारण सृजनाको ब्रेन ह्यामरेज भएर त्यहाँ उपचार सम्भव नभएसँगै सृजनालाई बिर्तामोडस्थित बिर्तासिटी अस्पताल रिफर गरिएको थियो ।
यता सृजनाको शल्यक्रिया गर्ने चिकित्सक डा. एकराज गौतमको लापरवाहीका कारण सृजनाको उच्च रक्तचापसँगै ब्रेन ह्यामरेज भएको भन्दै डा गौतमलाई कारवाहीको माग सहित सोमबार र मंगलबार मनमोहन अस्पतालमा उनका आफन्तले आन्दोलन चर्चाएका थिए ।
सृजनालाई मृत्युशय्यामा पुर्याएको भन्दै उनका आफन्तले आन्दोलन चर्काएसँगै पीडित परिवार र अस्पताल प्रशासनबीच ३५ लाख रुपैयाँ लिने सहमति पछि आन्दोलन स्थगित भएको थियो । सृजना सोही अस्पतालको एनआईसीयू वार्डमा कार्यरत नर्स भएको र उनको उपचार तथा नवजात शिशुको शिक्षा र स्वास्थ्यका लागि अस्पतालले ३५ लाख रुपैयाँ दिने सहमति गरेको थियो ।
सृजनाले यस अघि बिर्तासिटी अस्पतालमा पनि आईसीयू वार्डमा लामो समय काम गरेकी थिइन् ।
सम्बन्धित समाचारः नवजात शिशु र परिवारलाई ३५ लाख दिने सहमति, आमाको भेन्टिलेटरमा राखेर उपचार हुँदै
श्रोत: आइएनएस-स्वतन्त्र समाचार
सुरेन्द्र भण्डारी/झापा का अन्य पोस्टहरु:
- झापामा डिआइजीका घुमुवाको दबदबा, डिएसपी कटुवालको संयोजकत्वमा बन्यो छानबिन समिति
- काठ तस्करीलाई सशस्त्र प्रहरीले नै संरक्षण गरेपछि…..
- वार्षिक १० अर्बको अलैंची निर्यात हुने क्षेत्र नै सरकारको उपेक्षामा, तीनै तहमा छैन नीति
- शैक्षिक गुणस्तर सुधारको प्रयास बुद्धशान्तिमा, ‘हाम्री आमा, राम्री आमा’ कार्यक्रम लागू
- नवजात शिशु र परिवारलाई ३५ लाख दिने सहमति, आमाको भेन्टिलेटरमा राखेर उपचार हुँदै
- गाँजा खोज्दै घर-घरमा प्रहरी, दुई हजार रोपनी नष्ट
- एक वर्षमा विपदमा परी ५७ जनाले गुमाए ज्यान, साढे ६ अर्बभन्दा बढीको क्षति
- अविवाहित प्रमाणित गर्न रु १०००।- मात्र
- कोशी प्रदेशमा पुनः उद्धव थापा नै मुख्यमन्त्री
- कोशी: पूर्व कांग्रेसीको हातमा सत्ताको चाबी
