ताजा खबर

काठमाडौं महानगरपालिका वडा नं. ७ द्वारा आयोजित प्रथम वडाध्यक्ष भेट्रान कप फुटबल २०७९ को उपाधि ढोलाहिटी युथ क्लबले जितेको छ।चावहिल गणेशस्थानस्थित खेलमैदानमा मंगलवार सम्पन्न फाइनलमा ललितपुरको टोली ढोलाहिटी युथ क्लबले काठमाडौँ ठमेलको फ्रिडम फाइटरलाई २–१ गोलले पराजित गर्दै उपाधि आफ्नो नाम गर्‍यो।विजेता टोलीले प्रथम वडाध्यक्ष भेट्रान कपको उपाधिका साथै पुरस्कारराशी स्वरूप एक लाख रुपैयाँ प्राप्त गर्‍यो भने उपविजेता फ्रिडम फाइटरले ५० हजार रुपैयाँ पुरस्कार पायो।

प्रतिश्पर्धात्मक फाइनलका तीनै गोल खेलको पहिलो हाफमा सम्भव भएका थिए।पहिलो हाफको पाँच मिनेट बित्न नपाउँदै फ्रिडम फाइटरका विकर्ण श्रेष्ठले गोल गर्दै आफ्नो टोलीलाई अग्रता दिलाएका थिए।तर गोल खाएको दश मिनेटभित्रै दुई गोल फर्काउँदै ढोलाहिटी खेलमा …

पारदर्शिताको लागि सूचनाको हक कार्यान्वयन गर्न प्रत्येक राजनैतिक दलले आत्मसात गरेको खण्डमा पारदर्शिता, जवाफदेहीतामा अभिवृद्धि हुने सभासद् समिना हुसैनले वताउनु भएको छ। यसैगरी सभासद् रंगमती शाहीले नागरिकलाई यथार्थ जानकारी दिएमा मात्र राज्यप्रति विश्वास बढ्ने बताउनुभयो । माननीय झपट रावलले भने राजनैतिक परिवर्तन भयो तर संस्कार र संस्कृति परिवर्तन नभएकाले मुख र हातखुट्टा सँगसँगै चल्नुपर्ने बताउनुभयो ।

उहाँहरू राष्ट्रिय सूचना आयोगले २०७९ साल जेठ १६ गते सोमबार सूचनाको हक कार्यान्वयनमा संसदीय समितिको भूमिका विषयक आयोजित अन्तरक्रिया कार्यक्रममा बोल्दै हुनुहुन्थ्यो ।

कार्यक्रममा बोल्दै प्रमुख अतिथि विकास तथा प्रविधि समितिका सभापति कल्याणी कुमारी खड्काले नागरिकलाई सूचनाको हकको बारेमा सूसुचीत बनाउन समितिका सदस्यहरुले आ …

नेपाल सरकारले आव २०७९/८० को बजेटमा शिक्षा क्षेत्रका लागि कुल राष्ट्र्यि बजेटको १०.९५ प्रतिशत मात्र छुट्याएको छ । शिक्षासम्बन्धी व्यवस्था र बजेटबारे शिक्षाका लागि राष्ट्रिय अभियान नेपाल (एनसीइ नेपाल) ले यसप्रति असन्तुष्टि जनाएको छ । एनसीइ नेपालका अनुसार नेपाल सरकारले यसअघि विभिन्न मञ्चमा कुल राष्ट्रिय बजेटको कम्तिमा २० प्रतिशत शिक्षा क्षेत्रमा लगानी गर्ने प्रतिवद्धता व्यक्त गर्दै आएको थियो ।
शिक्षाका लागि राष्ट्रिय अभियानले नेपालको सार्वजनिक शिक्षा सुदृढीकरणका लागि तीन तहका सरकारले आ–आफ्नो बजेटबाट कम्तिमा २० प्रतिशत बजेट छुट्याउनु पर्ने माग गर्दै आएको थियो ।
अर्थमन्त्री जनार्दन शर्माले २०७९ जेठ १५ गते संघीय संसद्मा प्रस्तुत गर्नुभएको यस आ.ब.को बजेटमा उल्लेख गर्नुभएको …

राष्ट्रिय सूचना आयोगले सूचनाको हकसम्बन्धी ऐन, २०६४ को दफा १९ को खण्ड (ङ) बमोजिम  एक आदेश जारी गर्दै स्थानीय तहको कानून निर्माण गर्दा सूचनाको हकसम्बन्धी ऐन, २०६४ को दफा ३ को उपदफा (३) मा उल्लेख भएका विषयबाहेक अन्य विषय गोप्य नरहने गरी मात्र कानुन निर्माण गर्ने/गराउन भनेको छ। त्यस्तै आयोगले कानुन तथा नीति निर्माण र बजेट तथा कार्यक्रम तर्जुमा गर्दा सर्वसाधारण नागरिकको सहभागिता सुनिश्चित गर्न प्रस्तावित कानुन, नीति, बजेट तथा कार्यक्रमउपर खुला छलफल तथा सुझाव लिने व्यवस्था गर्न भनेको छ।

यसैगरी स्थानीय तहमा रहेका नगर/गाउँसम्म, कार्यपालिका, वडा समितिले गरेका निर्णयहरु तत्काल स्थानीय तहको वेबसाइट, सूचना पाटी, स्थानीय सञ्चार माध्यमलगायतको माध्यम …

आइएनएसका प्रधान सम्पादक तारानाथ दाहाललाई त्रिमूर्ति निकेतनले ‘भद्र घले पदक’ बाट सम्मानित गर्ने निर्णय गरेको छ।

त्रिमूर्ति निकेतनको स्थापनामा गुरुतर भूमिका निर्वाह गर्दै देशदेशान्तरमा संस्थाको गरिमामय उचाइ अभिवृद्धिका लागि समेत विशिष्ट योगदान पुर्‍याएबापत तारानाथ दाहाललाई सो पदक समर्पण गर्नेका लागि त्रिमूर्ति निकेतनको पूर्व बैठकबाट निर्णय गरिएको जनाइएको छ।

त्यसैगरी  त्रिमूर्ति निकेतनले त्रिमूर्ति निकेतनबाट गठित ‘विश्वनारी नेपाली साहित्य सम्मेलन’ र ‘सत्यमोहन जोशी शताब्दी महोत्सव’को आरम्भदेखि अन्त्यसम्मको नेतृत्वदायी भूमिकामा सार्थक, उल्लेखनीय र विशिष्ट योगदानका निम्ति प्रा.डा. उषा ठाकुरलाई ‘भद्र घले पदक’ समर्पण गर्ने निर्णय गरेको पनि जनाइएको छ।

प्रमाणपत्र र पदकका साथ ‘भद्र घले पदक’को राशी जनही पच्चीस हजार रूपियाँ रहेको छ।…

निर्वाचन आयोगले १४ जिल्लाका ४४ वटा मतदान केन्द्रमा विवाद र झडपका कारण मतदान स्थगित भएको जनाएको छ । मतदानको समय सकिएपछि निर्वाचन आयोगमा एक पत्रकार सम्मेलन आयोजना गरेर स्थगन भएका मतदान केन्द्रको मतदान आयोगसँगको समन्वयमा छिट्टै गर्ने व्यवस्था मिलाएको जनाएको छ । अवरुद्ध भएका स्थानमा निर्वाचन अधिकृतको प्रतिवेदनका आधारमा आयोगलाई जानकारी दिएर पुनः मतदान गराउने निर्णय मुख्य निर्वाचन अधिकृतले गर्न सक्ने आयोगले जनाएको छ।

पत्रकार सम्मेलनमा बोल्दै प्रमुख निर्वाचन आयुक्त दिनेश थपलियाले देशैभरी एकैसाथ निर्वाचन गराउने क्रममा आवश्यक सुरक्षा प्रवन्ध गर्न नसकिएका कारण धेरै ठाउँमा निर्वाचन स्थगित गर्नु परेको बताउनु भयो ।

प्रमुख निर्वाचन आयुक्त थपलिया पत्रकार सम्मेलनमा भन्नुभयो, ‘एकै …

मदन भण्डारी स्वास्थ्य विज्ञान प्रतिष्ठानका उपकुलपति प्रा. डा. विश्वराज जोशीलाई निलम्बन गर्ने निर्णय कार्यान्वयन नगर्न सर्वोच्च अदालतले आदेश दिएको छ। मंगलबार बागमती प्रदेश सरकारको प्रक्रियाविरुद्ध सर्वोच्च अदालतले अन्तरिम आदेश जारी गरेको हो। मंगलबार सर्वोच्च अदालतका न्यायाधीश कुमार चुडालको इजलासले प्रदेश सरकार विरुद्ध दर्ता भएको रिट निवेदनको सुनवाई गर्दै अन्तरिम आदेश जारी गरेको हो।
बागमती प्रदेश सरकारका मुख्यमन्त्री राजेन्द्र पाण्डेले प्रतिष्ठानका उपकुलपति जोशीमाथि छानविन गर्न बैशाख १३ गते समिति गठन गर्नुभएसँगै प्रा.डा. जोशी निलम्बित हुनुभएको थियो। सर्वोच्चको आदेशपछि प्रा. डा. जोशी काममा फर्कने बाटो खुलेको छ। सर्वोच्चले अन्तरिम आदेश जारी गरेसँगै प्रा.डा. जोशीले प्रतिष्ठानको कामकारबाहीबारे पत्रकार सम्मेलन गरेर जानकारी गराउने बताउनुभएको …

आइएनएसका प्रधान सम्पादक तारानाथ दाहाललाई राष्ट्रपति विद्यादेवी भण्डारीले  आज  शनिबार एक समारोह बीच वरिष्ठ पत्रकार सम्मान दिनुभएको छ।

फ्रिडम फोरमका प्रमुख कार्यकारीसमेत रहनु भएका दाहालसँगै पत्रकार किशोर नेपाललाई दुई लाख रुपैयाँ नगद राशिसहित यो वर्षको सम्मान दिइएको हो।

शनिबार राष्ट्रपति निवासमा भएको औपचारिक कार्यक्रममा राष्ट्रपति विद्यादेवी भण्डारीले उहाँहरूसहित २०७६ र ०७७ सालका सम्मान शार्दूल भट्टराई, रघु मैनाली, हर्ष सुब्बा, स्वर्गीय अग्निशिखालाई समेत उक्त सम्मान प्रदान गर्नुभएको छ।

सम्मानित पत्रकार हर्ष सुब्बा पनि आइएनएस परिवारसँग सम्बन्धित हुनुहुन्छ। आइएनएसका उहाँ धरानमा बसेर पूर्वी नेपालको समाचार विश्लेषण गर्नुहुन्छ।

गोरखापत्र प्रकाशनको १२२औँ वार्षिकोत्सव र राष्ट्रिय पत्रकारिता दिवसको अवसरमा सरकारले उहाँहरूलाई सम्मान गरेको हो।

यसैगरी …

रिपोर्टर्स विदआउट बोर्डर्सले विश्व प्रेस स्वतन्त्रता दिवसको अवसरमा जारी गरेको विश्व प्रेस स्वतन्त्रता सूचकाङ्कमा नेपाल ७६ औँ स्थानमा पुगेको छ। सन् २०२२ संस्करणले १८० देश र क्षेत्रहरूमा पत्रकारिताको अवस्थाको मूल्याङ्कन गर्दा नेपालले उक्त स्थान पाएको हो। यसअघि नेपालको स्थान १०६ नम्बरमा थियो।

रिपोर्टर्स विदआउट बोर्डर्सको विश्व प्रेस स्वतन्त्रता सूचकाङ्कमा भारतको स्थान भने खस्कदैँ गएको छ। १८० देशमध्ये भारत १५० औं स्थानमा पुगेको छ। यसअघि भारतको स्थान १४२ नम्बरमा थियो। पाकिस्तान भारतभन्दा ७ नम्बर पछाडि अर्थात १५७ औं स्थानमा छ । सबैभन्दा राम्रो स्थितिमा चाहिँ नर्वे, डेनमार्क र स्विडेन छन्, पहिलो, दोस्रो र तेस्रो स्थानमा। यसैगरी इस्टोनिया, फिनल्याण्ड, आयरल्याण्ड, पोर्चुगल र …