अर्थतन्त्र/विकास

गैँडाकोट- नेपालको सहकारी इतिहासमै पहिलो पटक विकू बचत तथा ऋण सहकारी संस्थाले विद्युतीय भुक्तानी प्रविधि पिओएस (प्वाइन्ट अफ सेल) मेसिन शुभारम्भ गरेको छ।

उक्त मेसिनको अनावरण गण्डकी प्रदेशका कृषि तथा भूमि व्यवस्थामन्त्री महेन्द्रध्वज जिसीले गर्नुभएको हो। जुनसुकै बैंक तथा वित्तीय संस्थाको एटिएम कार्डबाट सो मेशिनमार्फत भुक्तानी गर्न सकिने विकू सहकारीका प्रमुख अधिकृत माधवप्रसाद पौडेलले जानकारी दिनुभयो। ३३औँ वार्षिकोत्सवका अवसरमा अमरापुरीमा आयोजित कार्यक्रममा पिओएस मेसिन विजयश्री उपभोक्ता सहकारीद्वारा सञ्चालित किसान मार्टका लागि हस्तान्तरण गरिएको थियो।

सो पिओएस मेसिन वायरलेस वाइफाइ प्रविधिमा आधारित रहेको उहाँले जानकारी दिनुभयो। यसलाई अन्य व्यापारिक तथा व्यावसायिक प्रतिष्ठानमा क्रमैसँग विस्तार गर्दै जाने उहाँको भनाइ छ। ३३औँ वार्षिकोत्सवका …

जग्गा कित्ताकाट सम्बन्धी सरकारले गरेको निर्णय तत्काल कार्यान्वयनमा गएको छ ।  मन्त्रिपरिषद्ले संशोधित भू उपयोग नियमावली स्वीकृत गरेर जग्गाको कित्ताकाट खुवाएलगत्तै स्थानीय निकाय पनि जग्गा वर्गीकरण कार्यमा जुट्नुपर्ने भएको छ । प्रधानमन्त्री पुष्पकमल दाहाल प्रचण्डले जग्गामा कित्ताकाट खुलाउने निर्णय तत्काल कार्यान्वयन गर्नुपर्ने बताएपछि  सबै पालिका तथा स्थानीय तहले एक वर्षभित्र जग्गाको वर्गीकरण गरिसक्नुपर्ने भएको हो  ।

प्रधानमन्त्रीले भूउपयोग नियमावली– २०८० स्वीकृत गर्नुअघि नै व्यावसायीलाई कित्ताकाट खुलाउने निर्णय तत्काल कार्यान्वयन हुने आश्वासन दिनुभएको थियो । गत मंगलबार मन्त्रिपरिषद्ले  भूउपयोग नियमावली –२०८० स्वीकृत गरी कित्ताकाट खुलाउने निर्णय गरेको थियो । सो निर्णय गर्नु अघि नै निजी क्षेत्रका प्रतिनिधिले प्रधानमन्त्री समक्ष जग्गाको कित्ताकाट …

 गत आर्थिक वर्षको अन्त्यतिर बजेट रकमान्तर गरेर कोशी प्रदेशसभा सचिवालयले सांसदहरूलाई ल्यापटप वितरण गर्ने योजना अघि सार्यो। त्यसका लागि सचिवालयले ल्यापटप खरिद प्रक्रिया अघि बढायो। जबकि सांसदहरुलाई ल्यापटप दिने गरी शीर्षक छुट्टाएर सरकारले कुनै बजेट विनियोजन गरेको थिएन।

ल्यापटप बाँड्न आर्थिक मामिला मन्त्रालय पनि सम्हालेका तत्कालीन मुख्यमन्त्री हिक्मतकुमार कार्कीले ९३ सदस्यीय प्रदेशसभाका सबै सदस्य तथा विषयगत समितिका ७ जना सचिवलाई ल्यापटप खरिद गर्न बजेट रकमान्तर गरी प्रदेश सरकारले सचिवालयलाई १ करोड ५० लाख रुपैयाँ बजेट उपलब्ध गराएको थियो।

ल्यापटप खरिदार्थ प्रदेशसभा सचिवालयले १ जेठ २०८० मा सार्वजनिक सूचना जारी गर्दै टेन्डरसमेत आह्वान गरिसकेको थियो। तर बजेट नभएको भन्दै प्रदेश सरकारले …

कोशी प्रदेश सरकारले प्रदेशसभा सदस्य र कर्मचारीका लागि खरिद गरेको विद्युतीय चुलो २१ जना सांसदले बुझेका छन्।

विद्युतीय चुलो बुझ्नेमा कोशी प्रदेश सरकारका दुई पूर्वमन्त्रीसमेत रहेका छन्। माओवादी केन्द्र कोशी प्रदेशका संसदीय दलका नेता एव पूर्वआर्थिक मामिला तथा योजना मन्त्री इन्द्र आङ्म्बो र एमाले नेता एव पूर्वसामाजिक मन्त्री बुद्धीकुमारराज भण्डारीसमेत रहनुभएको छ।

प्रदेश सरकारले प्रदेशसभा सदस्य र कर्मचारीका लागि विद्युतीय चुलो खरिद गरी वितरण गर्न थालेपछि कतिपय प्रदेश सभासदस्यले त्यसको विरोध गरिरहँदा पूर्वमन्त्रीहरुले नै विद्युतीय चुलो बुझेर लगेको पाइएको छ।

कोशी प्रदेश सचिवालयका अनुसार गएको साउन १५ गतेदेखि आइतबारसम्म प्रमुख तिन दलका २१ जना सांसदले चुलो बुझेका छन्। आइतबारसम्म चुलो …