अनिल तिवारी /वीरगञ्ज 
अनिल तिवारी
पर्साको पश्चिमी सीमामा रहेको ठोरीमा भारतीय पर्यटक आउने क्रम बढ्न थालेको छ। चारै तिरबाट जङ्गल र पहाडले घेरिएको उक्त बजार सीमावर्ती भारतीयहरूको लागि आकर्षणको केन्द्र बन्दै गएको छ। हुलाकी सडकको निर्माणपछि सदरमुकाम वीरगन्ज देखि ठोरीको दूरी नजिकिए पछि त्यहाँ आन्तरिक र बाह्य पर्यटकहरुको भिड बढ्न थालेको हो। भारतीय सीमावर्ती शहर भिखाना ठोरीसँग जोडिएको ठोरीको राईधारामा पिकनिक खान आउनेको संख्या एक्कासी बढेको छ। तराईमा तिहार र त्यस लगतैको छठपर्व पछि पिकनिक मनाउने आउनेहरूको तातिनै लागेको छ। त्यसमाथि भारतको बिहारमा ‘सराब–बन्दी’ अर्थात रक्सी बन्द भएका कारण पनि पिकनिक मनाउन भारतीयहरूको ओइरो लागेको हो। स्थानीयहरूका लागि त्यसको व्यवस्थापन गर्न भ्याइ न भ्याइ छ।
तराइका मुख्य पर्वको रुपमा रहेको छठ सकिएसँगै ठोरीमा भारतीय तथा नेपालका आन्तरिक पर्यटकहरूको चहलपहल ह्वात्तै बढेको छ। कोरोनाका कारण दुई वर्ष देखि सीमामा लागेको नाकाबन्दी खुलेकाले पनि यो वर्ष पर्यटकीय चहलपहल बढेको हो।
राईधारा परिसरमा पिकनिक खान आउने आन्तरिक र भारतीय पर्यटकहरूको पिकनिक खान आउनेको संख्या बढेको ठोरी मध्यवर्ती उपभोक्ता समितिका अध्यक्ष बालकुमार बस्नेतले बताउनुभयो । बालकुमार भन्नुहुन्छ, ‘मुख्य रुपमा हुलाकी सडक निर्माण भएपछि ठोरीको रमणीय ठाउँहरू हेर्न आउने भारतीयको संख्या क्रमिक रुपमा बढ्दै छ, उनीहरू घुमफिर गर्नुको साथै खानपिनमा व्यस्त हुन्छन्।’
सोमबार मात्रै सीमावर्ती भारतीय शहर जमुनिया, नरकटियागन्ज, रामनगर, रक्सौल, सुगौली, मुजफ्फरपुरदेखि पटनासम्मका भारतीय पर्यटकको ओइरो लागेको छ। आन्तरिक रुपमा वीरगन्ज, कलैया, पोखरिया, हरैया लागायतका स्थानबाट पनि सपरिवार पिकनिक मनाउन आउनेहरू देखिएका छन्।
ठोरीको पिकनिक स्पटका रुपमा परिचित राईधारा क्षेत्रमा २ रुपैयाँ ५० हजारभन्दा बढी सवारी पार्किङ शुल्क मात्र असुल भएको ठोरी नगरपालिकाको एक कर्मचारीले बताए। उनले भने, ‘हामीले ठोरीलाई व्यवस्थित गर्दै छौ। यसका केही ठूला होटल तथा रेष्टुरेन्टहरू निर्माणको क्रममा छन्। ठोरीको स्वर्णपुर गाउँमा होमस्टे पनि केही वर्ष देखि सञ्चालनमा आएकोले पर्सा राष्ट्रिय निकुन्ज भ्रमण गर्न आउने तेश्रो मुलुकका (भारत बाहेकका) पर्यटकहरूको संख्या पनि क्रमिक रुपमा बढ्दै गएको छ।’
श्रोत: आइएनएस-स्वतन्त्र समाचार
अनिल तिवारी /वीरगञ्ज का अन्य पोस्टहरु:
- पर्सामा बालिका बलत्कार, बिचौलियाको सक्रियतामा मुद्दा दबाउने प्रयास भएको आरोप
- मेयर संम्लग्न किर्ते नागरिकता प्रकरण: एक हप्ता देखि जिल्ला प्रहरी कार्यालय अगाडि प्रदर्शन
- शिविर लगाएर धार्मिक ठगी, पक्राउ पर्ने सूचना पाएपछि फरार भए काली कम्बल
- उपेन्द्र यादवको चर्को बिरोध पछि जसपा सरकारमा नजाने सङ्केत
- दलाई लामा र चिसिँदै गएको अमेरिका चिन सम्बन्ध !
- क्याम्पसको नवनिर्मित भवनमा गाई गोठ, भवन निर्माणमा अनियमितता भएको आरोपपछि ठेक्कापट्टाको फाइल नै गायब
- किर्ते नागरिकता प्रकरण: सूचना माग्दा प्रमाण गायब, प्रमाण लुकाउन १० लाखको चलखेल भएको आशङ्का
- वीरगन्जको एक सहकारीमा महानगरपालिको सिलबन्दी, जीवी राईलाई पक्राउ गर्न माग गर्दै प्रदर्शन
- मेयर जोडिएको किर्ते नागरिकता प्रकरण: छानबिन गर्न समिति गठन
- नक्कली बाबु बनेर नागरिकता दिने वीरगन्ज महानगरपालिका प्रमुख सिंह विरुद्ध उजुरी दर्ता
